No. 69
19270501

page 579  (16 pages)
580to next section


 
TE TOA TAKITINI Registered at the G. P. O. as a Newspaper. Nama 69 HASTINGS. Mei 1. 1927 PIHOPA ATARIA O INDIA.

I roto i nga korero o to Kahiti o te Pihopatanga o Tona- kara (Dornakal) tora etahi korero e whakaatu mai ana i nga mahi i ora marae o te maara a te Ariki. He tokomaha o te iwi Maori kua kite i a Pihopa Ataria. He tangata rongo nui hoki ia no te ao.

I roto i nga ra e rua i whakahaeretia ai te karakia Whakau e Pihopa Ataria hui katoa te tokomaha o nga tangata i whaka- ungia 672. Itetahi wahanga o tona pihopatanga o ingoatia ana ko Nuzvid, i roto i nga tau e rima kua taparatia nga tangata o te hahi i te maha o nga mea hou kua huri mai ki te whaka- pono karaitiana. Kua tapara hoki nga kura. Ko nga kohi a nga whakaminenga e toru nekehanga ake te rahi. Kei tenei takiwa e 6 nga pariha ko nga tangata i iriiria o 663.

Ko te hui nui i roto i nga ra o Hanuere he hui Papeira- karaihe mo nga kai-whakaaro i nga kura. E 51 nga kai-whakaako i tae ki taua hui.

No te 30 o nga ra o Maehe ka haere te Pihopa ki Ingarangi. No te 10 o Aperira ka tae. Kei te haere te Pihopa i nga takiwa o Ingarangi tae atu hoki ki te whenua o te airihi (Ireland). Ko ana kauwhau he whakamarama haere i nga mahi a te Hahi i roto i nga mano mano tini o te Inia.

Hei nga ra o Hurae ka tae ki Switzerland. He: a Hepetema ka u ai ki tona Pihopatanga ake.

Kei te tono mai ia kia puta he inoi ma tatou, kia manaakitia tenei haere ana i roto i nga iwi pakeha, kia puta hoki he ora wairua ki te Hahi i roto i nga Inia i runga i enei whakahaere e mahia haeretia nei e ia.