Volume 0, No. 64
18870617

page 1  (12 pages)
2to next section


View the commentary of this paper

 

TE KORIMAKO.

 

He Nupepa whakaatu i nga tikanga o te Whakapono, nga Rongo o te Ao katoa, me era atu mea.

 

AKARANA, HUNE 17, 1887.

 

NAMA 64.]

 

[TE UTU, 6D.

 

PANUI KI NGA KAI-TAUTOKO.

 

Ko te utu mo TE KORIMAKO inaianei, e wha hereni (4s.) mo te tau. He mea tuku noa atu te tukunga atu ki te Poutapeta. Ko nga moni me tuku tuatahi mai.

 

NOTICE TO SUBSCRIBERS.

 

THE price of TE KORIMAKO is four shillings (4s.) per annum, post free. Subscriptions are payable in advance.

 

PANUI KI NGA KAI-TUHI MAI.

 

Ko nga pukapuka katoa mo tenei nupepa me penei te tuhi mai ki "TE KORIMAKO, Pouaka 270, Poutapeta, kei Akarana."

 

NOTICE TO CORRESPONDENTS.

 

ALL communications to this paper are to be addressed to " TE KORIMAKO, Box 270, Post Office, Auckland."

 

PANUITANGA.

 

Ko nga rua hereni (2s.) katoa e tukua mai ana timata mai i muri i te 15 o Hanuere, 1885, ka tukua atu te nupepa mo nga marama e ono. E koutou e nga tangata kahore e tae atu ana a koutou nupepa me whakaatu mai kia tukua atu ano tetahi.

 

PANUITANGA.

 

HE whakamahara tenei ki nga hoa-tahimai kaua e tukua mai he hiriwa, he koura ranei ki roto i a koutou reta anga mai ki TE KORIMAKO, notemea ka weeteria e te Poutapeta a ka riro atu i a ia tetahi wahi o te moni. Erangi me tuku mai i te panekuini, i te nooti, i te tieki, i te monioata-waea ranei.

 

PANUITANGA.

 

Ko te mea tika rawa me whakarite e nga kaitautoko, he Pakeha e mohio ana koutou i o koutou takiwa, hei taunga atu mo a koutou nupepa. A me tuhi mai te ingoa o te Pakeha kia mohio ai matou hei tukunga atu mo te nupepa. Me korero ranei e koutou ki nga Poutapeta i o koutou takiwa, kaua a koutou nupepa e hoatu ki tetahi tangata. Ko nga reta me nga panui katoa e tukua ana mai kia taia ki TE KORIMAKO, kia marama te tuhituhi, kia pai te wehewehe o nga kupa. Me tuhituhi nga korero ki te taha kotahi o te pukapuka.

 

Te Korimako.

 

"Kei te Atua to tatou piringa."

 

AKARANA, HUNE 17, 1887.

 

HE whakatauki tenei no nga Kariki onamata ko nga tangata e hiahiatia ana e nga atua Maori kia whakangaromia ka whakaporangitia ratou i te tuatahi. Tenei hoki tenei kii na Horomona: - "Kei hae atu koe ki te hunga kino, kei hiahia ano koe kia waiho hei hoa mo ratou. Notemea he whakangaromanga to ta ratou ngakau e whakaaro ai, he mahi nanakia ta o ratou ngutu e korero ai." He kupu wkakamahara kau enei ki nga tangata katoa e noho ana ki Aotearoa mo tenei mahi whakatu poropiti he aha ra te take ? E kii ana nga Kariki o namata. Ko nga tangata e hiahiatia ana e nga atua Maori kia whakangaromia, ka whakaporangitia ratou e aua atua i te tuatahi, e torutoru koia nga poropiti kua tu nei ki tenei motu timata mai ana i a Papahurihia ka tae mai ki a Te Whiti, he aha ra nga hua? he raru anake e haere ana i ena tu huarahi he mate hoki me te rawakore, kua perikitia nga korero mo tenei poropiti wahine kua tu inaianei, rapua e koutou te pai me nga hua o nga kupu e puta mai ana i te mangai o Ani Kaaro na Te Whiti mai enei akoranga, ka mutu tena kua tu ano tetahi wahine e hangai atu ana i tera ko te tukunga iho, he kiko tangata te kinaki mo nga taiwa. I te tau 1885, i te marama o Mei, i penei nga korero o tetahi kaitautoko o TE KORIMAKO: - " Whakarongo e nga Maunga. - Kia whaitaringa mai e nga iwi ! Kia rongo ano nga wharua me nga raorao. Ka puare toku ngakau, ka puaki toku mangai - e nga iwi, e nga haapu, e nga reo e noho nei i Aotearoa. Whakarongo ata whiriwhiria hoki te tihanga o enei korero me enei tikanga, e rongo nei tatou. Ko Ngapuhi, te iwi maha ana tikanga me ana mahi ko etahi kei te whakaara i te ture ko etahi kei te whakaara i te karakia pono ki Atua. Ko etahi kei te whakaara i nga Poropiti. Koia ano ! e kore e heke tona whakataukii ko Ngapuhi kowhao rau." He patai nohea tenei Poropiti e rongo nei tatou ? No Hokianga he tamahine na Pangari, ko