Volume 4, No. 9
18450925

page 34  (4 pages)
to previous section33
35to next section


View the commentary of this paper

 
kina ki te hunga tokomaha. Otira, ki te mea, ka tahae, ka kohuru ranei tetahi tangata me tuku atu, e nga Rangatira o nga Hapu kia whakawakia taua tangata kino ki te ritenga o nga Ture. Kia kana e huna te tangata hara, ta te mea, e tika ana kia pa te whiu ki a ratou katoa, e hiahia ana ki te kino.

I WAENGANUI ORA, KEI TE MATE TATOU.

I te ahiahi o te ra tapu i te rua te kau ma tahi o Hepitema, ka mine te tini o te tangata ki te wharef karakia Weteriana i Akarana, ki te whakarongo i te kauwhau o tetahi o nga Mihinare i haere mai i Runga. Na ka tomo tonu taua whare i te tangata, ekore e korikori te taha. Ko te kupu tenei o taua kauwhau. Ko ratou e whakatahur ana i te tokomaha ki te tikanga, ka tiaho me nga whetu ake ake ake. Waiata ana, Ka mutu. Ka tahuri ki te inoi, te rua o nga waiata, ka noho ki te kauwhau. Noho nei, a roaroa, ka ahua reka te tini ki nga kupu whakaora whakahari, e marere mai ana i runga i nga ngutu o te kai kauwhau, ka oho whakarere ou matou mauri i te tirohanga atu ki tetahi tangata, ka piko iho ki runga ki nga papa o tona nohonga. Rore atu ana ona hoa noho tata ki te hapai ia ia, otira tangohia rawatia mai kua mate. I te mutunga o te kauwhau, ka korerotia tona matenga ki te whakaminenga a hoki tangi ana matou katoa ki ou matou whare, no te mea, kua whakakitea te atarangi o te mate ki ou matou aroaro. Ko te Kewitoni te ingoa o taua rangatira i mate, he Mihinare no Taranaki, no te Waimate. I haere mai ia i reira, ki te huihui ki Akarana, otira kiha imaha nga ra i tenei kainga, ka ka kotia tonu ora i te ao, ka tanumia tona tinana ki nga nehu o te kainga tangata ke, ka noho noa mai i tawhiti tona pouaru poururu, a ka noho Matua kore tona tamahine pani.

E NGA RANGATIRA MAORI. Mawai e whakaaro tenei wa mamae. Mawai e hapai a tatou wairua e konohi nei i tenei wa mahara kore. He pouri anake kei tenei wa e nohia nei e tatou a horerawa he piwatatanga mai o te marama ki roto ki to tatou nohonga. Noho ke ana tenei tamaiti, kua mate te matua, noho pouaru ana tenei wahine kua mate tonu hoa. Noho noa ana tenei whanau, kua murua a ratou taonga, kkua ka o ratou whare, a ngaro katoa ana nga kainga humarie o Raro i te hara, i te tutu. Heke noa mai ana nga tomairangi o nga kapua ki runga ki nga rakau o Mawe, o Ohaeawai, no hea hoki e pua e ngaro ana hoki i te toto tangata. He aha tenei, he mea oai, He mea whakahari, He mea whakaora, Nohea te pai, te hari, te marama, te kake, me te ora i roto i tenei mea i te whainga. He aha oti ra i painga ai e te tokomaha. Na te mea ra e whakateina ana ratou ki te tutu, ki te he, ki te teka ki te whakawai, ki te tinihanga, me era atu kino, a, he mate tona tukunga iho. Tena ko te rangimarie e kore e taea te tatau te tini o nga pai e hua mai ai i tona take. KI TE KAI TUHI NUIPEPA. Akarana, Hepitema 27, 1845. E koro, E kore koe e pai kia taia aku kupu ki te Karere. E hiahia ana ahau kia rongo etahi o nga kai titiro i te Karere i taku kupu. He tangata iti ahau a ko taku kupu e iti ana, ahakoa ra, me whakpuaki. Na, e whakaaro ana ahau ki te Whainga o Raro he mea pokanoa, horerawa he putake, Waihoki he maumau whakatika, no te mea, kihai i whai pata te hunga i maranga ki te whawhai, ko nga waruhanga kautanga o a ratou maikuku i riro mai i a ratou. He maha ana raia hoki nga taonga me nga aha, me nga aha i tahaetia e ratou, otira kei hea ana mea? Kua rere pea i te hau. Kua toro ra nei i te ahi. Kua oti ra nei te tango e Te Waka ma. Nohoia ake e Hokianga nga wahi i