Volume 0, No. 54
18860824

page 1  (12 pages)
2to next section


View the commentary of this paper

 

Te Korimako.

 

He Nupepa whakaatu i nga tikanga o te Whakapono, nga Rongo o te Ao katoa, me era atu mea.

 

Nama 54] AKARANA, AKUHATA 23, 1886. [TE UTU, 6D.

 

MATENGA TANGATA.

 

No te 11 o nga ra o Hune, ka mate ki Mangamuka Hokianga, a MAKIRI HUIRAMA, he mokopuna kia Hori Karaka Tawiti - hei taokete kia Rihari Mete, o Tautehihi. I whakaakona ia ki te kura i Mangamuka, muri iho ka haere rana ko tona iramutu ko Te Moanaroa Mete ki te kura i Poneke. otira kihai i roa ki reira ka hoki ake ki te kura i Tipene, Akarana. E; toru e wha ranei nga tau e kura ana, ka, karangatia ia kia uru hei karakakaituhituhi mo te Tari Ruuri, i Akarana. E toru ona tau o mahi ana e rapu ana i tetahi oranga mona, i nga hunrahi hei painga mo tona iwi, ka paangia ia e te mate, ko tona hokinga ki te kainga. E. toru ona marama ki reira, ka tangohia paitia atu tona wairua e te Ariki. He taitama pai, he ngakau-maurire, kahore he knpu kino i roto i a ia. He tino hoa aroha taturu ia no Raureti Mokonuiarangi. no nga taitama Maori hoki e mahi ana i nga mahi Pakeha i Akarana. Ko tona wehenga atu he pouritanga nui ki ona hoa e noho ana i te kura i Tipene.

 

No te 4 o nga ra o Hurae, ka mate ki Rawene, Hokianga, a NOKI NOPERA, he taitama rangatira no Ngapuhi I whakaakona ia ki te kura i te Waitapu, a muri iho ka haere mai ki Tipene, Akarana. E toru nga tau e kuru ana, ka uru ki te whakaako ki nga mahi kamura, ki era mahi e puta ai he tika mo te tangata. I poangia atu ano e te mate ki Akarana. He taitama ano tenei i aroha mitia e ona hoa o te kura.

 

No te 14 o nga ra o Hurae, ka mate a TE WHIRI POMANA, i paremo ki te wai i te wahapu o Nuhaka. Te Mahia, he tangata rangatira no Ngatikahungunu. Ko ona tau, e 26. He tangata i aroha nuitia e ona hapu, waihoki kanui rawa te pouri me te mamae o te hunga i waiho ake e ia i te ao nei. Ko tona tinana kahore ano kia kitea. - Na Henare Mihingare i tuku mai.

 

No te 24 o nga ra o Hurae, ka mate ki Karikari Taurunga, a HARINA WAPEREKI, te hoa-wahine o Aperahama Wapereki, he Pakeha Komihana Whakahaere Whenua i nga tau kua pahure ake nei. He maha nga tamariki a tenei wahine i waiho ake i te ao, hei mihi hei tangi atu i muri i a ia kua wehe atu nei i waenganui i ona iwi. He wahine rangatira no te Arawa, no te hapu kia. Ngatirangitihi. He uri ano hoki ia no Mokonuiarangi, hei tamahine hoki kia Niheta Kaipara Mokonuiarangi, ,etahi o nga rangatira i mate nei ratou ko etahi o te iwi i te pakarutanga o Tarawera me Rotomahana. He wahine i aroha nuitia e ona hapu.

 

PANUITANGA

 

Ko nga rua hereni (2s.) katoa e tukua mai ana timata mai i muri i te 15 o Hanuere , 1885, ka tukua atu te nupepa mo nga marama e ono. E koutou e nga tangata kahore e tae atu ana a koutou nupepa me whakaatu mai kia tukua atu ano tetahi.

 

PANUITANGA.

 

Ko te mea tika rawa me whakarite e nga kaitautoko, he Pakeha e mohio ana koutou i o koutou takiwa, hei taunga atu mo a koutou nupepa. A me tuhi mai te ingoa o te Pakeha kia mohio ai matou hei tukunga atu mo te nupepa. Me korero ranei e koutou ki nga Poutapeta i o koutou takiwa kaua a koutou nupepa e hoatu ki tetahi tangata. Ko nga reta me nga panui katoa e tukua ana mai kia taia ki TE KORIMAKO kia marama te tuhituhi, kia pai te wehwehe o nga kupu. Me tuhituhi nga korero ki te taha kotahi o te pukapuka.

 

PANUITANGA.

 

He whakamahara tenei ki nga hoa-tuhimai kaua e tukua mai he hiriwa, he koura ranei ki roto i a koutou reta anga mai ki TE KORIMAKO, notemea ka weeteria e te Poutapeta a ];a riro atu i a ia tetahi wahi o te moni. Erangi me tuku mai i te panekuini, i te nooti, i te tieki, i te monioata-waea ranei.

 

PANUI KI NGA KAI-TAUTOKO.

 

Ko te utu mo TE KORIMAKO inaianei, e wha hereni (4s.) mo te tau. He mea tuku noa atu te tukunga atu ki te Pontapeta. Ko nga moui me tuku tuatahi mai.

 

NOTICE TO SUBSCRIBERS.

 

THE price of e KORIMAKO is four shillings (4s.) per annum, post free. Subscriptions are payable in advance.

 

PANUI KI NGA KAI-TUHI MAI.

 

Ko nga pukapuka katoa mo tenei nupepa me penei te tuhi mai ki "TE KORIMAKO, Pouaka 270, Poutapeta, kei Akarana."

 

NOTICE TO CORRESPONDENTS.

 

ALL communications to this paper are to be addressed to " TE KORIMAKO, Box 270, Post Office, Auckland.''

 

 

Te Korimako.

 

"Kei te Atua te tatou piringa."

 

AKARANA, AKUHATA 23, 1886.

 

HE whakatauki tenei, " ma te tohe tonu ka kitea ka taea ranei nga mea e hiahia ai tatou." He kupu whakamaiangi tenei kia kaua ai tatou e ngoikore ki te rapu i nga mea e tau ai te ora e whiwhi ai ranei tatou i nga matauranga e nui ake ai te iwi. Ko tenei taenga ko te nupepa he huarahi mo nga rongo katoa, ahakoa he aitua, ahaLoa he pakanga ranei, ka riro mai he mohiotanga he matauranga i runga i enei mea katoa. Ma te mahi perehi i nga whakaaro ke o tetahi o tetahi, ka kitea nga tini mahara o ia tangata o ia tangata, koi ana tetahi ki tetahi, e kii ana a Horomona, "e koi ana te rino i a rino ano," waihoki e hari ana te tangata ina ka kitea te kanohi aroha o tona hoa. Koia tenei kua tae mai ano ta koutou manu ki te whakahaore i nga tini rongo kua tae mai i muri i tona rerenga atu i te marama o Hune.

 

No te 10 o nga ra o Hune i tae mai ai nga rongo e paorooro ai nga taringa mo te aitua nui whakaharahara i puta nei ki te rohe o Te Arawa. I huakina ake nei e Tarawera ona rangitoto, ona ahi uira me ana whatitiri, me ana wai ngaawha. E wha tekau pea o nga maerowhenua i ngaro i nga hanga i puta mai i te hohonutanga o te whenua, ngaro ana nga whare, ngaro ana nga maara, ngaro ana nga tini tangata o tana kaainga.