Volume 0, No. 24
18840215

page 2  (16 pages)
to previous section1
3to next section


View the commentary of this paper

 

TE KORIMAKO.

 

PEPUERE 15, 1884.

 

Ka haere mai i nga huarahi o Akarana, i Hopihona-tiriti, a; Wikitoria-tiriti, a; Kuini-tiriti, a; Wekiwhira tiriti, a; ka piki, ka heke, ka piki ano, tau rawa atu i Pukekawa. Ka puta te hapu a Hatana ki waho, ara te iwi hoko-waipiro ki te matakitaki; a, tau mai ana te umere ki ta maua haere. Ka whai-korero ki a maua ki Pukekawa. Huri ana $e taringa o te mano ki te whakarongo i nga hamumu o tera Ruanuku, o Ta Wiremu Pokiha (Sir William Fox). Puta ana ta maua umere me ta maua whakamoemiti. Haunga etahi kaikorero, a Te Numana Hohepa (Mr. J. Newman) me etahi atu. Ka maranga te waiata, ka takoto te kai, konga takarokaro tena, heaha hoki i korerotia ai. I te ahiahi, ka hui maua ki te whare-Tiata, ki te whai-korero i runga i nga kino o te waipiro, te kai a Hatana e whakawaia ai te Pakeha raua ko te Maori. Ka tu ano a Ta Wiremu Pokiha (Sir William Fox). Ka parekareka ra hoki nga taringa ki nga komene a taua mema o te Paramete. Ko nga piana tena, ko nga waiata tena, me era atu ahuareka o te Ope Puru-ripene, me nga karakia hoki. Mahia mai i kona e te Maori, kia mehia atu i konei, kia ungutu ai te Whakapono raua ko te rangimarie.

 

 

Whakautu i nga Reta Tuku Mai.

 

NA "W. P. Te Whareoaitua," no Rotorua. Takaia mai ana e 3 hereni. Kei te puripuri tenei kia mohiotia ai te kupu o te Tiamana-Komitii e Te Whaka rewarewa, ka whakaaetia te utu, kahore ra nei. - Na " Kapene Matene," no Kohanga, Waikato: He patai i te utu mo nga korero ina hiahia te tangata kia panuitia e TE KORIMAKO. E koro, me he mea kotahi koramu (column) te roa o nga korero, ko te utu mo nga kai-ta e 10 hereni; he hawhe koramu (column) te roa o nga korero, e 5 hereni te utu; me he mea he koata koramu te roa o nga korero, e 2s. 6d. E rua hereni me te hikipene. Ki te mea, ka titiro koe ki te wharangi o TE KORIMAKO, ka kitea e koe te ritenga o te koramu (column) e toru tahi nga koramu i roto i te wharangi kotahi he mea haehae marire ki te raina mangu, tenei koramu, me tenei koramu. - Na " W. Warren Pewa," no Kaeo, Whangaroa: He tono ki a Te Mete ma kia tukua atu he pihi-tauira kia matau ai ki te ahua o nga kakahu e panuitia ana. - Na " Eperei Takahorea," no Whirinaki, Hokianga: He patai i te utu mo te hiako Tanekaha. - Na " Hukanui Watene," he mihi mo nga tikanga whakaatu a TE KORIMAKO. - Na " Hikurangi," no Waikato: He patai i te take i kore ai e panuitia tana korero. E koro e Rangi, ka nui te tika o tau reta; engari kei te kimi tenei, i tutuki mai ra nei, kaore ra nei. Tena tuhia mai ano to panui, kia whakaotia tikatia ta taua u a au. Na " Rapana Inia," no Kaikohe; he mangai a "Inia," no nga tangata o Kaikohe: He whakahe ta tera iwi i te 4 hereni mo TE KORIMAKO i te tau; he whakamutu, kia mutu te kohikohi mo tenei nupepa. [E Ra kia mau mai; ko te he me patu; ko te tika me pupuri.] - Na " Ruti Te Heke," no Te Pupuke: He patai i te take i roa ai te puta ai a TE KORIMAKO i te 15 o Tihema. Ko te ingoa tika ki te kopaki o tana nupepa, ko Putete Hakei, kei Te Pupuke. Na "Tanetinorau," na " Heta," no Areka: Tenei a raua kupu: "Ka nui te raima kei i au, e tata ana ki te tekau mano tana, neke atu hoki. Kei Paramitihauturu." - Na "Te Uakapua," no Petane, Poneke: He patai i te take i hapa ai ia i nga marama e rua kaore hoki he take i kitea ai e ia, i ketia ai tana nupepa. No te marama o Aperira ka tukua mai tana 2 hereni; a, kia tae ki Aperira o tenei tau ka mutu tera 2 hereni. E tika ana u a au. Ma nga kai takai nupepa e whakaatu te take. Kaore koe i mohio, kaore ahau i mohio. - Na " Pekama Tuhaia," no Akuaku He whakahau, kia kaha te mahi i nga tikanga o era motu. E 2 hereni i takaia mai. - "Matenga Taiwhanga," no Ohinemutu He kupu whakanui mo TE KORIMAKO. Tetahi kupu a Te Matenga ki te tohe kia 4 hereni mo TE KORIMAKO i te tau, tera e mate taua manu. - Na " Pera hama Te Kahika," no Mohaka: He kupu whakanui i TE KORIMAKO. Nei nga kupu: - "Haere mai, haere mai e tama. Haere mai ki te whare. He tawhiri tenei na Kahuhunu ki a koe. Toia mai te waka, ki te urunga te waka, ki te moenga te waka, ki te takotoranga e takoto ai te waka, e. E 2 hereni i takaia mai mo te tau. Na " Kemara Te Tapeta," no Pakowhai: He patai i te take i hapa ai ia i TE KORIMAKO i nga marama e rua." E whanga ana tenei; ki te kore e tukua mai whakahokia mai taku 2 hereni." ka tika to kupu e koro, me kimi ake te take i he ai. Letter from R. T. Batley, Esq., enclosing 2s. yearly subscription for Te Haupaimarire. - Na " Heremaia Hikirangi," no Te Kapu, Te Wairoa: He tono kia tukua atu TE KORIMAKO, e 2 hereni i takaia mai. - Na " Makoare Te Pana," no Te Kao, Parengarenga: He kupu whakanui i TE KORIMAKO, takaia mai ana te 2 hereni mo te tau. - Na "Henare Topi," no Te Kawakawa: He tautoko i TE KORIMAKO. Kapai ana korero rangatira. - Na " Hohepa Mataitaua," no Manaia: Ko te kupu tenei: - " Kaore a au e pai ki te 4 hereni mo te tau. Ki te mea e rua putanga o TE KORIMAKO i te marama katahi ano ahau, ka whakaae." He reo hori-pu tau e Hepa; te tiki o te kupu whiu tonu mai ki te kanohi.

 

Kua ki te nupepa Pakeha, ko Tawhiao ka haere ki Ingarangi; ko nga hoa, ko Topia Turoa, ko Henare Tomoana; £1,000 a Topia, £1,000 a Henare hei o ma raua.