No. 106
190701

page 1  (8 pages)
2to next section


 
Te Pipiwharauroa, he Kupu Whakamarama. NAMA 106. HANUERE 1907. TE KINO O TE KOHURU. WETIWETI ana nga korero o te kohu- ru o Ngapuhi o te Tihema ka taha nei. Kahore e maha a motou kupu mo tenei kohuru ehara hoki te kohuru i te mea pai hei korerotanga, ko te take i tuhia ai e matou enei korero he whakaaro i puta mai ki a matou. (1) Ko te take o tenei kohuru he hae. Ko tenei mea ko te hae e haere tahi ana ara e noho tahi ana raua ko te kohuru. Na te hae ka patu noa te tangata i ta- na wahine ka kohuru ranei. He tino mate tenei no te Maori te hae. (2) Ko te take i hae ai tenei tangata he ko- re kaore i tatu tona ngakau i te wahine kotahi. He tino mate ano tenei no taua no te Maori te kore e u te wha- kaaro ki te wahine kotahi ki te tane kotahi ranei. Ko nga wahine ka toko- maha nga tane ka kiia he rorirori he heahea, he aha ra te ingoa tika mo nga tangata e whakarere nei i a ratou wa- ka kuia a ratou wahine ka whakarerea ka moe i nga kotiro. (3) Ka kitea e tatou te kinonga o te tanga- ta ano he kararehe, i porangi i te kino. He mohio no te Atua ki te kino o te tangata i tukua mai ai tona Wairua hei whakawhanau hou i te ngakau o te tangata otira kei te tutakina e te tangata tona ngakau ki te Wairua o te Atua. (4) Ahakoa pehea noa te kino o te tangata kahore i motuhake ki te kino anake, inahoki i whakarongo ai a Hirini ki te tohe a Toe kia whakaorangia ia; ki te tiaki i ana tamariki kua kohurutia "ra te papa. (5) I te mea kahore te tangata i te whaka- pono ki a te Karaiti kaore e mohiotia tona ahua te ohonga o te kino i roto i a ia. PITOPITO KORERO. Kua karangatia a Wi Pere ki te Whare o Runga. I riro te moni a Te Makarini i tenei tau i a Betrand o Te Aute, i a Taurere o Te Kao, ai Peta Turei o Rangitukia, Waiapu. Kua pekerapu a Ihata roia o Kereitaone, kaitiaki o nga moni a Tamahau Mahupuku, ko nga moni i a ia e whakahaere ana a Ta- mahau £16, 000. I te mea he pekerapu kua ngaro katoa enei moni. He tangata purei hoiho a Ihata. Ko te tangata hei taunga iho mo enei moni ko tetahi kotiro awhekaihe ko Mata Kerehi. Tokomaha rawa nga rangatira Maori kua mate i roto i enei ra ko Wi Parata, ko Timo- ti te Whiua o Wairewa, ko Kingi Ngatuere o Wairarapa, ko Wiremu Pokiha, ko Wi Repa. Ko Wiremu Pokiha tetahi o nga tangata ma- tau atu o Ngatiporou, matau ki te whakaaro matau ki te korero. Ko Wi tetahi o nga kapa wahanui o roto o Ngatiporou. Haere atu e koro ma, rupeke atu ki nga mano tini i te po, waiho te iwi i muri nei mana e mae noa. Horo ra a Hana Paraniko i te ru wera ra i te ahi i muri tata mai ka horo a Paraparai- ho i te ru, ka wera i te ahi, he taone nui no Amerika ki te Tonga, i enei ra ka horo koki a Kingston he taone no te Ingarihi kei Jamai-- ca, he moutere kei waho o Amerika. I tata ki te 2000 nga tangata i mate. HUI O TE HAHI MAORI. PANUI. HE Panui tenei na te Pihopa mo te Hui o te Hahi Maori mo te Takiwa o Turanga kia tu taua Hui ki Tokomaru a te 3 o nga ra o Maehe nei.