No. 62
190304

page 1  (12 pages)
2to next section


 

Te Pipiwharauroa,

he Kupu Whakamarama.

NAMA 62.

GISBORNE.

APERIRA 1903.

HE NGAKAU MA.

(Waiata 51- 10.)

I TERA Ratapu i rongo tatou i te karanga a te Atua " Ripeneta, e tata ana hoki te rangatiratanga o te rangi." I tenei ra kia rongo tatou ki te inoi a te ngakau ripeneta ki te Atua, ara " Hanga, e te Atua, he ngakau ma ki roto ki a au, whakahoutia hoki ki roto ki a au he wairua tika."

E matea ana e tatou, he ngakau hou, kahore tatou e ahei ki te hanga i tenei mea. Na te Atua anake tenei mahi. Engari kotahi te mea e taea e tatou, ara ko te inoi—ko te tono ki te Atua kia meatia tenei e Ia mo tatou. Ko te tangata inoi-kore, he tangata oranga-kore:

he tangata e whakahawea ana ki te Wairua Tapu.

E timata ana i roto i te ngakau nga tu he ka- tua o te ao nei. Kei te patu etahi; kei te tahae etahi; ke te puremu etahi; kei te kohukohu ki te Atua etahi; kei te tukino etahi, engari kei roto i te ngakau te purapura o enei mahi kino katoa. Ko enei mahi katoa, he hua no te whakaaro kino. I tupu mai te rakau nui i roto i te purapura iti, waihoki i puta mai te mahi kino nui i roto i te whakaaro kino iti; a i whanau te whakaaro kino i roto i te ngakau.

Kaua e wareware, he he te whakaaro kino, me te mahi he, he kino. He hara te whakaaro kino me te mahi kino. Mo konei, me inoi atu tatou ki te Atua kia hanga e Ia he ngakau ma ki roto ki a tatou. Ko tana mahi hoki tenei. Ko Ia anake e ahei ana ki te hanga i te ao, ma tona kaha anake hoki e taea ai te hanga te ngakau ma, te wairua hou.

Me he mea ki te kore te tangata e tahuri atu ki te Atua, me te inoi ki a Ia, kia whaka

mangia tona ngakau, ka poke tonu tona nga-

kau. He tokomaha nga tangata ngakau poke, kahore e inoi kia horoia o ratou ngakau. E whakatupato ana te Atua ki enei, e mea ana i te Pukapuka o te Whakakitenga, " E kore a o e tomo ki roto ki te pa tapu (ara, ki te rangi) tetahi mea whakanoa." Ko nga tangata anake kua horoia e nga toto o Ihu Karaiti e tika ana ki te tomo ki te pa tapu.

I a Ihu i tenei ao, i kite Ia i tetahi tangata e kapi ana i te repera. Kahore ona kaha ki te whakama i a ia ano; engari i ahei ia ki te haere ki a Ihu, me te inoi kia whakaorangia, a haere ana ia, inoi ana •' E te Ariki, ki te pai koa e taea ahau e koe te mea kia ma. A ka totoro tona ringa, ka pa ki a ia, ka mea, e pai ana ahau, kia ma koe. A mutu tonu ake tona repera."

Kei te penei ano te kaha o Ihu i tenei ra;

kahore ano kia puta ke. Me tono atu tatou ki a Ia kia ma ai o tatou ngakau, kia hanga he wairua hou.

Ko tenei waiata, ara te rima tekau ma tahi o nga waiata, he inoi tawhito na tetahi tangata i taka ki te hara nui, ko te inoi a Rawiri i muri i tona puremutanga, me tona kohurutanga.

I nui rawa tona pouri, i nui rawa hoki tona ripeneta.

He inoi ripeneta tenei inoi. Pehea ta Ihowa whakahoki ki taua inoi? I mea a Natana ta te Atua poropiti, " kua kauparea atu ano tou hara e Ihowa." I hanga e Ihowa he ngakau hou ki roto ki a Rawiri.

E whakaako ana a Rawiri ki a tatou i te ara o te ripeneta pono, me te ritenga o te inoi pono. Kua hara tatou katoa, engari me tupato tatou kei u tonu tatou ki te hara. E hiahia ana te Atua kia hanga he ngakau ma ki roto i a tatou katoa. E tatari ana Ia kia inoi tatou. E tatari ana hoki Ia kia whakahoutia