Volume 0, No. 28
18840614

page 1  (16 pages)
2to next section


View the commentary of this paper

 

TE Korimako.

 

He Nupepa whakaatu i nga tikanga o te Whakapono, nga Rongo o te Ao katoa, me era atu mea.

 

NAMA 28.] AKARANA, HUNE 14, 1884. [TE UTU, 3D.

 

MATENGA TANGATA.

 

No te 13 o nga ra o Aperira, 1884, ka hemo, ki Wairarapa, a RANIERA TE IHO-O-TE-RANGI. Waihotia iho te puna roimata, me te wairua-koingo, e te hoa.

 

PANUITANGA KI NGA KAI TUHI MAI.

 

Ko nga pukapuka katoa mo tenei nupepa me penei te tuhi mai ki "TE KORIMAKO, Pouaka 270 Poutapeta, kei Akarana."

 

ALL communications to this paper are to be addressed to " TE KORIMAKO, Post Office Box 270 Auckland."

 

THE KORIMAKO is to be issued once each month, the price to be two (2) shillings per year postage paid. Europeans wishing to subscribe can do so by addressing " TE KORIMAKO, P.O. Box 270," or by leaving, their subscriptions with Messrs. Champtaloup & Cooper Stationers, No. 76 Queen-street.

 

 

Te Korimako.

 

"Kei te Atua to tatou piringa."

 

HUNE 14, 1884.

 

TE tatu noa te mauri o nga rangatiratanga nunui o te ao, i ana Karaipiture ra mata, i ana mohiotanga whakahirahira, i ana tikanga whai mana, i ana manomano Ture, hei hapai mo te tika, hei whiu mo te he. He mano nga kaiwhakahaere o tenei, o tenei rangatiratanga, ko nga, kaikawanatanga, ko nga kai-whakawa, ko nga homihana, ko nga katipa, me te tini noa atu. Heoi, i runga i enei mea katoa ko te ngakau ohooho o nga Kingitanga, o nga Kuinitanga, e puta nui ana. Ko nga whakaaro kei runga kei te ngutu O te pu, kei te mata o te hoari, me te titiro whakatau tetahi ki tetahi. Ko nga Pakeha kaimahi kei te whakatakoto ngakau kia pepehia nga Ture, kia mahia he tikanga e hinga ai te taha-mma, te taharingatira, kia whakamoiritia ko te taha-ware anake.

 

Meaha ? Ehara i te mea e aurara noa mai ana ki te tangata nga kino i te ao, kao; ko te tangata kei te whai, ko nga pai ka takahia, ko nga kino ka tautawhitia. Tera pea e pataia e te tangata, kei hea anake enei tutu e meatia nei ? Heaha ano a Oropi katoa, me tetahi wahi o Ahia, me tetahi wahi o Awherika, me tetahi wahi o Amerika. Kiano i kitea-noatia nga tikanga e mate ai enei hanga whakatenetene i roto i nga iwi, na te mea koa, ko ta te Atua kua kapea ki muri, ko ta te tangata kua kokiritia mai ki mua, hei pou-tokomanawa mo te whare; a, me ake hoki pea, ka hinga, a, tau ! ka papa kei raro.

 

Pihopa Ruki.

 

E KI ana te nupepa o Mereponi, i te 28 o Mei, ko Pihopa Ruki (Bishop Luck), he Pihopa no Akarana, no te te Hahi Katorika Romana, i u atu ki reira, e atu ana ki Ingarangi. He huihui na nga Pihopa o tera Hahi ki Ranana, ka tu, kia hurihuri nga mana o tera hanga i nga ritenga o te Maori o te motu nei, ki nga tikanga whaka te - taha ki te Atua.

 

Te Kawana.

 

KUA maunu atu i Akarana a te Kawama, he haere ki te whakatuwhera i te Paramete i Poneke. I matenui nga Pakeha o Akarana ki a te Kewana, he pai no ana hamumu, he ahua pai mai ki te katoa. I te huinga - tamariki etoru rau ki te waiata, ka tu a te Kawana ki te taki, ka puta ana kupu kaua ki te whakahe i tera hanga i te waipiro. Umeretianuitia ana a te Kawana e nga Runanga pehi i te ngongi kino; whakaae katoa ki te kupu tika a te Kawana.

 

Rev. Hauraki Paora.

 

ROKOHANGA atu e te haere a nga tangata kia hainatia te pitihana pehi honu whakaporangi i nga ra o Mei, ki Kawhia, i reira a Hauraki Paora e whakato ana i te kupu o te ora, e hao ana i te kupenga o te Rongo Pai, kia mau mai ai he ika hei taonga nui mo te Karaiti. Tetahi mahi a Hauraki Paora, he whakamanuwhiri i nga kaihari i te pitihana a' nui atu te atawhai o rana ko Mihihi Paora ki aua tangata i to rana kainga i Waitetuna; a, nui atu hoki te kaha o Hauraki ki te kukume mai i nga hapu, i Waitetuna, i Whatawhata, i hea, i hea ki te haina i taua pitihana. Ma te Karaiti raua e manaaki mo enei mahi nunui.

 

Kotahi tima nui i pakaru ki nga toka i waho moana, e rua tekau maero pea te tawhiti atu i te tuawhenua o Amerika, a, e ai te ki 124 nga tupapaku.