Volume 0, No. 62
18870419

page 1  (12 pages)
2to next section


View the commentary of this paper

 

Te Korimako.

 

He Nupepa whakaatu i nga tikanga o te Whakapono, nga Rongo o te Ao katoa, me era atu mea.

 

NAMA 62.] AKARANA, APERIRA 19, 1887. [TE UTU, 6D.

 

PANUI KI NGA KAI-TAUTOKO.

 

Ko te utu mo TE KORIMAKO inaianei, e wha hereni (4s.) mo te tau. He mea tuku noa atu te takunga atu ki te Poutapeta. Ko nga moni me tuku tuatahi mai.

 

NOTICE TO SUBSCRIBERS.

 

THE price of TE KORIMAKO is four shillings (4s.) per annum, post free. Subscriptions are payable in advance.

 

PANUI KI NGA KAI-TUHI MAI.

 

Ko nga pukapuka katoa mo tenei nupepa me penei te tuhi mai ki "TE KORIMAKO, Pouaka 270, Poutapeta, kei Akarana."

 

NOTICE TO CORRESPONDENTS.

 

ALL communications to this paper are to be addressed to "TE KORIMAKO Box 270, Post Office, Auckland."

 

PANUITANGA.

 

Ko nga rua hereni (2s.) katoa e tukua mai ana timata mai i muri i te 15 o Hanuere, 1885, ka tukua atu te nupepa mo nga marama e ono. E koutou e nga tangata kahore e tae atu ana a koutou nupepa me whakaatu mai kia tukua atu ano tetahi.

 

PANUITANGA.

 

HE whakamahara tenei ki nga hoa-tuhimai kaua e tukua mai he hiriwa, he koura ranei ki roto i a koutou reta anga mai ki TE KORIMAKO, notemea ka weeteria e te Poutapeta a ka riro atu i a ia tetahi wahi o te moni. Erangi me tuku mai i te panekuini, i te nooti, i te tieki, i te monioata-waea ranei.

 

PANUITANGA.

 

Ko te mea tika rawa me whakarite e nga kaitautoko, he Pakeha e mohio ana koutou i o koutou takiwa, hei taunga atu mo a koutou nupepa. A me tuhi mai te ingoa o te Pakeha kia mohio ai matou hei tukunga atu mo te nupepa. Me korero ranei e koutou ki nga Poutapeta i o koutou takiwa, kaua a koutou nupepa e hoatu ki tetahi tangata. Ko nga reta me nga panui katoa e tukua ana mai kia taia ki TE KORIMAKO, kia marama te tuhituhi, kia pai te wehewehe o nga kupu. Me tuhituhi nga korero ki te taha kotahi o te pukapuka.

 

Te Korimako.

 

"Kei te Atua to tatou piringa."

 

AKARANA, APERIRA 19, 1887.

 

Ko nga rongo o tawahi e ahua marire ana kahore ano kia wha whai a Ruhia otira tera taua iwi e whakatenetene ana ki tenei iwi ki tera iwi. Na reira i taumarumaru te kapua o te pakanga ki nga kaainga katoa e patata ki taua iwi, kua tu kino nga tangata e tata ana ki Awhekanitana, kua mataara te kingi o taua kainga e kii ana na Ruhia te putake, e kite ana tatou ka huri ano te, iwi ki te mahi nuka ki te mahi tinihanga ko te utu mo te mahi pera ka huri ano ki runga i te iwi mahi pera na konei tatou ka rongo tonu i nga tangata e whai atu ana ki te huarahi kohuru i a Te Hiiha ara te kingi o tana iwi e mahi hapai tonu ana taua kingi i Te Hoari na kona ka arumia tonutia ia e te hoari ki te mea e kore e tika te mahi o taua kingi tena meake ka mate. E penei ana te whakataukii, "Kei runga nga manaakitanga i te mahunga o te tangata tika, tena ko te mangai o te hunga kino, ka taupokina tera e te mahi anakia.

 

E noho puhaehae a a nga iwi nunui o Oropi tetahi ki tetahi, e noho wehi ana ratou kia ratou notemea e kore ratou e mohio ko wai nga tautoko o tetahi o tetahi, na reira i tu awangawanga ai ratou, ko te kahu o te wha whai e whakatopa ana kia kitea te pewheatanga e tau tika ai ia ki nga marae o te hoa riri.

 

Tera ano nga ngangaretanga ki Awherika me era atu kaainga otira kahore he whawhai nui kia tu erangi nga werowero iti tetahi ki tetahi.

 

E rangi ko nga rongo i to tatou kaainga. He pouri he pouri kerekere, ko to tatou mema mo te Paremete, ko Ihaka Te Tai kua whiti atu ki tera taha o te awa e karangatia ko mate na te ahua o te mate i mate ai ia i tino pouri ai nga iwi e rua, mehemea i mate i runga i tona koroheketanga i pai tena, tena ko tenei i mate huhuakoretia i runga ano i te kaua o te tangata hei mea paihana e ai te kii ki te paihana i uru i te kai i kai ai ia i te whare o te Atarikona Karaka e kii ana ko nga tangata i kai i tana kai i takoto mate, ko Mata Karaka hoki i uru ki taua aitua, e rangi kua ahua ora taua