Volume 2, No. 9
18601201

page 1  (4 pages)
2to next section


View the commentary of this paper

 

TE HAEATA TE UTU MO TE TAU } KOTAHI 2s 6d} " Tatou ka haere i to Ihowa Maramatanga." { TE MO TE PUKAPUKA KOTAHI 3d VOL,. 11.] AKARANA, TIHEMA 1, 1860. [No. 9. MARAMATAKA MO TIHEMA.

Hei te 15 o nga ra Hun ai te Marama. Hei te 28 o nga ra Kowiti ai te Marama.

1 Hatarei 2 Ra Tapu Waiata 9, 10, 11. 3 Manei 4 Turei 5 Wenerei 6 Tarei 7 Parairei 8 Hatarei

9 Ra Tapu Waiata 44, 45, 46. 10 Manei 11 Turei 12 Wenerei Ka kitea Niu Tirani, 1642. 13 Tarei 14 Parairei 15 Hatarei

16 Ra Tapu Waiata 79, 80, 81. 17 Manei 18 Turei 19 Wenerei 20 Tarei 21 Parairei 22 Hatarei

23 Ra Tapu Waiata i 10—H3. 24 Manei 25 Turei Te ra whanautanga o te Ka- 26 Wenerei [raiti. 27 Tarei 28 Parairei 29 Hatarei

30 Ra Tapu Waiata 144—148.

E taia ana Te Haeata i te tahi o nga ra o nga marama katoa. Te utu mo tenei niupepa hia rua hereni mo te Tau te kau ma rua nga niupepa e taia i te tau kotahi. Ko nga tangata e mea ana kia taia o ratou whakaaro ki tenei niupepa, me tuhituhi a ratou pukapuka ki te Kai-Tuhi o Te Haeata, ara ki a Te Patara, kei Onehunga. Ko te tangata e hiahia ana kia taia tona panuitanga ki te Haeata nei, me kawe i tana pukapuka kia Te Wirihana ki te Whare Perehi o "The New Zealander," ma Te Wirihana e whaka- rite utu mo te panuitanga ka taia.

TE HAEATA.

AKARANA, TIHEMA 1, 186O. | H E M A T E .

" Nei ka noho, kapakapa tu ana Te tau o taku manawa Ki a aku tamariki. E tia, tenei au, e tama ma, ko te Aitanga a Tane, e tuohu i uta ra: i E piko nei. me te mamaku Ki a aku tamariki. i Kei whea ra ? e te tamaiti i karangatia i "Nau mai, e tama,' [ai, Ka riro ra ia i te taiheke nui." Koia tenei e te whanau, he mate to i tatou. Ko nga tamariki ka rupeke. Nga potiki i hikitia e tatou, i atawhaitia, i arohangia, kua hinga. Ka hua ra, e tamara ma, e whakatupuria ana ratou mo i te ao, hei noho mo nga Kainga, IKM parau 5 nga whenua, hei pupuru i nga wahi a i nga tupuna, hei hoa noho tahi mo te Pa- I keha, hei whakarangatira i Niu Tirani. Kaore, ngau ke ana, whakarere ana nga huarahi tika, kotiti ke ana, kua taka ki nga wahi pahekoheko, ka riro i te taiheke nui. E mea ana. hei pupuru i | tana oneone, tana mahi ki te riri—tona whawhai ki te Pakeha. Auetai! Te mahi poauau a te iwi! Te noho marire ai Ui te kainga, kia whakaeke ano ki tona kainga tupu, hei tango i tera, katahi ka whai take riri mana. Tena koa, te kainga i te taha tika o Waikato, o Waipa, o Horomi, i tangohia noatia e te Pakeha? Te wahi a Ngatimaniapoto, a Ngatihaua, a Ngati- koroki, a Ngatiruru, a wai ranei, i kaia e ia? Hore rawa. Koia matou ka mea nei, ehara i te mahi pupuri i taua oneone ta enei iwi i haere ai ki Taranaki, engari, he | ngakau whawhai ano ki te Pakeha. Haere take kore ana ki reira hei whakauru mo te ope o Te Rangitaki. ko tona tukunga iho ka ngaro nei. E tara hoki te aha i te mahi a Tu! Ara, i te mahi a te Wairua I kino, otiia i te mahi kuare a te tangata ! Tena, ma wai e pupuri nga kainga i i muri nei? Ka poto nei hoki nga tangata ki te male. Ma wai e ngaki nga oneone?'.Ma wai e whakato nga kirikiri ki " te kahui kura, nga taonga whakamanamana, e tama ma, a o kuia?'* E ngaro nga raorao i te witi, i a wai? Ma wai e noho nga taha tika o nga awa a nga iwi? E paoro mai nga paringaringa o Waipa i to wai reo? Ka rongo nga piko o Waikato ki to wai rangi tukituki aianei? Ko wai hei hoe kai mai ma te Pakeha, hei whakahoki taonga atu mo nga kuia me nga potiki? Keihea he hoa noho tahi, mahi tahi, hoko tahi mo te Pakeha, ki te penei tonu? Ka- hore ra. Ka puta ano ta matou tangi: — '• Ka noho ienei au, e tama ma, I runga i le kahui papa, Papa mania; Papa tahia ; Tahia rawatia; Kei ai he titiro i te ra, e tu iho nei; Te Maunga, e tu mai ra ; Ki te hau-kainga, i whakaarotia mai, E te konohi tonga." Koia tenei, ka tuhera nga kainga, i takoto kau ana nga moenga, tau kau anu nga waka ki tatahi, maroke ana nga hoe, ka pirau nga kupenga, ka Taikura nga kaheru, ka popopopo nga parau, kua maka nga hoiho, kua puihi nga okiha, | kua ururuatia nga mara, kua moti ta te whenua, kua pahuhu atu nga taonga a te iwi. Akuanei he iwi ke mana e noho nga kainga, e ngaki nga mara, e hoe i roto i nga awa, e kui i nga hua a te whenua. Ina hoki ka kuare nga iwi tupu, ka mau hoki ki te raorao iti a Haere, ka rere ki te po. He tangi tenei ki a koutou Waikato, e Ngatimaniapoto, e Ngatihaua, e nga iwi katoa e uru ana ki tenei mahi kuare. Kati ano : kali te tuku i a tatou tamariki ki te mate, waiho etahi hei tangata mo te ao, hei atawhainga ma matou, hei akonga ma matou, hei tamariki ma te Atua. Kei ki, " He tangi no matou ki to matou oneone." Ma tenei mahi koia ka mau ai to koutou oneone? Huatu ma le penei ka riro, ara, ko te tangata ka riro, tona one- one i tangihia e ia ka mahue mo te tangata ke, ko ia, ka ngaro. Takoto tonu ana te whenua, pai tonu, otiia he tangata ke mana e takahi. Kei mea hoki, " He mamae ki o matou tuakana, teina, matua. kua hinga na : me haere matou ki te taki- taki io ratou mate." E tai ma. waiho