Volume 0, No. 70
18871220

page 2  (12 pages)
to previous section1
3to next section


View the commentary of this paper

 

tukunga iho ki a ia notemea kei tona ringa ake te urungi o nga mea katoa me tuoho tatou ki raro i ona harirau makona ka na te mauri e whakawhirinaki ana ki a ia. Kua tae nei tatou ki nga ra e tutata ana ki te Kirihimete na, he wa koa tenei he wa tenei e hari ai nga tangata katoa, notemea e tae tonu ana mai nga whakaaro i uru ki roto i nga whaikorero tuarangi, ahakoa nonamata aua korero ahakoa i tawhito, tenei aua kupu te hoki mai i runga i te puna aroha ano he maimai-aroha i tukua mai e te Runga Rawa ki a tatou "Kia whai kororia te Atua i runga rawa, kia mau te rongo ki te whenua me te whakaaro pai ki te tangata" Heikona ra koutou e aku hoa kia torona a tatou ringa tetahi ki tetahi, kia koa ano tatou ki te tau hou meake ka puta mai, kia tau ano te tino hari ki a tatou ngakau katoa mo ake tonu atu.

 

Te Kapua Taumarumaru Whakaweti o te Whawhai.

 

KUA tae mai nga rongo i Ranana i ra te waea mai i te 3 o nga ra o Tihema e mea ana kua whakanohoia nga mano tini o nga ope Ruhiana ki nga rohe katoa o Ateria a tenei te iwi o taua whenua te noho manukanuka mo tenei mahi o nga Ruhiana. Waihoki kei te whakanui a Taimani i a ratou ope hoia, ko nga ope hou e tae ana ki te wha rau mano hei awhina i nga ope hoia tuturu o Tiamani mo ahea ranei nga kararehe o te pakanga ka tukua, e noho mataara ana nga iwi katoa o tetahi taha o tetahi taha ma te korakora iti rawa ka mumura ai nga rakau katoa o te whawhai.

 

Wi Tako, M.L.C.

 

I TE tunumanga o Wi Tako i ahua penei nga whaikorero o te Akipihopa Rerewuru (Arch bishop Redwood): - "Kua hui mai tatou me nga Ropu tokomaha he whakahonore i nga wahi mahuetanga o to tatou hoa tapui kua whiwhi nei i runga i tona mahi rangatira ta tatou manaakitanga ta tatou mihi aroha me nga whakawhetainga o nga tangata katoa o Niu Tireni. E tuku atu ana te Koroni katoa ra o tatou ringa i tenei wa pu ano, ki tona marua, nga pare maimai aroha o to tatou whaimaharatanga mutunga kore, hei whakawhetainga no te puna aroha mo ana mahi nui nana i arataki, hei whiwhinga mo te Pakeha e noho nei i enei motu. I kite ano ia i te timatanga mai ra ano nga hua nui e puta mai i te whakatangatanga me te ngakinga o nga hua o te mohiotanga i runga i te huarahi o te mahi ako. Tu ana ia i te tai o te "Tupu haere" hei hoa tapui no te taone he kaihanga ture he kai-Arataki whakahirahira mo te tangata, a kua whakaaria e ia ake ano kia tatou tona pai i a ia e ora ana, a ka tika rawa kia tuku ata e nga iwi e rua nga whakahonoretanga a kua tu tenei whakaminenga pai whakaharahara i naianei hei maimai aroha na tatou ki tenei Ruanuku. Waihoki kahore hei iti iho ta tatou whakapai i a ia mo ona whakaaro mo te whakapono. I awhinatia arohatia e ia nga kupu pono o te ora. He Karaitiana pai ia a tera te whakamaharatanga moona ka tika kia whakatupuria e nga tangata katoa e whakapai ana ki nga take nui o te Karaitiana e tu ana i nga tuunga maro o te whakatangatanga pono. Mehemea ka titiro atu ahau ki a ia, ano, he Karaitiana tera e neke ake taku miharo. A ka tino hari toku ngakau ki te tuku atu i taku wahi honore hui hoki ki to ta te Koroni katoa. A ka tuku atu tenei kopare whakawhetai ki runga i nga wahi mahuetanga ona, he maimai aroha ki a ia.

 

Otorohanga.

 

KUA nekehia te Kooti Whenua Maori ki te 1 o nga ra o Maehe 1888, ko reira ka tu pea te mahi korerorero wehewehenga. E kii ana ina ka whakataua taua poraka whenua e karangatia ana ko Hurakia-Maraeroa ki ia tangata ki ia tangata e whaitake ana, tena etahi o aua tangata ka whai taonga notemea e tutata ana ki taua kaainga ngahere kahikatea he tini noa iho nga miriona puutu e puta mai i aua ngaherehere e kiia ana tena nga waro te takoto puputu mai i aua whenua he taonga enei ka whaiwahi te tangata ina ka mana tona totohe. E kii ana a Wahanui he mea maumau te whakatu te Kooti mo nga whenua kua riro i nga rerewe notemea kahore i mohiotia inaianei nawai ranei te whenua. Waihoki he mea homai noa taua whenua ki nga tangata Maori ma reira e kore e tika to ratou whakaparahako mehemea i anga pera a ratou whakaaro.

 

Tenei hoki enei kupu e kiia ana kahore a Paratene Ngata e whakaarohia ana kia hoki mai ia ki Otorohanga ina ka tu te Kooti notemea e hoki ana taua Ateha ki tona kaainga, Waiapu, Kihipane. He mea tenei e pouri te katoa notemea he Ateha tino pai rawa taua tangata e aroha nuitia ana mo tona mahi tika me te ahua rite rawa o ana whakataunga, me tumanako ano tatou ka hoki mai ano taua Ateha tika kia mutu marire te wehewehenga o taua whenua.

 

Ko nga mahi nunui e oti ana, haunga anake i te kaha otira i te mahi totohe tonu a te tangata.

 

Ko te inoi te ki, ko te Paipera te raka e tukua mai ana te Wairua kia kitea te ataahua o te Karaiti.