Volume 0, No. 58
18861215

page 1  (12 pages)
2to next section


View the commentary of this paper

 

TE KORIMAKO

 

He Nupepa whakaatu i nga tikanga o te Whakapono, nga Rongo o te Ao katoa, me era atu mea.

 

NAMA 58.]

 

AKARANA, APERIRA 15, 1886.

 

[TE UTU, 6D.

 

MATENGA TANGATA

 

No te Rahoroi 6 o nga Nowema, 1886, ka mate ki Ohaeawai, Peiwhairangi, a WIPARATA REREMAUNGA, i te 21 ona tau. He tamaiti pai, he nui te pouri me te mamae o ona matua me te iwi. - Na Ihaka Aperahama i tuku mai.

 

PANUI KI NGA KAI-TAUTOKO.

 

Ko te utu mo TE KORIMAKO inaianei, e wha hereni (4s.) mo te tau. He mea tuku noa atu te tukunga atu ki te Poutapeta. Ko nga moni me tuku tuatahi mai.

 

NOTICE TO SUBSCRIBERS.

 

THE price of TE KORIMAKO is four shillings (4s.) per annum, post free. Subscriptions are payable in advance.

 

PANUI KI NGA KAI-TUHI MAI.

 

Ko nga pukapuka katoa mo tenei nupepa me penei te tuhi mai ki "TE KORIMAKO, Pouaka 270, Poutapeta, kei Akarana."

 

NOTICE TO CORRESPONDENTS.

 

ALL communications to this Paper are ta be addressed to "TE KORIMAKO, Box 270, Post Office, Auckland."

 

PANUITANGA.

 

Ko nga rua hereni (2s.) katoa e tukua mai ana timata mai i muri i te 15 o Hanuere, 1885, ka tokua atu te nupepa mo nga marama e ono. E koutou e nga tangata kahore e tae atu ana a koutou nupepa me whakaatu mai kia tukua atu ano tetahi.

 

PANUITANGA.

 

Ko te mea tika rawa me whakarite e nga kaitautoko, he Pakeha e mohio ana koutou i o koutou takiwa, hei taunga atu mo a koutou nupepa. A me tuhi mai te ingoa o te Pakeha kia mohio ai matou hei tukunga atu mo te nupepa. Me korero ranei e koutou ki nga Poutapeta i o koutou takiwa, kaua a koutou nupepa e hoatu ki tetahi tangata. Ko nga reta me nga panui katoa e tukua ana mai kia taia ki TE KORIMAKO, kia marama te tuhituhi, kia pai te wehewehe o nga kupu. Me tohituhi nga korero ki te taha kotahi o te pukapuka.

 

PANUITANGA.

 

HE whakamahara tenei ki nga hoa-tuhi-mai kaua e tukua mai he hiriwa, he koura ranei ki roto i a koutou reta anga mai ki TE KORIMARO, notemea ka weeteria e te Poutapeta a ka riro atu i a ia tetahi wahi o te moni. Erangi me tuku mai i te panekuini, i te nooti, i te tieki, i te moni-oata-waea ranei.

 

TE KORIMAKO

 

"Kei te Atua to tatou piringa."

 

AKARANA, APERIRA 15, 1886.

 

HE whakatauki tenei no namata, "Ko nga rongo pai o nga whenua tawhiti rite tonu ki ta te wai matao ki te wairua mate wai." Ahakoa e noho tau-marumaru iho ena nga kapua o te pakanga ki nga tini keokeonga o te ao, tera ano nga riwhanga i aua kapua e kitea ena nga waahi marama i puta ai pea te rongomau ki ia waahi ki ia waahi o te ao.

 

Ko Ruhia e hoki ena ki nga huarahi o te kore whawhai, notemea e tu wehi ena ia mo tona mahi tinihanga kia Piriniha Arekahanara. Ko te take tenei i oho ai a Ataria, a kei te ahua mahi tahi taua iwi me Ingarangi i runga i te mahi awhina tetahi ki tetahi, mehemea ki te tohe tonu a Ruhia ki taua whenua ki Purukeria. Ko te Kingi i whakaritea e Ruhia mo taua whenua, e kore nga Purukeriana e pai. Kua anga mai a ratou kupu kia Ingarangi mo tenei, a ko ta Ingarangi kii, me waiho ma nga Purukeriana te whakaaro, ko wai te tangata e pai ai ratou hei Kawana i a ratou, ena nga iwi rawaho e pokanoa.

 

E tu ena ano te whawhai ki Awhekanitana, ko nga turupa o te Kawanatanga o tana whenua i whati i nga iwi noho maunga i nga rohe o taua whenua. E kiia ana, na nga Ruhiana ano te putake o tenei riri, otira e kore e roa ka mutu tenei raruraru i te kingi o taua whenua.

 

Tenei nga hoia o te Ingirihi te aruaru nei i nga iwi mohoao i Puama, e rima nga ope hoia a Ingarangi kei te hopohopu i ena hunga-tahae.

 

E whakaemi ena a Taakei i ena hoia ki nga rohe whakawaho o tona whenua. Waihoki me Tiamani e whakatini ena i ena hoia, ko Parani (ara nga Wiwi) e haere ena ki nga huarahi whakatini i nga rakau o te pakanga, ka pehea ranei te tukunga iho o tenei mahi whakataetae o ia iwi o ia iwi, ano e noho mataara ana, e noho mataku ena tetahi ki