tau katoa i mangere ai ratou ki nga mahi maori, ki nga mahi ahu whenua. E noho tonu ana ratou i runga i nga

reti hei oranga mo ratou. Ki te pau nga whenua a tona wa e pau ai i te mahi e hao noa nei koutou i te hanga, ka pehea koutou ? Heoi ra te oranga i reira ai ko nga mahi ahu whenua, ko nga mahi maori noa atu. Heoi ra—kotahi marire ano te mea e mate rawakore ai nga tangata maori, ko tona mahi e ope noa nei i te hanga —ma reira rawa ia e patu. Engari me whakarere rawa i taua tikanga inaianei tonu ano—me uaua koutou ki nga mahi whakawhairawa. I . mua ai he nui te kaha o koutou ki te mahi. Titiro hoki ki nga kai- puke tomo tonu i te witi, i te poaka, i te aha noa atu, e rere atu ana i Ahuriri i mua ka rere ki Po Neke, ki Akarana, ki etahi atu wahi—he mea whakatupu anake na koutou nga tangata o Heretaunga. Ka mutu ra, koi mea koutou he kupu maro a matou kupu ki a koutou— kaore, he kupu aroha ia. Ko te tino tikanga hoki tenei o tenei hanga o te nupepa he ako pono i nga tanga- ta, hu whakaatu i nga mea he me nga mea tika. Inahoki te kupu kua taia i te wharangi tuatahi o tenei nupepa,—" Ko te Tika, ko te Pono, ko te Aroha."

HE WHARANGI TUWHERA MA NGA HOA TUHI MAI. Nepia, Hurae 27, 1869. KI A TE KARINI, KAI-WHAKAHAERE O TE WAKA MAORI.

TEOTI WAKANA.

KO NGA RONGO O NGA MAHI O TE OPE KOHURU O TE KOOTI.

NOA korero hou i tae mai i te 22 o nga ra o Hurae nei koia enei:—Kua taea a Toko- ngamutu e te Kooti, kua tu te Runanga o te Kingi, kua kitea e taua Runanga te he o nga mahi kohuru a taua tangata (a te Kooti) u kua kore hoki e whakapaingia. E ki ana kui te tatata ki Waikato taua ta- ngata kohuru e noho ana; he huihui atu ana ki a ia nga tangata ngakau Lara o nga iwi e kino ana ki te Kawanatanga me nga tangata e puhae ana ki te Kingi. E kore- rotia ana e hiahia ana te Kooti ki Waikato kia riro mana, ko Ngatimaniapoto ki te pupuri. Koia kei a ia ! E ki ra, ko Wai- kato rawa kia riro i a ia, i te mohoao ! Ta matou mahara kia te Kooti kua rere a pora- ngi. Na wai ra i kau ai i te wai papaku, ka tae apopo ki te wai hohonu, ko tona