Volume 3, No. 19
18760622

page 233  (8 pages)
234to next section


View the commentary of this paper

 
TE WANANGA.

HE PANUITANGA TENA KIA KITE KOUTOU.

"TIHE MAURI-ORA." NAMA 19. NEPIA, TAITE, 22 HUNE, 1876. PUKAPUKA 3. Te Wananga.

Kotahi Putanga i te Wiki. TAITE, 22 HUNE 1876. HE mea ki mai kia taia e matou ki TE WANANGA nei, nga korero o te Hui Rangatira Maori, i Hui ki Pakowhai, o nga tini Iwi o nga motu nei. Koia nei aua korero.

The Te Wananga. THURSDAY, JUNE 22, 1876. BY request we publish a report of the proceedings of the late meeting at Pakowhai, of the representatives from the Maori tribes of New Zealand.

HE WHATU HOU NA TE TARI MAORI I TE KAKAHU MONA. —Kua tae mai te rongo korero, kua whakaae a Hori Karaka Tawiti, mokopuna a Te Wharepapa, o Te Ihutai i Hokia- nga, Mema Maori ki te Paremata, kia mahi tahi aia hei Mema mo te Kawanatanga a Te Makariri ma. E kiia ana no te haerenga a Te Kawana ma ki Tokerau, a Hori Karaka i ki kiia ai e Te Kawanatanga, a whakaae ana ai a hei boa mo ratou. K kiia ana no te haerenga mai o Hori Karaka ki Akarana, i tana haere i haere mai ai i Ngapuhi, ki Poneke, he mea tiaki aia i Akarana o te Tari Maori, kei korerotia aia e ana hoa tawhito, u koi tahuri ano aia kei mahi mo tana iwi mo te Maori. E mea ana tetahi Nupepa o Te Waipounamu. " Mehemea koa, e whakaturia ana nga Mema o Te Kawanatanga ra kia tae ki nga ra e mahi ai aua Mema, a kitea ai te matau o ana Mema, penei e hara te whakatu i a Hori Hori Karaka i te mea, he maminga kia kore ai aia e Pooti mo taua iwi Maori." Ahakoa enei korero a nga Nupepa, ko matou ko Te Wananga o whakahawea ana ki aua korero. E mohio ara matou kia Hori Karaka, a e kore taua tangata e ngakau rua. Ko tana whakaaro e mau tonu aia hei tautoko mo tana iwi i te Maori, a ko te whakamoka a Te Kawana- tanga e kore rawa e mau i te mangai o taua Mema. TE HUI HUI RANGATIRA MAORI, I PAKOWHAI.

Hune 2, 1876. Ko te ra tenei i noho ai te Komiti o Tamatea, me nga iwi katoa i Hui mai nei ki Pakowhai, koia tenei aua a iwi. Ko Ngatikahungunu, ki Te Wairoa : Ko Ngatikahun- gunu, ki Turanga : Ko Ngatiporou ; Ko Te Atiawa, ki • Whakatane; Ko Ngatituwharetoa, ki Whakatane: Ko Te Arawa; Ko Ngatimatawhaiti ; Ko Ngatituwharetoa, ki Taupo; Ko Ngatiapa : Ko Ngatimatepu ; Ko Ngaiteu- pookoiri ; . Ko Ngatitama, ki Patea : Ko Ngatihori ; Ko Ngatikurukuru : Ko Te Whatiaapiti ; Ro Ngaitahu ; Ko Ngatipakapaka ; Ko Ngatimutuahi; Ko Ngatikahungunu, ki Wairarapa. Me etahi atu iwi Hapu o Heretaunga ano. Heoi ko nga iwi tenei me o ratau Hapu, me o ratau Rangatira i tae mai ki to Hui ki Pakowhai, I te rua o nga ra o Hune, tau kotahi mano waru rau o whitu te kau ma ono, o to tatou Ariki, no te 10 o nga Haora, ka tu te korero ki roto ki te wharo kura, o Pakowhai. Ka tu a HENARE MATUA, Timuaki o nga Komiti katoa o taua whare, ka mea ki nga iwi kua Hui mai ki roto ki taua whare. Whakarongo mai e nga iwi. e nga Hapu, e nga Rangatira, kua karangatia nei kia Hui mai tatau ki konei. Ko nga take i panuitia ai ki te Motini hei take korero ma taua ki roto ki tenei whare ka ata waiho e au kia takoto ana, taihoa ra e panui atu. He kupu iti nei naku mo te tuatahi. K rua nga take ka whakamahara atu au ki a tatau, ko aua, take he tako nunui anake. Ko te tuatahi ko nga Ture o tenei ao. E he nei tatau, koia tatau i karangatia ai kia Hui mai tatau ki te tirotiro i aua mamae e aue nei te motu nei me ona iwi me nga Hapu me nga Rangatira o te motu nei. Heoi ma ta tatau tiro- tirohanga i nga he katoa e pa ana kia tatau o te motu nei, ka kitea ai nga mea tika hei tuku atu ma tatau ki te Paremata Uia ata rapua mai he ara P ata takoto pai ai aua mate o te motu nei. Heoi tenei. Ko te tuarua o au tako e ki nei au e taumauitia ana e nga iwi o te motu nei. Ko te tino mea nui tenei hei tohutohu ia tatau. Hei arahi hoki ia tatau ki te ara marama e tika ai a tatau whaka- haere katoa e wawata nei tatau. Ko te Whakapono, me te wehi ki te atua, Ahakoa he nui nga maramatanga o nga iwi o te motu nei. E pai ana, engari kia u ki te Whakapono ki te atua, ka rite i a tatau tenei, ka rite hoki a tatou wawata, kati enei kupu aku i konei. Heoi, ka panuitia atu e au te motini nei i tuku mai ki au hei panui atu ki wanganui o tenei whakaminenga hei tirotiro ma te Hui. Ko nga mea. e kite e koutou e tika ana hei tuku atu ki te Paremata ki a whakamanaia mai hei ture mo tatau, ma to Pooti katoa