TE KORIMAKO

TE KORIMAKO.
He Nupepa whakaatu i nga rongo o te ao katoa, nga tikanga o Te Whakapono , me era atu mea.
NAMA 12.] AKARANA, PEPUERE 15, 1883. [TE UTU, 3D.,
PANUITANGA WHAKA.
"TE KORIMAKO."

Ko nga tangata katoa i tautokona ai TE KORIMAKO. i te tau tuatahi, a e pai ana kia tautokona i te rua o nga tau i te 1883, tutua mai e tena, e tena, tana RUA HERENI, i te pane . Kuini ra nei, i te Ota-moni ra nei kia kai ai te manu nei i nga hua-rakau o tenei tauhou. Me ata whakaatu mai ki tenei kupu nga hereni tuku kite reta - mo te TAU TUARUA. Te teko kei moehewatia, kei whakaarohia ho moni whiu mai na te tangata noa atu.
WHAKA. - "TE KORIMAKO."
He ki atu tenei kei poka te tangata ki te toku hiriwa koura ra nei ki nga reta anga mai ki a TE KORIMAKO. te take, ka weititia, a, ka riro utu, i runga i te ture. tetahi wahi o nga moni hiriwa. koura, i te Poutapeta tonu. Engari te Tiaki. erangi te Ota-moni, erangi te PaneKuini, te noti. He kai - maoa te hiriwa raua ko te koura , koia i puta, ai tera pepeha - " Mata whiwhia, maoa riro ke."
KI NGA TANGATA MAHI KAPIA.
HAERE MAI ! HAERE MAI ! ki Aotea (ara Piki Paria) ki te KEHI KAPIA. He kainga whai Kapia tana kainga. Kia tere mai kia tere mai i tenei rangi UTU NUI o te Kapia.
NA TE IRIMANA.
Ko nga pukapuka katoa mo tenei nupepa me tuhi mai ki a " TE KORIMAKO. kei Akarana, Pouaka Poutapeta 270."
ALL communications to this paper are to be addressed to "TE KORIMAKO. Auckland. Post Office Box 270."
TE KORIMAKO.
" Kei te Atua to tatou piringa."
PEPUERE 15, 1883.
KUA tae tenei ki te kau ma rua o nga nama o TE KORIMAKO. kua huri te tau tahi e koroki haere ana nga ngutu, e whakapaneke - ana. i te korokoro nga hua o te tau i opehia mai nei e nga Kahu-pokere o Aotearoa. Kei tawhiti koa te tahua o nga pumohio o te motu; kei tawhiti te atamai ki te manu nei,--mai raia, ehara i te tikanga manu, i reia wharorotia mai. nei e te tangata, i rau-marae, irautaumata marama.
Ko te iwi e kohi nei i te hua karamuramu noa, hei oranga matenei wahi kopara,. kua eke i naianei ki te 1,154 No Tokerau, 110; no Rotorua, e 40; no Hauraki, e 44; no Kaipara, e 66; no Tauranga, e 86; no Turanganui, 123; no Mangonui, e 63; no Hokianga, e 99; no Ahuriri, 103; no Karamaina, e 26; no Poneke, e 102; no Whangarei, e 25; no Whanganui, e 10; no Whanganui ki te Tonga, e 37; no Waikato, e 44; no Taupo, no hea atu, e 134.
Kati, e rahi ana te tahua nei. Otiia u a nga kai-whangai, me whakatau a muri, na te mea, kei te noho noa iho nga mano tane, wahine, o Aotearoa, kaore e tahuri ki te whawhaki i etahi kopi tawa, hinau, taraire, koroi, aha, aha, kia kaha ai te kotete a TE KORIMAKO. . ki koru noa ki parenga-awa noa. ki pukepuke noa, tawhio te motu. E Tauanui ma ; E Ruanuku ma E Pumahara mai E Whakatuatea mai E Pu- tohunga mai E hakamaiangi mai E Kahupokere ma, tautawhitia mai ta tatou manu a Te Titapu.
Akarana.
No te 29 o Hanuere, 1883, ka taka mai te ra huringa tau o tenei Koroni. No te 1840 i timata ai te mana Pakeha ki Niu Tireni. A kua waihotia e te Pakeha te 29 e Hanuere i te tau, i te tau hei ra ahuareka. Ka hui nei te tini te mano te taea te korikori te taha i nga huarahi o Akarana, me he ngaro e tamumu ana. Nga hariata, nga. tima, nga mokihi, me he mangopare e ruku ana. Ai ake te taonga o taua rangi ngahau, he tioro, he hoihoi.
Kawhia.
E AI ta te nupepa kua. puta te ki a Te Paraihi kia kawea atu he hoiho mona. ki Whaingaroa Ka na te akau te haere, a, Kawhia, a ka nauta te haere tutuki atu ki Areka.
Taupo.
KUA riro a Te Heuheu, a Topia Turoa ki te kawe i a Tawhiao ki runga; no muri nei ka tu ake a Kingi Te Herekiekie, me tana haere 100, he kati i nga kai-ruri o te huanui whaka-Taurangataupo ki Tokanu. - Na te nupepa Pakeha.
Tokerau.
KA rewa atu i konei i te 12 o nga ra o Pepuere a Te Moanaroa Tiati, a Whititera Te Waiatua,
Ateha, he whakatuwhera i te Kooti Whenua Maori ki Te Ka wakawa, Tokerau; ko te ingoa tawhito hoki tena o te wahi e Pewhairangitia nei. E pai kia |tupato nga Maori hui atu ki te Kooti ki tera hanga ki te wai whakarora tangata a te waipiro, e whaia nei e te hunga hui ki te whakawa. No tua iho te whakahe a Te Moanaroa ki tera- tu ngongi e reia tawhetatia nei e te tini, kia rori, kia raru, kia poranga ai.