Volume 13, No. 23
18751130

page 279  (8 pages)
280to next section


 
TE WAKA MAORI O NUI TIRANI. KO TE TIKA, KO TE PONO, KO TE AROHA. " VOL. 13. ] PO NEKE, TUREI, NOWEMA 30, 1875. [No. 23. HE KUPU WHAKAATU KI NGA HOA TUHI MAI. Ko HEMI TAUTARI e ki ana ko Maihi Paraone Kawiti kai te hanga whare ki Taumarere, Kawakawa, Peiwhairangi, hei •whare runanga, hei whare whakawa, aha atu. Ko te roa o taua whare e 60 putu, te whanui e 25 putu, te tiketike o nga paki- tara 15 putu. E whakapaipaia una a roto ki te wanihi. * Kei Toto i nga ra o te Kirihimete oti ai. Ko te utu mo taua whare e tae ki te £600. Ko nga hapu o Maihi Paraone Kawiti e kohikohi ana i aua moni. I te nupepa o te 2 o Nowema i panuitia atu e matou te matenga o MATIAHA TIRAMOREHU, o Moeraki, Otakou, ki ta te tangata hoki i whakaatu mai ai ki a matou. Ko H. K. Taiaroa, M. H. R., e ki ana e he ana—engari ko tona wahine, ko PIHARO MATIAHA TIRAMOREHU, i mate. E haru i a matou te he; i •panuitia atu hoki e matou ta te tangata i whakaatu mai ai. Ko MOHI WIKITAHI, o Waima, Hokianga., e ki mai ana ko te kohatu tohu a te Kawanatanga mo Mohi Tawhai, rangatira o Ngapuhi, kua whakaturia ki tona urupa ki Waima. E ki mai ana " kua tuhia ki taua kohatu ana mahi i mahi ai ia i tona tupunga ake tae noa ki tona matenga, " a " he mea, whakapaipai taua kohatu, he tohungatanga rawa. E tu ana i tona urupa hei titiro ma ona uri, ia whakapaparanga, ia whakapaparanga. " E ki ana be rangatira toa ia ki te riri, ho mohio rawa ki te mau rakau Maori. I roto i te riri, ahakoa 300, tae ki te 400, hei taipara i a ia, hore rawa ia e mate, ko to tangata katoa atu e hinga ana, o tetahi o tetahi. Ko te KEEPA TE HOTERENE, me etahi atu, o Te Kao, Pare- ngarenga, Akarana, e whakaatu mai ana i to marenatanga o etahi tokorua o a ratou tamariki, i runga i te huringa nui me te mahi hakari a te iwi katoa. Ko IHAKA, te ingoa o te tane, ko ARETINA; te ingoa o te wahine. E 300 nga tangata i hui ki taua marena- tanga ki te whakahonore i aua tamariki., ki te kai hoki i nga kai. Nga moni i hokoa ai nga kai £250 18s. 6d. He nui nga mahi ahuareka, te kanikani, te aha noa atu. Patua ana i taua marenatanga e 50 nga hipi, 15 nga kau, e 30 nga poaka—e toru wiki i kainga ai aua kai. Ko nga rangatira o taua kai, te taha ki te tane ko Peraima Kapa ko te Keepa Horo; te taha ki te wahine ko Hemi Riu Makutu ko Hetaraka Taumataiti. Ko Wi TUHARE KAKANUI, Wo ai poua, Hokianga, e whakapai ana ki te reta a H. K. Taiaroa, M. H. R., i panuitia ata ki te Waka, Nama 19, mo te nui o te matemate mo te hemo o te iwi Maori. E ki ana he tokomaha ano tona iwi kua mate i mua tata ake nei, he tino tangata no te iwi etahi. Katahi ka penei nei ana kupu, —" E whakatika ana au ki te korero a Wiremu Katene kia turakina nga Porowini, me ana korero katoa atu i Toto i te Paremete e man nei i roto i to Waka Maori. Ka nui