Volume 0, No. 34
18841115

page 1  (14 pages)
2to next section


View the commentary of this paper

 

TE KORIMAKO

 

He Nupepa whakaatu i nga tikanga o te Whakapono, nga Rongo o te Ao katoa, me era atu mea.

 

NAMA 34.]

 

AKARANA, NOWEMA 15, 1884.

 

[TE UTU,3D.

 

WHANAUTANGA.

 

No te ratapu te Hepetama 21, 1884, ka whanau te wahine a RATIMA APERAHAMA, tamaiti a RIHI PAHARU, tana wahine he kotiro na Hare Reweti tetahi o nga whakatuatea o te tai hauauru kua iriiria i te Oketopa 19 ko Pairama Te Tihi to ingoa o taua tamaiti.

 

MATENGA TANGATA.

 

No te 10 o Akuhaia, 1884, ka moe ki Rangiuru, a TE PIRIHI TE HINI APERAHAMA. Na te tangata nui i te ao, na aitua i kukume atu; otira e tukoto ana te kupu, "Na Ihowa i homai, no Ihowa i tango atu." I waiho mai ko te pu-aroha ki nga matua e noho nei i Te Putaputaweta.

 

No te 10 o nga ra o Akuhata i moe ai taku tamaiti a TE PIRIHI APERAHAMA i tana moenga roa ekore nei e taea te whakaara mai ki runga. E taea koa teaha o hoa ma i te tangata nui tonu e noho nei i te ao! Waihotia iho nei ko te pu-aroha ki nga matua ki nga whanaunga.

 

No te 19 o Oketopa 1884, ka moe ki Te Matata, a MOU MIKAERE, te tamahine a Mikaere Heretaunga, kua tangohia atu nei o te Karaiti ki Paraihi. Waiho iho e te hoa ko te puna roimata.

 

No te 27 o nga ra o Oketopa, 1884, ka moe a PIPI TAMATI, te tamahine a Hohaia Te Whiwhi, ki Pariranewha, Matakohe. Kanui to maton pouri mona, ko te take he nui no ana mahi pai ki te aroaro o nga tangata o te Atua ano hoki, me titiro hoki ki ana Karaipiture i korero ai i tona hemonga. Tuatoru: Hoani Rongo Pai, 6 upoko, 16 rarangi. Tuawha: Waiata 118. Tuarima: Ruka, 18 o nga upoko, 130 nga rarangi.

 

KO ANI, he tamahine na Henare Taurewa, o Wikitoria, wahi o Mangonui, i mate i te 3 o nga ra o Oketopa, 1884. I noho taua kotira ki te kura a Mr. John F. Capper. i Peria, a he nui te mohiotanga i riro i taua kotiro, a i marenatia kia Hare Mua, no Ngatiporou, a he iramutu taua kotiro kia Timoti Puhipi, rangatira Maori o te Rarawa. I nehua te tinana ki Pukepoto a na Rev. Renata Tangata i karakia te nehunga. Kua whakawhiti atu nei i te mate ki te ora tonu.

 

"E haere ana abau i te ara o te mano." Ano he mata ngira e wero ana ki te ngakau te taenga mai o te rongo kua moe a MORIHI, irunga i te moengaroa. Tae ana ki te ngakau te mamae me te pouri mo te wehenga atu o tenei tangata rangatira i waenganui i ona iwi, i waiho iho nei e ai ko te tangi, ko te pouri, ko te mamae, me te puna-roimata hei kai ma te hunga o ra. Kua tangohia atu nei ia e te Kaiwhakaora ki te whenua hei okiokinga mo te mano, ki te pa kei rera te Reme a te Atua o karanga ana, "E koutou e te hunga e mauiui ana haere mai maku koutou e whakamama ki te pikannga oranga mutunga kore." He nui nga take i nui ai te mamae mo tenei tangata, ko tetahi hoki ia o nga rangatira o Rangitihi i roto ia te Arawa a he uri ano ia no Mokonuiaarangi, he tangata kaha hoki ki te whakarite ki nga hui iwi o Te Arawa. Ko tetahi hoki ia o nga toa iroto i nga hapu i nga takiwa o te raupatu i nga atu kua pahure ake nei. A he nui rawa te pouri ona iwi i tona ugaronga atu, a e taea te pewhea i te mea kua tauiratia mai e o tatou tupuna. Haere atu e te hoa!

 

PANUITANGA KI NGA KAI TUHI MAI.

 

Ko nga pukapuka katoa mo tenei nupepa me penei te tuhi mai ki "TE KORIMAKO, Pouaka 270 Poutapeta, kei Akarana."

 

ALL communications to this paper are to be addressed to "TE KORIMAKO, Post Office Box 270, Auckland."

 

THE KORIMAKO is to be issued once each month, the price to be two (2) shillings per year postage paid. Europeans wishing to subscribe can do so by addressing "TE KORIMAKO, P.O. Box 270," or by leaving their subscriptions with Messrs. Champtaloup & Cooper, Stationers, No. 76 Queen-street.

 

TE KORIMAKO.

 

NOWEMA 15, 1884.

 

Ko te mea e miharotia ana e te tini, e te mano, ko te rongo i taia ki te nupepa Pakeha, i te 1 o Nowema nei mo nga Hurai e takihokihoki ana ki to ratou whenua tupu, i Paretaine (Palestine). Tenei te take o taua mea whakaohooho i nga Hurai. Tera tetahi rangatira whai mana o nga Hiperu, i haere ki Huria, ki te tirotiro i nga kainga, i te oneone o nga tupuna, ki te whakarongorongo hoki i nga korero e hoki ai nga Hurar, e pehea ai ra nei. No te taenga ki Huria, ka kite i Nahareta, i Karari, i Hiruharama, i hea, i hea, ka pa ki te hinengaro te puaroha, me he ahi e toro ana; a, te putanga-whakareretanga mai ki a ia o tetahi whakaaro, maramakehokeho te ngakau, ano! he reo no te Runga Rawa. Katahi ra ka whakakoakoa taua rangatira Hiperu i runga i tana mohio tuturu, i runga i tana kite, ko Ihu o Nahareta, i ripekatia ra e nga Hurai i mua, ko te Mihaia tonu ia, i poropititia ra e Ihaia ma. Hoki tonu te tanga ra ki nga Hurai e noho mai ana i Peharapia (Bessarabia). He whenua tera no Ruhia (Russia). Noho ai nga Hurai ki taua wahi i nga whakapaparanga e maha, a, e noho mai nei ano. Te ingoa o taua Hurai whai mana i whakamohiotia nei ki a te Karaiti, ko Hohepa Rapinowiti (Joseph Rabinowitz). Ka tae te tangata ra, korero atu ana ki te iwi nui, "E! kua tino mohio ahau, ko Ihu Karaiti, he tuakana tupu no tatou. Ko te Karaiti Ihu te Mihaia, i korerotia e o tatou tupuna, e Aperahama, e Ihaka, e Hakopa." Te ohonga i oho ai te iwi ra, tu tonu atu, whakaae tonu atu, tangohia mai ana hei Karaipiture ma ratou ko te Kawenata Hou. Haere ake i te timatanga ki te whaki i to ratou piringa ki a te Karaiti e 200 tane, kei nga wahine, me nga tamariki, kia 4 , kia 5 ra nei rau. I runga i ta ratou whakapono ki a te Karaiti. ka haere-teretere ki Huria (Judea). Kaore kau i whai aua Hurai whakapono ki a te Karaiti, ki nga Hahi e tutu mai nei; kahore hoki i whai ki te iriiringa o nga Hahi, engari i whakahinga tonu atu ki a te Karaiti; a, kua te mana o te Ariki hei whakakotahi i a ratou, a, ma Ihu Karaiti ratou e manaaki i te ra, i te ra.

 

No houanga ka paremo ki te wai nga tangata e 53 i Niu Tireni.

 

Ko te rakau nei, ko te arani, e tae ana ki te 300 tau he hua tonu te hanga.