Volume 2, No. 1
18430102

page 2  (4 pages)
to previous section1
3to next section


View the commentary of this paper

 
waewae mo te tangata ka penei ake ia, ka mate au me ki atu he ahakoa nau hoki matou kohuru i a ko matou hoki ekore e ngenge to ringaringa i te tuhituhi tikanga mo koutou, heoi ano te mea e ngenge ai, te tuhituhi noa iho ekore e tangohia e te tangata tena ki te mea ka wakarongo pu ano koutou ki nga mea e korerotia ana ki te Nuipepa ki nga mea hoki e tika ana katahi ka tatu o matou ngakau.

Kua riro mai nga pukapuka o etahi Rangatira maori mo te ngangaretanga nei, otiia ekore matou e pai kia taia e tatari mare ana kia hoki mai te tino kai tiaki, ko te Karaka i Tauranga i haere atu ano ia kia kite ki te wakarite ki te mea he hunga mahara a Ngatiwakaue ka rongo ratou ki tana e mea ai.

E mara ma, he aha koia te tikanga me nga tangata hohoko mea o nga Pakeha? E mea ana matou, me utu. Ko te mea tenei e kino haere ai te ingoa o nga tangata maori ki to te pakeha aroaro te wareware ki te wakaea i nga mea kua riro i a ia. Na ka tohe te tangata ki te tahi mea o te pakeha, he kakahu ra nei he aha ra nei uta ana e ia te ritenga o te utu wakaaetia ana e te pakeha e mea ana kia utua mai e tetahi ra atu. Na, ka hoki ra te tangata ki tona kainga me tona mea a hari pu ana t ona ngakau, mo te mea kua riro mai i a ia te mea i pirangi ai ia Heoi ra ka rite te ra i mea ai ia ka utua ai te mea ki te pakeha otiia kahore he wakaaro o tona ngakau ki tena, a ka mea ano pea, kia wiua atu tona

poaka ki te hoko a ka rokohanga e te Pakeha i he atu ai taua mea kahore ano i ea noa, a, ka wakamaharatia e ia taua mea nei a ka tohe hoki kia wawe ai te rite. Na, ka mea atu te tangata ki a ia, a mata te moni kore ra te utua ai e au ou mea a ka mea te pakeha, tena ratou poaka, he aha koia te utu ai ki tena? Ko reia pea ki atu ai te tangata ka mea teka atu ki te pakeha

ehara i ahau tenei poaka, he tangata ke ra nona te poaka, e kore e ahei i ahau te ho atu i te poaka hei utu mo tou mea a A na, ka mea matou, e hara tenei i te mahi tika, ka he tenei ki to te Atua aroaro, ki to te tangata ano hoki ka rua hoki nga mea he ko te wakawareware te tahi a ko te korero teka te tahi. Na ko te tuatahi e rite ana ki te tino tahae, ko te tuarua hoki e pena ana me te hara i mate ai a Ananaia raua ko Hapaira E marama e pehea ana o koutou ki te tangata e penei ana te mea ana ra nei koutou, he tika ia? kahore ra pea te mahi he tenei ekore hoki e noho tahi te wakaaro ma me tenei he i roto i tona ngakau me te maramatanga ano ekore e noho tahi me te pouritanga.

Na, kia rongo mai koutou ki to te pakeha ture mo tenei mahi. Ki te mea, ka penei te tahi pakeha ki te tahi ], ara, ka tango noa a ekore e ata te ra i wakaritea nei ka arahina taua pakeha wareware taua pakeha tahae ki te aroaro o te Kai Wakawa wakawakia ai kitea noatia te tino rironga i a ia te mea a korerotia, me teka pahuretanga o nga ra i wakaritea ai., a ka tino kitea te ritenga o tana