Volume 1, No. 24
18990207

page 1  (6 pages)
2to next section


View the commentary of this paper

 

[NAMA...24 WAIRARAPA. _____PEPUERI TUREI 7th 1899.___________Wharangi No 1.] (Mo NGA POROPITI TENEI KORERO.) PUKE Ki HIKURANGI.

PEPUERE 7 1899. E nga Iwi o te Motu tena koutou. He mea pai ano kia panuitia kia kite mai nga Iwi inga kimihanga a toku ngakau i nga mahi a te Poropiti, E nga-Iwi ko nga Hurai anake te Iwi i what Poropiti, ara e mohiotia ana, ko nga Kariki ko te mea nui mo ratou he Iwi mohio, ko ta ratou mahi he tuhituhi waiata i mua? Ko nga Roma te mea nui hoki mo ratou ko nga Ture mo te whawhai? Te mea nui ia mo nga Hurai ko nga Poropiti, ko nga mahi a te Poropiti, e toru nga tu ahua mo a ratou mahi? (TUATAHI HE WHAKAATU KITE Iwi I TA TE ATUA I PAI Ai.) E whakaaturia ana e te Atua tana e pai ai ki nga Poropiti, ma nga Poropiti e whakaatu ki te Iwi ta te Atua e pai-ai-ko ta ratou- he whai tonu kia tata tonu te Iwi ki te Atua. (TUARUA HE KAI WHAKAAKO RATOU.) E noho tahi tonu ana hoki ratou i etahi Kura, ara i nga "Kareti" o nga Poropiti, a, ko tetahi tino Poropiti i whakaritea hei Upoko mo ratou, ka kiia hoki taua Poropiti to ratou Matua; Ko Hamuera te Papa o nga Poropiti nei, ka kiia hoki ko to ratou Ariki, Ko Iraia; i Hamuera, x. 12: u Kingi, ii. 3; Ka kiia hoki nga Tamariki e Kura ana i reira he Tama na nga Poropiti"? I enei "Kareti" e akona ana nga Tare a Mohi, e tuhituhia ana hoki nga Ture hei hoatu ki era atu, e tuhi- -tuhi ana i nga korero o to ratou takiwa ano, ko ratou hoki ki te whakaako, kite Kauwhau hoki kite Iwi? (TUATORU HE WHAKAATU I NGA MEA, MEA AKE PUTA MAI. E tonoa ana hoki nga Poropiti i etahi wa ki te whakaatu ki te Iwi i etahi mea, mea ake pa mai kia ratou me nga whiu e pa mai, i etahi wa ka haere ratou ki te Iwi korero ai, i nga mea pai e tukua mai e te Atua kia ratou? Ko etahi o ratou i whakaatu i te haerenga mai o te Karaiti, ara, te tino manaakitanga mo nga Iwi o te ao, ahakoa he mea nui tenei te whakaata ki te Iwi? Otira he me nui tenei kia whakaarohia e tatou no te mea e mohiotia ana e tatou, ko te tino mahi a te •Poropiti he whakaatu i nga mea e pa mai ki te Iwi, tetahi i whakaaturia e ratou te huarahi mo te Karaiti, na te taenga mai o te Karaiti na kua tu ko ia hei tino Poropiti, Nga Hiperu i. 1—I mua ko nga Poropiti, i naianei ia ko te tino Poropiti? Ko te tikanga o tenei Ingoa o te Karaiti he mea whakawahi, e torn nga take e whakawahia ai te tangata, tuatahi hei Kingi, tuarua hei Poropiti tuatoru hei Tohunga? Tera pea tatou e mea kua whakapaia e nga Poropiti te huarahi o te Karaiti, heoi kaore a ratou whakaakoranga pai mo tatou, i te mea kua tae mai a te Karaiti? (HE MAHA. NGA POROPITI O IHARAIRA 1 TE TAKIWA I MUA O TE WHANAUTANGA O TE KARAITII.) Nga Poropiti i muri mai i te wehenga o nga Kingi o Iharaira ko Rehopoama te Kingi tuatahi o Hura i muri i te wehenga o nga