Volume 1, No. 2
18580701

page 5  (5 pages)
6to next section


View the commentary of this paper

 

TE WHETU O TE TAU.

N0.2.

AKARANA, HURAU. 1858.

VOL. 1.

Kenana, Maketu.

Ki a Hare Reweti, ko te kai-atawhai i te tutua i te pani, i te pouaru, i te rawakore. Roma xiii—8.

E hoa tena ra ko koe i runga i te mahi tohu a to tatou matua i te rangi. E hoa, kua tae mai tau pukapuka ki ahau; kua kite ahau i au wha- karitenga tika; a, e hari ana toku ngakau ki tou rongo pai e takahi mai nei, i runga i nga ngaru whakaporaruraru o tenei ao;—i runga i nga ritenga a te tangata, a te Pakeha.

Ko tenei, e hoa, kia kaha koe, ki te whaka- marama i nga tikanga ki te ao. Matiu, ^— 15, 16. Ma te Atua koe o whakakaha;, mana koe e tiaki; mana koe e whakaora,

Ka hari koe ki te mahi, ki nga mahi a tou rangatira. Matiu, xxi^—46. Matiu, xx^—16,

• 17. Matiu, xx^—21.

Ko tenei, e hoa, ka tika to arahanga i nga matapo. Ki te kahore e arahina, ka mate, ekore e tika, i i te huarahi. Matiu, xv—14.

E hoa, tena ra ko koe. Kia manawanui ki nga anea whakapouri, kia tohe ki te inoi. Roma, xii—1: 2.

He waiata tangi tenei naku ki a koe

Kia kaha ake ra to piko ki te ao Kai tamia koe te whakaruhia Patuparehe, to taonga i kimi ai ki tawhiti. I rangahaua e, o karihi ki te putere, O tapu tinitiaia mai te manu a Te Tipua ka purotu hine, te waka takohe- kohe rai. Naku na to hoa aroha,

NA PAORA PARUHI.

[Ka nui te aroha a o toku ngakau ki nga korero pai a Paora Paruhi, tapoko ana ki te hinengaro, me he kowhitanga marama te panga mai kei ahau.—Na Hare Reweti.]

Waiomio, Peiwhairangi, Hanuere 18, 1858. E hoa,

Tenei taku kupu ki a koe,—kia tukua e koe

enei korero ki te perehi hei matakitaki mo nga iwi katoa, o runga, o raro nei. Otira, e hoa, kihai, i pau atu aku kupu; maku ano e rapu i muri nei, he 'kupu pono, kia mutu tenei mahi,— te mahinga o te kara; ko reira ano matou huihui ai, whakaoti" ai i tenei mahi. Heoi ano ena kupu ki a koe.

Kia tau te rangimarietanga ki a koe, i roto i nga ra katoa, ma te Ata» koe e tiaki, ake ake. E hoa tena koe. Tenei ano toku aroha ki a koe. Heoi ano tena kupu a tou hoa aroha.

A MAIHI PARAONE KAWITI.

Ki a Hare Reweti, kei Akarana.

Peiwhairangi, Hanuere 18, 1858. No te huihuinga o Ngapuhi -ki Kororareka i te whakaarahanga o te kara ki Maiki, enei korero. I te putanga o te mahi & tenei ranga-tira,

Maihi Paraone Kawiti To Kuhanga, i tona

whakaaro nui i taea ai e ia te rapu nga whakaaro e tupu ai te pai ki runga ki te whenua. Kia rongo ra e te iwi katoa, i te kupu a Maihi Paraone Kawiti. Ka peia atu e ia e te Atua te kino ki te pouritanga i waho ko te wahi tera o te tangihanga, me te teteatanga o nga niho— Matiu viii.—12. Engari me tahuri nga iwi katoa, me tango i te kupu o te Atua kia tika ai to tatou awhi tanga atu ki a te Kuini, me toa araitanga mai ki a tatou.

He kaha no tenei tangata ki te rapu i tetahi whakaaro e ora ai tenei motu, e tau ai te mahi tohu a te Atua, ki nga tauiwi katoa. Koia a Maihi Paraone Kawiti i mea ai, ko nga iwi katoa o tenei motu me tomo atu ki roto ki te ture o te Kuini.

Ko nga tangata enei i whakaae ki Maiki kia whakaarahia te kara, 1379. Ko nga hapu enei 32; ko nga moni enei £86 188. 3d. Heoi ano. NA MAIHI PARAONE KAWITI ENEI WHAKATAKI.

Pakanae, Hokianga, Hanuere 16, 1858.

E hoa e Hare Reweti, tena ra ko koe. Tenei ano taku kupu ki a koe- mo taku korero kua tae atu ki a koe i mua. Ekore e Hare Reweti, tena ra ko koe, i runga i te kaha o te Atua Heoi ano, NA TE MANGUMANGU KAIWHAKAWA. Ki a Hare Reweti, kei Akarana.

Whangaruru, Hanuere 15, 1858. E hoa e Hare Reweti, tena ra ko koe. Ka nui

toku aroha ki a koe ki tau kupu, i ho mai nei i

tau pukapuka.

Tekoreotehangameheumutuhiekeiia

"Waiarikikarawetakuringateataotepiau

TaongakiInienahakutaiterarangaitu

KiaurutomoautewhareoHareRewitimekore

Eriromaiemekoparetetaitongakawhiwhi

Karawekahokiauei.

NA WIREMU KOROKORO. NA PITORE HU. NA PEPENE.

Ki a Hare Reweti, kei Akarana.

Emara e Hare Reweti, tena ra ko koe. Etahi toku aroha atu ki a koe. Ko te rua tenei o aku taonga mai, kahore ano aku kupu ki a koe, katahi ano. Kei nga tai o te korekore ka whakaputa te toka i Rangitahu. Ehoa e Reweti, he huna ra nei te marama, he tirea ra nei te marama, he mawaru ra nei, he rakau nui ra nei. Ka hua te kai, ka hua te kupu. He waiata.

Tenei e whakangaoko ana ra te ngakau Ka hara mai te ra a ka wananga kia uru Koutou i te hinga o kai, ka uru Rapea koutou, i te tokitokinga o kai.

Heoi ano, ka mutu

NA PARATENE TE MANU. Ki a Hare Reweti kei Akarana.