Volume 0, No. 45
18851015

page 1  (12 pages)
2to next section


View the commentary of this paper

 

Te Korimako.

 

He Nupepa whakaatu i nga tikanga o te Whakapono, nga Rongo o te Ao katoa, me era atu mea.

 

NAMA 45.] AKARANA, OKETOPA 15, 1885. [TE UTU, 6D.

 

MATENGA TANGATA.

 

No te 26 o Akuhata ka mate a TE HATIWIRA NGAURUPA, no Ngatiporou. Me tona hoa-wahine, me Mata Kahuaute, o Waikato. I mate ki Pikiparia, i tahuri ko to raua poti, a ko o raua tinana kahore ano kia kitea. Heoi ko te mahara me te aroha i waiho iho kia matou. - Na Raiha Putuputu i tuku mai.

 

PANUI KI NGA KAI-TAUTOKO.

 

Ko te utu mo TE Korimako inaianei, e wha hereni (4s.) mo te tau. He mea tuku noa atu te tukunga atu ki te Poutapeta. Ko nga moni me toku tuatahi mai.

 

NOTICE TO SUBSCRIBERS.

 

THE price of TE KORIMAKO is four shillings (4s.) per annum, post free. Subscriptions are payable in advance.

 

PANUI KI NGA KAI-TUHI MAI.

 

Ko nga pukapuka katoa mo tenei nupepa me penei te tuhi mai ki "TE KORIMAKO, Pouaka 270, Poutapeta, kei Akarana."

 

NOTICE TO CORRESPONDENTS.

 

ALL communications to this paper are to be addressed to " TE KORIMAKO, Box 270, Post Office, Auckland.''

 

PANUITANGA.

 

Ko nga rua hereni (2s.) katoa e tukua mai ana timata mai i muri i te 15 o Hanuere, 1885, ka tukua atu te nupepa mo nga marama e ono. E koutou e nga tangata kahore e tae atu ana a koutou nupepa me whakaatu mai kia tukua atu ano tetahi.

 

PANUITANGA.

 

HE whakamahara tenei ki nga hoa-tuhi-mai kaua e tukua mai he hiriwa, he koura ranei ki roto i a koutou reta anga mai ki TE KORIMAKO, notemea ka weeteria e te Poutapeta a ka riro atu i a ia tetahi wahi o te moni. Erangi me tutu mai i te panekuini, i te nooti, i te tieki, i te moni-oata-waea ranei.

 

Te Korimako.

 

" Kei te Atua to tatou piringa."

 

AKARANA, OKETOPA 15, 1885.

 

HE kupu whakamahara tenei no namata, "Ko te wahi hoki i te tupapaku, ko reira ano hoki huihui ai nga kaahu." Ko tera whenua ko Taakei (Turkey) me nga whenua i raro i te mana o tona Kawanatanga, kua kiia e nga tini iwi o Oropi i runga i te kii whakaiti i taua iwi. Mehemea ka tahuri ano tatou ki nga rongo kua tae mai i taua whenua, ka kite ano tatou i nga huarahi maha, nga ngutu o nga tini kaahu ara nga tini Kawanatanga e anga atu ana ki te wero i te tupapaku. Ko te whenua i Roumeria (Roumelia) kua hiahia kia wehe atu ia i te mana o Taakei, a kua whakakotahi ki raro i te mana o Piriniha Arekahanara o Purukeria (Bulgaria). Otira kua oho a Ruhia raua ko Ataria (Austria), a, e ngau ana tetahi ki tetahi, ko ia kingitanga ko ia kingitanga e hiahia ana ki tetahi wahi o nga whenua e tata ana ki ona rohe ake. E kiia ana kei te rere ke nga whakaaro o Tiamani, o Ruhia, me Ataria, me nga Kawanatanga e paatata ana ki tana whenua ki Roumeria, ka pehea ranei te tukunga iho. Kua kii a Piriniha Arekahanara, e pai ana ia kia waiho atu kia whakamutua tona kingitanga kia kaua ai nga iwi e whawhai mona ake. Otira ko Taakei te tino mana o ana whenua, kei te hui ia i ana hoia ki ia waahi ki ia waahi o tona kingitanga, waihoki kua ara he pakanga ma raua ko nga Arapaniana, he iwi kei te taha ki te tonga o Taakei, ko taua iwi kei raro ano i te mana o te Kingi o Taakei, otira i runga i te whakakotahitanga o Roumeria me Purukeria, ka mea kia wehe hoki ia i raro i te mana o Taakei. E kiia ana i te parekura tuatahi ko nga Arapaniana i mate, a no te parekura tuarua ka hinga nga Taakei i taua iwi. Waihoki me tera whenua me Heawia (Servia), kei te whakaaemi i ana ope, a kua tukua atu etahi hoia ki nga rohe o Taakei. Otira kei te tatari te Kawanatanga o Taakei kia rangona e ia nga whakaaro o nga iwi nunui. Erangi ko Ruhia e mea ana, me wkakarere e Piriniha Arekahanara tona ingoa Kingi i runga i Purukeria, otira e kore rawa nga Purukeriana e pai ki tera whakaaro a Ruhia kia whakamutua to ratou piriniha. Ko nga iwi katoa o te ao e titiro tupato ana ki tenei take whawhai e oho ai nga iwi katoa ki te whakaheke toto, me te whakapau i a ratou miriona moni mo runga i tenei mahi i te pakanga. Ko Ruhia kei te tuara o enei raruraru, ko ia kei te tautoko i nga huarahi pakanga, notemea e wehi ana ona rangatira ki ana tini tangata e haere ana i runga i te huarahi o