Volume 0, No. 73
18880316

page 3  (12 pages)
to previous section2
4to next section


View the commentary of this paper

 

Te Whakaekenga o Huakimi.

 

No te 13 o nga ra o Maehe i tae mai te waea no Puruhera (Brussels) e kii ana kua whakaekea te pa o Huakimi (Suakim) e nga Arapi mano tini, tahuna ana e ratou taua taone. Ko nga hoia a nga Ihipiana e nui rawa te mate, i taua parekura, i kohurutia nanakia e ana Arapi.

 

He tokomaha o nga tangata i eke ki runga i nga manuao e maanu ana i te kokorutanga.

 

I mate te Kawana o taua taone, ko Kanara Hakepia te ingoa.

 

Kua tae mai nga rongo ki Kairo (Cairo) e mea ana he pono, otiaa kihai pea i pena rawa te kino me nga rongo tuatahi.

 

Natemea kua hinga nga pouterekarawhe te tino mohio ki nga rongo katoa.

 

Houtana.

 

KUA tae mai nga rongo i te 3 o Maehe no Kairo e kii ana e maha nga ope tohunga i rere mai inaianei ki te whawhai atu ki Huakimi he wha nga haora i whawhai ai taua iwi whati atu taua iwi, waiho ana nga rau maha o a ratou tupapaku i runga i te marae o te pakanga.

 

I mate i te taha pakeha, a Kanara Taapa me nga hoia tokorima, kotahi tekau ma wha i kaiakikotia.

 

E rua tahi nga manuao, ko Te Toropini (Dolphin) me Te Arapakoa (Albacore), inaianei e purepotia ana te hoa riri ki nga mata, ina ka tau ki te whenua ka pakaru rerere ke ana nga mata o roto ki ia wahi ki ia wahi kawe ana te mate ki nga wahi katoa e rere ai aua rehunga.

 

Aua nga whakaaringa pai e whakaparahakotia.

 

Ko te Maia o Purukearia.

 

KUA panui atu a Purukearia ki nga iwi whaimana o Oropi ka whakaparahako ratou i nga tono pehea ranei e ahu mai i nga Taakei notemea tena e puta mai te raru ki te whenua ka ohooho te iwi katoa mehemea ka pokanoa a Taakei ki te tuku tono mai.

 

Te Torona o Purukeriana.

 

KUA tae mai nga rongo i te 3 o Maehe, no Ruhia, kua tonoa nga Komihina e te runanga kia tere to ratou kohikohi o nga kai me nga mea katoa mo nga ope o te whawhai.

 

Ko nga whakaaro o Ruhia mo Purukearia e kore rawa e tau tika ki taua iwi.

 

Te Whakapuaretanga o te Karaiopi Toaka.

 

No te 16 o nga ra o Pepuere i whakapuaretia te Karaiopi Toaka ara te awakeri i roto i te tuawhenua o Takapuna he mea hanga nga tahataha ki te kowhatu he mea hahau marire whakapipi rawa no te hohonutanga whenua hei whakatapakoranga mo nga manuwao me nga kaipuke nui kia ahei ai te horo te titiro i nga riwha nga pakaru me era atu raru e pa ana ki nga kaipuke rere moana ma tenei ahua awakeri ka oti nga raru katoa o nga kaipuke te hanga, me kaua tenei e kore nga takare e taea te hanga i te hohonu o te wai, he kupu whakamarama tenei kia mohio ai koutou ki tenei taonga utu nui te Toaka (ara ki te reoPakeha " a Dock").

 

No te Tairei, te 16 o nga ra o Pepuere, i hui mai nga mano tini ki Takapuna kia kitea te whakataporanga o nga manuao e rua, ki taua Toaka. Ko te ingoa o aua kaipuke, ko Te Karaiopi (Calliope) me Te Taimona (Diamond). Awangawanga ana nga mano tini tangata ki tenei whakaaro, e tomo ranei aua kaipuke ki roto kahore ranei, tera ranei e puta tetahi raru hei whakararu i aua kaipuke. Ahakoa i penei nga whakaaro o nga mano, nohea i pa mai tetahi raru hei whakaahua hee i te ahuareka o nga mano tini o taua whakaminenga, kati ano te mea i ketekete ai te iwa ko te taringa roa mo te tima Piritania e kawe mai ana i nga rangatira o te kokorutanga o Waitemata hei tutaki i a te Kawana me te Atamira (Admiral). Ahakoa i ahua roa te haerenga mai o aua ruanuku, ko te tukunga iho i pai rawa pai noa atu.

 

KO NGA KARA WHAKAIRINGA.

 

He mea mahi marire e nga tangata o Takapuna nga parepare tuunga kara he mea whakairoiro nga tiwhana ki nga puawai nga rau nikau korau me era atu rakau putiputi e kore e taea te whakahaere, whiti mai i tetahi taha i tetahi taha o nga huarahi e ahu mai i nga Waapu o Takapuna, ki puru ana nga tini tima iti i te mahi whakawhitiwhiti i nga mano tini. I panuitia e te Mea o Akarana kia ratapu taua ra, kapi ana nga whare hokohoko o Akarana marara haere ana nga iwi ki nga tima he whakawhiti i a ratou ki Takapuna ko aua tima katoa i whakapaipairia ki o ratou kara he maha rawa nei nga ahua, i timata ano te whakaemi o nga tangata i te ata tu me he awa nui te rere tonu o nga wai whakatangata whiti noa whiti noa, i taua wa ra ano, kua kapi nga pari ki nga tangata e haere mai i ia wahi i ia wahi o te whenua hei matakitaki i enei mahi miharo, hono tonu te rere mai o nga tima ano ka rukea ona utanga tangata ka hoki ano ki te tiki etahi, pena tonu pena tonu, ano kua pakaru mai te ate o Akarana ki te taumata whakarunga ake i te Toaka, titiro iho ana ratou ki nga waranatia o ia ingoa o ia ingoa, o ia ahua o ia ahua me o ratou tini Apiha.

 

TE WHAKATAPOTORANGA ME TE WHAKAPUARETANGA.

 

I mua tata o te 9 o nga haora i te ata i whakawhitia tetahi