Volume 0, No. 42
18850715

page 1  (12 pages)
2to next section


View the commentary of this paper

 

Te Korimako

 

He Nupepa whakaatu i nga tikanga o te Whakapono, nga Rongo o te Ao katoa, me era atu mea

 

NAMA 42.] AKARANA, HURAE 15, 1885. [TE UTU, 6D.

 

MATENGA TANGATA.

 

No te 11 o nga ra o Hune, 1885, ka mate a KIRIHI KATENEI WAIKEREPURU, ki Whirinaki, Hokianga, i te 15 ona tau. He tamaiti mohio ki te kura. he nui te pouri ki ona matua, tuakana, tuahine, whanaunga, engari he mea tuku atu to ratou pouritanga ki te aroaro o te Atua. He mea titiro iho ki te kupu o te Karaipiture e ki nei. "Na Ihowa i homai, na Ihowa ano i tango, kia whakapaingia te ingoa o Ihowa." - Na Rameka Waikerepuru i tuku mai.

 

PANUI KI NGA KAI-TAUTOKO.

 

Ko te utu mo TE KORIMAKO inaianei, e wha hereni (4s.) mo te tau. He mea tuku noa atu te tukunga atu ki te Poutapeta. Ko nga moni me tuku tuatahi mai.

 

NOTICE TO SUBSCRIBERS.

 

THE price of TE KORIMAKO is four shillings (4s.) per annum, post free. Subscriptions are payable in advance.

 

PANUI KI NGA KAI-TUHI MAI.

 

Ko nga pukapuka katoa mo tenei nupepa me penei te tuhi mai ki "TE KORIMAKO, Pouaka 270, Poutapeta, kei Akarana."

 

NOTICE TO CORRESPONDENTS.

 

ALL communications to this paper are to be addressed to "TE KORIMAKO, Box 270, Post Office, Auckland."

 

PANUITANGA.

 

Ko nga rua hereni (2s.) katoa e tukua mai ana timata mai i muri i te 15 o Hanuere, 1885, ka tukua atu te nupepa mo nga marama e ono. E koutou e nga tangata kahore e tae atu ana a koutou nupepa me whakaatu mai kia tukua atu ano tetahi.

 

PANUITANGA.

 

HE whakamahara tenei ki nga hoa-tuhi-mai kaua e tukua mai he hiriwa, he koura ranei ki roto i a koutou reta anga mai ki TE KORIMAKO, notemea ka weeteria e te Poutapeta a ka riro atu i a ia tetahi wahi o te moni. Erangi me tuku mai i te panekuini, i te nooti, i te tieki, i te moni-oata-waea ranei.

 

Te Korimako

 

"Kei te Atua to tatou piringa."

 

AKARANA, HURAE 15. 1885.

 

Ko nga rongo nui o te marama kua pahure nei ko te hingahinga o te Kawanatanga o te Karati tone (Gladstone) i Ingarangi. He mea iti te take i hinga ai, ko te whakanuinga i te tuiti (duty) mo te pia me etahi atu mea, kihai te Kawanatanga i whakaaro e he ano ratou i tena, ano ka pootitia, i tu ano te Kawanatanga i te taha i torutoru ai nga mema, notemea e ono tekau harahara kihai i pooti. Ano ka kite a te Karatitone kei runga i te huarahi kaha kore tona Kawanatanga, tukua atu ana e ia te mana o tona Kawanatanga ki te ringa o te Kuini, kia ahei ai te Kuini te whakatu i tetahi atu Kawanatanga, tau ana te pouri ki to tatou Kuini, tono atu ana ia kia te Karatitone kia kaua ia e pera, engari me ahu mai ano ia ki te Kuini kia korero tahi raua, me kahore e kitea he huarahi e puta tika ai te Kawanatanga, otira kihai a te Karatitone i pai kia noho ia i te huarahi huhua-kore, a te tukunga iho, i whakaturia ko Roore Haripere Lord Salisbury), hei Tumuaki mo te Kawanatanga hou. Pai tonu a te Karatitone, whakaae ana ia kia awhina i te Kawanatanga hou i nga huarahi katoa e kite ai ia, e watea an e tika ana. E kii ana i titiro etekete nga iwi katoa o Oropi, otemea whakaaro penei, meake ano ka anga atu te Ingirihi i runga i te whakahaerenga o tenei Kawanatanga ki nga huarahi o te pakanga, penei ko nga nama moni a Ruhia ki aua iwi e kore e ea, a te mutunga iho he rawakore no ratou. Mehemea ki te whawhai penei ka tau ano te mate nui ki runga i nga iwi hara-kore, na enei mea i whakaaroaro ai nga ruanuku, erangi ano te huarahi o te hohou-rongo mehemea ke taea, tupu ana tenei whakaaro i te aroha o etahi i runga ano i te wehi o etahi. Na inaianei kua ahua marama ake, ko nga kapua-hinakipouri e memeha haere ana a meake ano ka kitea nga hihi o te ra ki runga ano i te huarahi rongomau, kahore he mea e whakamanamana ai tatou ki tena huarahi ki te pakanga, notemea ka haere te aue ki nga kaainga, te tukunga iho ko nga wahine ka noho pouaru me nga tamariki maha ka noho pani, a ka paa ano te rawakore ki te tini noa atu o te iwi i runga i te kore whai-mahi. Mehemea ka karohia e tatou nga tao o te whawhai, he kororia tena mo tatou, ma te Atua tatou e awhina ki nga huarahi o te rongomau me te rangimarie. E noho ana te Amia ara te Kingi o Awhekanitana (Afghanistan) i runga i te awangawanga, notemea e ahua whakawai ana tona iwi ake,