No. 59
190301

page 1  (12 pages)
2to next section


 
Te Pipiwharauroa, he kupu Whakamarama. NAMA 59- GISBORNE. HANUERE 1903. TE WHAKAUNGA. (Tirohia Nama 55, Hepetema 1902.)

KO te mea tuarua hei whakaaetanga ma te tangata kia iriiria, hei whakahou- tanga hoki mana i mua i tona whanaunga, " Kia whakaponohia nga kupu katoa o te Whakapono Karaitiana." Kei waenganui tenei o te kupu whakarere i nga mea kino, o te kupu mo te whakarite i nga whakahau a te Atua; inahoki he mea kaha o tatou hoariri, he mea taumaha nga whakahau a te Atua mehemea kahore ano tatou kia whakakahangia e te whakapono: "ko te wikitoria tenei e taea ai te ao, ko to tatou whakapono." (i Hoa. 5. 3-) He whakarapopototanga nga kupu o te Whakapono i nga ^whakaakoranga katoa o roto o te Paipera: ka whakaakona tatou ki te whakapono:— Ki te Atua Matua, nana nei tatou me te ao katoa i hanga, ka tahi. Ki te Atua Tama, nana nei tatou i i hoko me nga tangata katoa, ka rua. Ki te Atua Wairua Tapu, ko ia nei te kaiwhakatapu i a tatou, i te hunga whiriwhiri katoa ano hoki a te Atua, ka toru. He mea tino rite tenei ki te kupu mo te iriiringa, kua iriiria hoki tatou " I runga i te Ingoa o te Matua, o te Tama, o te Wairua Tapu;" ara, i runga i te whakapono ki te Atua, ka ata whakahuatia nei tona Ingoa tapu, i runga hoki i te mahi atawhai a te Matua, a te Tama, a te Wairua Tapu ki a

tatou.

Ko era atu kupu o te whakapono a nga Apotoro, ehara i te kupu tapiri, engari he kupu whakamarama. Ko te huarahi i hokona ai tatou e te Tama a te Atua, ko tona Whaka- kikokikotanga ko tona Whakamamaetanga, ko tona Matenga, ko tona Aranga, ko tona Kakenga. Ka whakatapu te Wairua Tapu i a tatou, i nga wahi o te tinana o Te Karaiti, ara o te Hahi Tapu puta noa i te ao; he mahi nana te hiiritanga i a tatou ki te Murunga- hara, e (tiakina ai tatou ki te ra e ara ai o tatou tinana ki te Oratonu. (Epeha i. 13; 4- 30-) E mea ana tatou he mahi ta te Matua, he mahi ta te Tama, he mahi ta te Wairua Tapu. He ahakoa i ra ka uru ratou tokotoru ki te mahi a tenei, a tenei. Ko te Matua te Kaihanga: i uru ano te Tama ki tana mahi (Hoa. 1.3; Koro. 2. 16.) Ko te Tama te kaiwhakaora, me te whakaae ano te Matua, " Koia ano te' aroha o te Atua ki te ao, homai ana e ia tana Tama kotahi." ( Hoa. 3. 16.) I puta mai te Wairua Tapu i te Matua, i te Tama, hei whakaoti te to tatou hanganga, i to tatou whakaoranga.

Ehara tenei whakapono i te whakaae kau tera ano he atua; ko te whakapono tera o nga rewera, (Hemi 2. 19.); tena ko tenei he wha- kapono whakawhirinaki to tatou e tuku atu ai tatou i a tatou ano ki te Atua kia whaka-orangia. A, ahakoa kua mea te tangata e whakapono ana ia ki te Atua, e kore ia e iriiria ki te kore ia e whakaae ki nga ture a te Atua kia whaka- ritea. Ko te tohu tenei o waho e kitea ai te whakapono i roto i tona ngakau (Hemi 2. 18, 20, 22.) Kei nga ture kotahi tekau nga tino whakahaunga a te Atua ki te tangata. Ki ta Te Karaiti he whakahau era kia aroha tatou ki te Atua, ki te tangata. I ata whakamaramatia e Te Karaiti i te rima o nga Upoko o Matiu, te tikanga pai mo te whakarite i aua ture, ara kia whakaritea e te ngakau i te tuatahi. Aha- koa e kitea e te tangata a tatou mahi o waho anake, e kore e taea e tatou te huna i nga whakaaro o roto kei kitea e te Atua. E kore rawa nga whakaaro o te ngakau e pai i. te Mea kahore ano te ngakau kia whakahoutia e te Atua. (Wai. 51. 10); katahi ka taea e tatou te mea " E te Ariki, kia ana ahau?" (Mahi. 9. 6.) " Korero, .e Ihowa, e whakarongo ana hoki tau pononga." ( Ham. 3- 9*) Ka takatu hoki tatou ki te whakarite i nga mea katoa e whakahaua mai nei e te Atua ki a tatou.