Volume 0, No. 41
18850615

page 2  (12 pages)
to previous section1
3to next section


View the commentary of this paper

 

Te Whakamoemiti a te Karititone mo Tianara Korano te Whare Paremete i Ingarangi.

 

E WHAKAPAI ana ahau ki nga kupu a te Rangatira Whakahirahira, a Ta Tawheta Notakoti (Sir Stafford Northcote), he tika rawa ona whaikorero i runga i tona mihi mo te ruihi o to tatou iwi me te mamae i tau ai kia tatou mo te matenga o Tianara Korano. I toku aroha nei taua tangata i tona oranga mo nga mea katoa e oti pai ai ki tenei ao, ki tona Kuini tae noa ki tona iwi. E hoa, e tika ana ia (a Ta Tawheta) mehemea i whakanuia e ia taua whakamoemititanga, notemea kihai te ora o Tianara Korano i mutu mai i enei mahi i enei take nui ranei, i tokua nei i runga i te honu tonu o te mamahi o tona tinana me tona wairua mo tana iwi me tona Kuini me te ao katoa ano hoki. Ko nga whakaaro aroha o Tianara Korano kihai i mutu mai i runga i te take iwi, i te take kara, i te take whakapono ranei. Otira ki tana whakaaro ake ko te mahi i mahia nei e ia he tino mahi honore, tukua tonutia e ia ana uaua me te huarahi o tona oranga mo nga tangata kihai i whaitake atu ki a ia, kaati ano ko tenei take ko te whakateina me te whakatuakana o nga tauiwi o te ao. He marohirohi he tino toa aroha a Tianara Korano, whakarongo hoki ki taaku e kii nei, i nui ake ia i te marohirohi. He tino toa aroha ia i roto i waenganui o nga toa katoa o te ao. Tena ano nga tangata e riro mai ana te whakamoemiti i runga i te huarahi toa, ko ratou i kitea i runga i te marae o te pakanga i roto ranei i etahi atu tautohenga. Otira ano ka whiriwhiria te mahi o aua tangata me o ratou mahi i a ratou e ora ana ka kitea tera ano nga mea e tika ana kia riria, otira, mehemea ka tirohia e tatou te mahi o tenei tangata a ka arumia ia ka titiro ai tatou i tona nohoanga mehameha. a ka mahi whaka puare tatou i tona ngakau me tona hinengaro e kite tatou kihai i whakaritea e ia mona hei pukenga taonga, he mana, he kororia ranei, otira ko te mahi i te pai ko te mahi i te tika ko ia te take i whakaritea e ia mona i te roanga katoa o tona oranga. A ko tana take kotahi me tona hiahia kotahi kia kaua e mutu mai i tona oranga taua tu mahi. Ko te ahua tenei o taua tangata kua ruihi nei tatou kua ngaro atu nei. He ngaronga nui ano ia, otira kahore i ngaro katoa o taua tangata, notemea ko nga pukenga pena e whai hua a muri ake nei a e tumanako ana ahau e tupu nga hua i runga i te whakaaroarohanga mo tenei tangata me ana mahi ko etahi atu tangata i nga wa a muri ka whakataetae ki tana mahi honore me tona mahi i anga atu ai ia ki te huarahi o te Karaiti.

 

Titiro kia Ihu.

 

E TORU anake enei kupu, otira i uru katoa i kapi katoa i enei kupu e toru, te puna nui me te puna takoto huna o to tatou oranga. Titiro kia Ihu i runga ano i te reo o te Karaipiture kia mohio ai tatou, kowai Ia ? e aha te mahi i oti i a ia ? e aha tana e homai ana kia tatou ? he aha ana korerorero ? kia kitea hoki i tona whakatangatanga te pukenga hei ahna mo tatou, kia riro mai i a tatou nga mohiotanga i runga ano i ona whakaakoranga. Titiro kia Ihu i runga ano i tona whakaakoranga ko nga ture ena ma tatou, me titiro ano tatou ki a Ihu ra runga hoki i nga kupu whakaari mo to tatou okiokinga i runga ano hoki tona tinana me tona mahi, ki tenei hoki e na ai . nga hiahia hohonu o a tatou . Wairua. Titiro ki a Ihu " kua ripekatia " kia kitea i tana toto , rere noa to tatou ateatanga me to tatou rongomau. Titiro atu ki a Ihu, kua ara, kia kitea i roto i a ia te tika anake hei whakatika ia tatou, kia ahei ai tatou (ahakoa e poke ana) kia whakatatata ai tatou i runga ano i te awhinatanga pono ki te Atua ra runga i tona ingoa. Titiro atu ki a Ihu kua whakakororiatia kia kitea ko ia to tatou whaikii ki te Matua ko ia te kaiinoi mo tatou ko ia e tae ana e puta ana ki te aroaro o te Atua mo tatou ko ia kei te uwhiuwhi i a tatou inoi whairiwhanga i runga i te kaha o tona inoi ko ia tonu e rongo e whaitaringa ai e te Matua. Titiro ki a Ihu i whakapuakina e te Wairua Tapu, kia kitea ma reira ka honu tonu to tatou whaikorero atu ki a ia. Titiro ki a Ihu, ko ia te whakatapunga mo a tatou ngakau poke i te hara; ko ia te whakamaramatanga mo a tatou whakaaro e ngaro ana i te pouritanga. Mana ka. ahua. ke ai o tatou hiahia kotiti ke, kia kaha ai to tatou takahi i te ao me to tatou takahi i te rewera kia whawhai atu tatou i to ratou tohenga uaua na Ihu to tatou kaha, kia whawhai atu tatou ki a ratou ngarahu kino, na Ihu to tato matauranga. Notemea i whakawaia a Ihu i runga i nga take katoa, i whakawaia ai tatou. Titiro kia Ihu, kia riro mai i a ia (i runga i te mahi o ia ra me te ripeka o ia ra) te atawhai, kia kaha ai te hapai i te ripeka, kia kaha ai te whaka-oti i te mahi; kia manawanui ai tatou ki tona manawanui, kia kakama ai tatou i tona kakama, kia aroha ai ki tona aroha, kia kaua ai tenei kii kia puta tonu ia tatou, "he aha te mahi maku ? " Otira. ko tenei, he aha ra te mea e kore e taea e Ia, okioki ana tatou i tona kaha, mana rawa tona kaha ki a tatou i to tatou ngoikoretanga. Titiro ki a Ihu kia rere ai to tatou pouritanga i te kanapa o tona kanohi, kia tapu ai to tatou koa kia mama ai to tatou pikaunga, kia ahei ai ia te whakaiti i a tatou, ahakoa e whakaiti ana, tera ia te whakanui ia tatou, homai ana ki a tatou te murunga o a tatou hara, a kakahuria ana tatou i tana tika, whakaakoria ana tatou ki te inoi i runga i te kii, "kei whakamutua te inoi."