No. 84
190503

page 1  (12 pages)
2to next section


 
te Pipiwharauroa,

He Kupu Whakamarama

NAMA 84.

MAEHE 1905.

NGA POU-ROHE O TE WHAKAPONO.

(NA TE MAHARA.)

Kei nekehia ketia e koe te rohe a tou hoa i rohea e nga tangata onamata ki tou kainga. (Tinateronomi xix, 14.)

E rewena ana te whakapono i nga mahi katoa a te tangata.

KI te tirohia e tatou nga ture a te Atua i hanga ai hei whakahaere mo tana iwi tawhito, tera tatou e kite ko nga ture i hanga e te Atua ehara i te mea mo te taha wairua anake o te tangata, engari mo tona taha-whakateao ano: mo te tikanga o te karakia, mo te tina- na, kia ma kaua e poke kia kaua e kai i nga mea poke i nga mea pirau;

tae rawa ki te whenua ta te Atua whakaritenga ture, "kei nekehia ketia e koe te rohe a tou hoa." Waihoki ko te whakapono tika, e kitea ana i roto i nga mahi katoa a te tangata, i roto hoki i ana kupu i ona whakaaro, i runga i ona kaka- hu, i ana kai,, i te ahua o tona tinana. "Nga mea katoa e mea ai koutou, nga ku- pu nga mahi ranei, kia meinga katoatia i runga i te ingoa o te Ariki o Ihu." (Koro. iii, 17)," Na ahakoa kai koutou, ahakoa inu, aha ranei, meinga katoatia hei whakako- roria mo te Atua." (i Kor. x 31.) Ehara i te whakakororia i te Atua te paru o te ti- nana nga kakahu, o te whare, o te kainga, o te kai i nga mea kino, o te apo.

Ko ta tatou rarangi e ahu ana mo te whenua, otira me huri e tatou hei whakaa- ko ia tatou mo te ahua o to tato uwhakapo-

no, engari kia mohio te tangata he hara nui ki te Atua te whakahe i te rohe whenua, te tango i te mara a tetahi tangata. E penei ana te tangata na he hara te korero teka engari hei nga kooti whenua ka whakaputaina te matauranga i runga i te teka, kaore e whakama me te mea nei te korero teka kua whakaaetia e te Atua, e te tangata ranei. Kua tuhituhia ki runga ki te whenua i riro i runga i te tahae, te hara o te tangata ake, ake, ake. A te ra whakawa e tuhi te ringa o te Atua ki taua whenua hei whakamahara i te tangata ki tona hara. "Kia kanga te tangata e neke atu ana i te rohe a tona hoa." (Tiu. xxvii.

17.)

Nga Pou-rohe o te whakapono.

Ma nga pouwhenua ma nga rohe ka matauria te takotoranga o te mara, o te whenua, e mohiotia ai i a wai ranei, wai- hoki he pou ano, he rohe o te whakapono, o te karakia, e mohiotia ai i te Atua ranei tenei iwi na i te rewera ranei, kei te ora tonu te karakia i tenei kainga na kua nga- ro ranei, kua ururuatia te whakapono o tenei iwi na kei te ngakitototia tonutia ranei. He aha nga tohu marama o waho e kitea ai he kainga karakia ranei tenei he aha raneiĀ—he aha nga pou whakaatu?