Volume 2, No. 2
18430201

page 5  (4 pages)
6to next section


View the commentary of this paper

 
KO TE KARERE O Nui TIRENI

[Na te Kawana i mea kia taia]

VOL. 2] AKARANA, WENEREI PEPUERE 1, 1843. No 2.

TE Nuipepa o Hanuere i mea ai matou, kia hoki mai te tino kai Tiapi a te Karaka i Tauranga katahi o matou waha ka hamumu, kia korerotia te ngangaretanga o Ngaiterangi ratou ko Ngatiwakaue. Kua hoki mai ia a tenei ano nga korero mo nga tangata katoa e titiro Nuipepa ana. I te toru o nga ra o Hanuere, i u ai te kai puke ko Wikitoria ki Tauranga tika tonu te kai tiaki ki te Papa ki te kainga o te Paraone kihai roa te tunga e Wikitoria, ka rere atu ia ki Poneke, ko te Kawana, me era atu Rangatira Pakeha ki runga. Ka haere atu te kai tiaki ki te Pa o Tupaea, ka Otumoetai ka wakamine mai a Ngaiterangi ki te wakarongo korero, ka patai atu ratou ki a ia, ka mea, tika pehea te wakaaro o te Kawana ki a Ngatiwakaue kaha nga hoia haere ai ki te rapu utu mo nga tupapaku o Tukua ? hua noa ratou i haere atu nga hoia ki te wawai ki nga tangata maori kihai ratou i

mahara ki te mea i haere atu ai nga hoia, hei pehi, hei wakakorekore te ngangaretanga o te tangata maori, mehemea he ngakau wawai ta te Kawana, me ta te tangata maori, mate rawa ratou i otira kihai matou haere mai ki te wawai kahore kia mau ra te rongo kia pupuri te kino, kia wakamutu te wawai, kia hokohoko kia ngaki marire i te wenua, a kia hapainga ake tenei whenua me tenei iwi ki te tu rangatira. No ka rongo a Ngaiterangi ki tenei kupu, ka pouri ratou, ka tahuri mai, ki te Kai tiaki ka mea 'me pehea a matou tupapaku? nau e te Karaka i pupuri nga hoia, ko tou hanga tenei, ekore matou e wakarongo atu ki te ki houhou rongo. Ka ki atu te kai tiaki ka mea ki te mea ka ki wawai mai koutou e wakaaro ana au, me timata nga hoia te rapu utu i a wai ai nga Pakeha i a Ngaiterangi ranei, na nga Pakeha, na Ngaiterangi hoki te timatanga o tenei pakanga,