Volume 0, No. 61
18870317

page 1  (12 pages)
2to next section


View the commentary of this paper

 

TE KORIMAKO

 

He Nupepa whakaatu i nga tikanga o te Whakapono, nga Rongo o te Ao katoa, me era atu mea.

 

NAMA 61.]

 

AKARANA, MAEHE 17. 1887.

 

[TE UTU, 6D.

 

MATENGA TANGATA.

 

No te 18 o nga ra o Pepuere, ka matc ki Torere, Opotiki, a NEPIA WHETA, ona tau e 50. Ko tetahi o nga rangatira o Ngaitai, a he nui te pouri me te mamae i tae ki tona iwi, me o ona whanaunga, me tona hoa-wahine hoki,. me ana mokopuna e noho ano i te Kura i Tipene, Akarana.—Na tona tamaiti aroha i tuku mai na Pekamu Te Rua.

 

PANUI KI NGA KAI-TAUTOKO.

 

Ko te utu mo TE KORIMAKO inaianei, e wha hereni (4s.) mo te tau. He mea tuku noa atu te tukunga atu ki te Poutapeta. Ko nga moni me tuku tuatahi mai.

 

NOTICE TO SUBSCRIBERS.

 

THE price of TE: KORIMAKO is four shillings (4s.) per annum, post free. Subscriptions are payable in advance.

 

PANUI KI NGA KAI-TUHI MAI.

 

Ko nga pukapuka katoa mo tenei nupepa me penei te tuhi mai ki "TE KORIMAKO Pouaka 270, Poutapeta. kei Akarana."

 

NOTICE TO CORRESPONDENTS.

 

ALL communications to this paper are to be addressed to " TE KORIMAKO, Box 270, Post Office, Auckland."

 

PANUITANGA.

 

Ko nga rua hereni (2s.) katoa e tukua mai ana timata mai i muri i te 15 o Hanuere, 1885, ka tukua atu te nupepa mo nga marama e ono. E koutou e nga tangata kahore e tae atu ana a koutou nupepa me whakaatu mai kia tukua atu ano tetahi.

 

PANUITANGA.

 

Ko te mea tika rawa me whakarite e nga kaitautoko, he Pakeha e mohio ana koutou i o koutou takiwa, hei taunga atu mo a koutou nupepa. A me tuhi mai te ingoa o te Pakeha kia mohio ai matou hei tukunga atu mo te nupepa. Me korero ranei e koutou ki nga Poutapeta i o koutou takiwa, kaua a koutou nupepa e hoatu ki tetahi tangata. Ko nga reta me nga panui katoa e tukua ana mai kia taia ki TE KORIMAKO, kia marama te tuhituhi, kia pai te wehewehe o nga kupu. Me tuhituhi nga korero ki te taha kotahi o te pukapuka.

 

PANUITANGA

 

HE whakamahara tenei ki nga hoa-tuhimai kaua e tukua mai he hiriwa, he koura ranei ki roto i a koutou reta anga mai ki TE KORIMAKO, notemea ka weeteria e te Poutapeta a ka riro atu i a ia tetahi wahi o te moni. Erangi me tuku mai i te panekuini, i te nooti, i te tieki, i te moni-oata-waea ranei.

 

TE KORIMAKO.

 

"Kei te Atua to tatou piringa."

 

AKARANA, MAEHE 17, 1887.

 

KUA kite tatou i roto i nga KORIMAKO e tukua atu ana i nga marama kua pahure ake nei—ko te kapua me te whatitiri, me te uira o te pakanga kei runga tonu i nga kingitanga o te ao. Kei te rapu tena iwi, i nga huarahi hei arai hei karo i te hoa-riri. He rongo tenei e mohio ai tatou, ko nga iwi nunui o te ao kei te noho mataara tonu. Mehemea ki te tahuri atu o tatou kanohi ki tera whenua nui ki Oropi, kei reira te nohoanga o nga kingitanga e hipokina ana e te kapua-hinakipouri Kei reira nga iwi e hiko ai te uira i nga pito o te rangi, e haruru ai te whatitiri i roto i nga kapua o te pakanga. Kei reira nga iwi ma ratou e tango te hoari ki waho i tona takotoranga, e tae ai te wehi ki te ao katoa, e rongo ai hoki tatou i te aue a nga mano tangata e kaukau ana i roto i o ratou toto i nga parekura, a tona mutunga iho, ka kite tatou he mano, he mano, he mano nga pouaru me nga pani e tangi ana e mamae ana mo o ratou matua kua tangohia atu i o ratou aroaro, i haere ai ratou hei patunga-tapu i runga i te aroha ki te iwi me te whenua.

 

Tena, titiro atu tatou ki tera iwi ki nga Ruhiana, he iwi tenei e mohio ana tatou katoa, kei runga tonu ia i nga huarahi whakatoi, notemea, kei te tohe tonu ia ki tera whenua ki Purukeria kia riro i a ia te mana whakahaere, otira ko Tiamani, ko Ingarangi, ko Ataria, me Taakei kei te arai i taua tikanga a Ruhia. E kii ana nga mana e wha, me tuku atu ano ma nga Purukeriana e rapu he huarahi e tatuu ai nga raruraru mo to ratou whenua. Me titiro hoki tatou, he mano nga ope hoia a Ruhia kua tae ki tera whenua ki Paihia, e rapu ana ratou i tetahi tikanga e riro ai i a ratou tera whenua a Awhekanitana, notemea ko Paihia, e tuhono tonu atu ana