Volume 0, No. 67
18870920

page 1  (12 pages)
2to next section


View the commentary of this paper

 

TE KORIMAKO.

 

He Nupepa whakaatu i nga tikanga o te Whakapono, nga Rongo o te Ao katoa, me era atu mea.

 

AKARANA, HEPETEMA 20, 1887.

 

NAMA 67. ]

 

[TE UTU, 6D.

 

PANUI KI NGA KAI-TAUTOKO.

 

Ko te utu mo TE KORIMAKO inaianei, e wha hereni (4s.) mo te tau. He mea tuku noa atu te tukunga atu ki te Poutapeta. Ko nga moni me tuku tuatahi mai.

 

NOTICE TO SUBSCRIBERS.

 

THE price of TE KORIMAKO is four shillings (4s.) per annum, post free. Subscriptions are payable in advance.

 

PANUI KI NGA KAI-TUHI MAI.

 

Ko nga pukapuka katoa mo tenei nupepa me penei te tohi mai ki "TE KORIMAKO, Pouaka 270, Poutapeta, kei Akarana."

 

NOTICE TO CORRESPONDENTS.

 

ALL communications to this paper are to be addressed to "TE KORIMAKO, Box 270, Post Office, Auckland."

 

PANUITANGA.

 

Ko nga rua hereni (2s.) katoa e tukua mai ana timate mai i muri i te 15 o Hanuere, 1885, ka tukua atu te nupepa mo nga marama e ono. E koutou e nga tangata kahore e tae atu ana a koutou nupepa me whakaatu mai kia tukua atu ano tetahi.

 

PANUITANGA.

 

HE whakamahara tenei ki nga hoa-tuhi mai kaua e tukua mai he hiriwa, he koura ranei ki roto i a koutou reta anga mai ki TE KORIMAKO, notemea ka weeteria e te Poutapeta a ka riro atu i a ia tetahi wahi o te moni. Erangi me tuku mai i te panekuini, i te nooti, i te tieki, i te monioata-waea ranei.

 

PANUITANGA.

 

Ko te mea tika rawa me whakarite e nga kaitautoko, he Pakeha e mohio ana koutou i o koutou takiwa, hei taunga atu mo a koutou nupepa. A me tuhi mai te ingoa o te Pakeha kia mohio ai matou hei tukunga atu mo te nupepa. Me korero ranei e koutou ki nga Poutapeta i o koutou takiwa, kaua a koutou nupepa e hoatu ki tetahi tangata. Ko nga reta me nga panui katoa e tukua ana mai kia taia ki TE KORIMAKO, kia marama te tuhituhi, kia pai te wehewehe o nga kupu. Me tuhituhi nga korero ki te taha kotahi o te pukapuka.

 

Te Korimako.

 

"Kei te Atua to tatou piringa."

 

AKARANA, HEPETEMA 20, 1887.

 

ANGA mai ana whati atu ana nga ngaru o te rongo korero o Tawahi i nga marama e rua e toru kua pahemo nei, i ahua marire nga iwi katoa o te ao, erangi i te marama kua pahure nei kua tu ano te raru kia Purukeria mo to ratou kore Kingi ko Ruhia e mea ana ko mea, ko nga Purukeriana e mea ana ko mea, tohe noa ana tetahi taha tetahi taha nohea kia tatuu. Haere atu ana tetahi Piriniha ko Parinana i runga i te Powhiri o nga Purukeriana haere atu ana taua Piriniha koa ana taua iwi, inaianei kuatuhangai atu a Ruhia me te Emepara o Taakei ki taua iwi me to ratou Piriniha. Wehi ana taua piriniha ki nga iwi kua hangai atu ki a ia; a, hoki ana ia ki tona kaainga kia Hangakarei ki reira noho mai kia tau marire nga whakaaro o nga iwi nunui o Oropi penei pea ka hoki atu ia ki reira. Otira nohea a Ruhia e whakaae ki nga whakataunga o nga iwi ke atu, maana ano pea e whakatu i tetahi tangata hei kingi katahi ka tatuu nga whakaaro o Ruhia. Erangi e aro tupato ana nga kanohi katoa o nga iwi ki tenei whakataunga ka pehea ranei te tukunga iho, tena nga kapua o te whawhai te noho taumarumaru i runga i nga whenua e patata ana ki tana whenua e ngaua kinotia o te mahi puhaehae o Ruhia.

 

E mahi tinihanga ana a Ruhia ki taua whenua kua rongo nei tatou i mua ara a Awhekanitana te whenua e tata ana ki Inia. E anga atu ana nga ope hoia ki taua whenua kua whawhai nga maori o taua whenua ki te Amia, ara te Kingi o taua whenua. Na inaianei kua toru nga tangata e hiahia ana kia tu ratou hei Kingi mo taua whenua e kii ana, na te mate o te Amia i penei ai nga raru, e penei ana a Ruhia me te kahu e whakatopa ana kia kitea te wa e tika ai tona rere ki tona inati.

 

Waiho iho tena whenua ka tahuri ano to tatou titiro ki nga mahi o nga Tiamani ki Hamoa. Kua tare pokanoa to ratou kara ki taua motu whakaturia ana e ratou a Tamahi, hei Kingi mo aua motu. Ko te Kingi o taua motu, ko Mareitoa. I runga i te