Volume 0, No. 63
18870518

page 1  (12 pages)
2to next section


View the commentary of this paper

 

 

TE KORIMAKO

 

He Nupepa whakaatu i nga tikanga o te Whakapono, nga Rongo o te Ao katoa, me era atu mea.

 

NAMA 63.]

 

AKARANA, MEI 18. 1887.

 

[TE UTU, 6D.

 

PANUI KI NGA KAI-TAUTOKO.

 

Ko te utu mo TE KORIMAKO inaianei, e wha hereni (4s.) mo te tau. He mea tuku noa atu te tukunga atu ki te Poutapeta. Ko nga moni me tuku tuatahi mai..

 

NOTICE TO SUBSCRIBERS.

 

THE price of TE KORIMAKO is four shillings (4s.) per annum, post free. Subscriptions are payable in advance.

 

PANUI KI NGA KAI-TUHI MAI.

 

Ko nga pukapuka katoa mo tenei nupepa me penei te tuhi mai ki "TE KORIMAKO, Pouaka 270, Poutapeta, kei Akarana."

 

NOTICE TO CORRESPONDENTS.

 

ALL communications to this paper are to be addressed to " TE KORIMAKO, Box 270, Post Office,, Auckland.''

 

PANUITANGA.

 

Ko nga rua hereni (2s.) katoa e tukua mai ana timata mai i muri i te 15 o Hanuere, 1885, ka tukua atu te nupepa mo nga marama e ono. E koutou e nga tangata kahore e tae atu ana a koutou nupepa me whakaatu mai kia tukua atu ano tetahi.

 

PANUITANGA.

 

HE whakamahara tenei ki nga hoa-tuhimai kaua e tukua mai he hiriwa, he koura ranei ki roto i a koutou reta anga mai ki TE KORIMAKO, notemea ka weeteria e te Poutapeta a ka riro atu i a ia tetahi wahi o te moni. Erangi me tuku mai i te panekuini, i te nooti, i te tieki, i te moni-oata-waea ranei.

 

PANUITANGA.

 

Ko te mea tika rawa me whakarite e nga kaitautoko, he Pakeha e mohio ana koutou i o koutou takiwa, hei taunga atu mo a koutou nupepa. A me tuhi mai te ingoa o te Pakeha kia mohio ai matou hei tukunga atu mo te, nupepa. Me korero ranei e koutou ki nga Poutapeta i o koutou takiwa, kaua a koutou nupepa e hoatu ki tetahi tangata. Ko nga reta me nga panui katoa e tukua ana mai kia taia ki TE KORIMAKO, kia marama te tuhituhi, kia pai te wehewehe o nga kupu. Me tuhituhi nga korero ki te taha kotahi o te pukapuka.

 

TE KORIMAKO

 

"Kei te Atua to tatou piringa."

 

AKARANA, MEI 18, 1887.

 

HE whakatauki tenei hei whakaaroaro ma tatou " Ka ai te ngarahu pai hei pupuri i a koe, te ngakau mohio hei tiaki i a koe" E kite ana tatou kua memeha haere nga kapua o te pakanga; i tera nama o TE KORIMAKO i wehi ano tatou tera e ara te pakanga i a. Tiamani raua ko Wiwi inaianei kua ahua tatuu a raua raru otira ki nga tangata e noho ki tahaki ana e kore e roa ka tu ano te raru mo aua iwi e rua. He aha ra te take e whakanuia i tetahi taha i tetahi taha nga tini ope hoia, nga tini manuao. Waihoki kei te hoko hoiho aua iwi e rua ki ia wahi ki ia wahi, e kite ana tatou e kore nga whakaaro katoa a nga iwi e tukua ana kia puta notemea kua penei nga kupu a te Runga Rawa: - "Naku nga kingi i kingi ai. Naku nga rangatira i whakatakoto ai i te tika. Naku i whai rangatira ai nga rangatira, nga tangata nunui,, nga kai whakarite whakawa katoa o te whenua." E kite ana tatou kua tu te Hakari powhiri mo te taenga o te Emepara o Tiamani ki nga tau e iwa tekau ahakoa e koroheke ana taua ruanuku tena nga taakuta te mea ka tae ano pea ia ki nga tau kotahi rau ina tona kaha, kua uru ano ki tenei nama o TE KORIMAKO etahi whaikorero mo nga mahi a nga Tiamani mo te ra whanau o to ratou Keiha ara to ratou Emepara i reira hoki te wahine o taua Emepara (te Kuini), ara ki a ratou ko te Keiharina, nui noa atu te whakamanamana me te whakamoemiti a nga Tiamani ki to ratou Keiha .me to ratou Keiharina.

 

E rangi kotahi ano te whawhai i rongo ai tatou ko nga Awhekanitana te iwi e tutata ana ki Inia, i tu ano he parekura, whati ana te hoa riri ara nga iwi noho maunga. E kii ana inaianei kei te whakaemi a Ruhia i ana ope hoia ki nga rohe e patata ana ki Awhekanitana. E kii ana kei te huarahi totohe a Ruhia me Ingarangi mo nga rohe o te whenua e tuhono ana ki Awhekanitana, tera pea e ara nga tao o te pakanga ki taua whenua kei te kimi moni a Ruhia hei hoko i nga taonga e ahei ai, kia ora ai