TE MAHI A TE WAIRUA TAPU KEI HAMEIKA.

He motu tera wahi a Hameika, kei waenga moana, kei tawahi, ko tetahi ta o nga motu o te West Indies. Kua taia etahi korere no reira i te Haeata i mua. Tenei etahi kupu hou katahi ka tae mai. Na tetahi Minita o reira tenei korero, ko nga mea i kite ai ona kanohi, i rongo ai ona taringa, be mea korero nana ki roto ki te Runanga nui o nga Minita Weteriana e Ingarangi. I mea ia: — " Rokohanga mai e te mahi nei e noho wareware ana nga tangata, kua matoke haere ta ratou aroha, kua mangere noa iho ki te mahi, kua male hoki nga mahi. Ka puta mai, oho ana nga tangata, ara ana i te moe, huri nui ana te iwi ki te karakia, ki te whakarongo ki nga kupu o te oranga. Kaiahi ka pa te karanga, kua ara etahi i te moe, Tena whiwhi i te ripeneta, kua mamae rawa te ngakau mo te be, kua tangi nui mo nga hara, nui noa atu te pouri, pouri kerekere, te ai he mea hei whakamarie. Heoi, inoi ana ki te Atua mo ratou, me te ako ano nga Minita, kite ana ratou i te marama, i te murunga hara, me te rangimarie. Katahi ka toro te ahi, ka tupu haere te mahi, whiwhi ana ko tetahi, toro atu ana ki tetahi, ano he ahi e toro ana. Na, tu katoa ana nga ra, ra tapu, ra noa, i te mahi nei, nui noa atu te tangata i whiwhi. Ko etahi i tino mamae rawa, ka nui te pouri, le taimaha, te tangi, e aue ana, e karanga ana ki te Atua ki te reo nui kia tohungia ratou e ia, rangona ana te reo ki tawhiti noa atu, heke ana te werawera o te tinana i te koingotanga o te ngakau, hinga ana te tangata ki te whenua, takoto ana, ano he tupapaku kua hinga i te patu—po tahi, po rua, po toru etahi e takoto pera ana, kihai maranga ki runga, kahore i kai, kahore he whakaaro mo tenei ao, pau ana nga whakaaro i nga mea o tera ao, titiro tonu ana ki reira, te puta ai he marama- tanga, te tatu ai te ngakau, rere ke ana te ahua o te tangata, he karu tupapaku ona karu, me te mea kua hemo te wairua. te ahua o etahi mau ana te wehi. Inoi tonu ana mo ratou e nga kaumatua, me nga tangata o te Hahi, inoi nui ana, kaha noa atu, roa noa atu. po noa, ao ake, po noa, ao ake e mahi ana, ka maranga nga tangata i roto i te pouritanga, i te mamae ; ka rongo ratou ki te reo o te Kai-whakamarie, ara o te Wairua, kei roto kei te ngakau e mea ana, ' Kua oti au hara te muru; maranga tonu ake i runga i te ngakau marama' — koa ana ratou, puta ana te marama i nga kanohi, ahua hari una te mata, kua whitingia hoki ratou e te maramatanga o te matao Ihowa—ka nui le hari. Katahi ka korero nui nga mea kua kite i tenei mahi whakamiharo a te Atua, haere ana ratou ki nga kainga tutata, tomo ana ki roto ki nga whare, whakakite ana i nga mahi a te Atua ki nga tangata katoa, tohe ana ki nga tangata kia tahuri ki te Atua kia rapu i tenei oranga kua kitea nei, kua whiwhi nei ratou. Na, toro rawa ana te ahi. kake haere ana te mahi, i tenei ra. i tenei ra. "Na mohio tonu nga tangata na te Ama te mahi nei. i kite hoki ratou i nga hua. E ki ana te Karaiti, ' Ma nga hua ka kitea ai.' Kihai ngaro nga hua. Nga hua enei: kii anu nga whare karakia i te tangata, puru rawa, huri nui ana nga mea ripeneta ki nga huihuinga, ara ki nga karaihi, ki te korero i te mahi aroha a te Atua ki a ratou, nui haere ana te toko- maha mo te Hahi, 6,500 te tangata i hui- huia ki roto ki nga karaihe. Nga mahi he o mua ka ngaro, ngaro ana nga kara- kia maori, nga takaro maori, nga mahi makutu, pukana, kanikani, kai waipiro, puremu, me era atu mahi a te kikokiko i manawareka ai taua iwi i mua ; kua whakarerea katoatia le kitea inaianei - nga hua enei. Tenei ano etahi : ko te kaha o te Wairua Tapu i runga 5 nga tangata ina huihui ratou ki te karakia. E ki ana te Minita nana tenei korero, ka nui te mahi i tetahi Ratapu nana ki tetahi wahi o taua motu — ki rawa ana te whare, puru rawa, noho piri ana te tangata tetahi ki tetahi, kaha ana te Wairua i runga i te whakaminenga katoa ; kihai ! roa te karakia, kua pa te mamae ki tetahi, hinga ana tera ki te whenua, tangi rawa, I karanga nui ana ki te Atua kia tohungia; heoi, taiapongia ana ki waho e ona hoa, otiia toro ana te ahi, kihai taro ko tetahi kua peratia, ko tetahi atu, na wai a ka tokomaha kua patua e te kupu, kua hinga i te kaha o te Wairua. He ahakoa he tokomaha i hinga, kahore i raruraru, hinga ana, taiapongia mariretia ana ki waho, me te kauwhau tonu ano te Minita i te kupu, me te mahi tonu te Wairua Tapu i roto i le tangata. E toru tekau | ma rima nga tangata i hinga i taua kara- kiatanga kotahi. "Tenei tetahi tohu o iaua mahi, te kaha o nga tangata ki te inoi. Ka whiwhi i te Wairua, timatangia tonutia iho e ratou te inoi, miharo ana nga tangata ki ta ratou inoi, te kaha, te marama, te tika, he ahakoa he kuare i mua, he poauau noa iho, he he noa ake, inoi ana ki te Atua, ki nga kupu tika, pai, marama, kaha noa atu. Mohio tonu iho nga tangata na te Wairua o le Atua tenei mahi. " Tetahi tohu, ko te meatanga o te tokomaha kia marenatia ratou ki o ratou wahine. He iwi moe puku noa iho taua iwi, otiia kitea rawatia ake, te he o tenei mahi; mea tonu ake ratou ki nga Minita, me marena, kia tika ai te noho. "Tetahi tohu, ko te aroha o nga mea tapoko hou ki nga Minita, ki te kupu hoki o te Atua. To ratou aroha tenei, hoatu I ana ratou i o ratou hereni mo te rongo i pai. E taea ranei le kaiponu i tana hereni e te tangata kua whiwhi kite Wairua? Na le ngakau aroha kore tera mahi, na te ngakau kihai kite i te aroha o Ihu. Tena ko te mea kua kite i tona aroha, kua kii i tona Wairua, ekore tera e kaiponu i tona hereni, he marere noa hoki nana i runga i te aroha, kahore ana meatanga Ui le rawakore. Mahara ana matou, ki te pa mai taua mahi a le Wairua ki runga ki nga Hahi o Niu Tireni, katahi ka kore te amuamu a te tangata ki nga kohikohinga, ka hua he moni mo te rongo pai. "Tetahi tohu, he kaha ki te mahi i nga mahi a te ringa. He mangumangu no Awhirika te tokomaha o nga tangata o taua wahi, he kai mahi huka, kawhi, aha. I iti te mahi i mua, katahi Ua kaha, ka nui—nui haere ana he taonga mo ratou, koa ana nga rangatira ki te kaha o nga kui mahi. Ta te rongo pai hanga tenei, he whakanui i te pai mo te tangata, mo i te tinana, mo te wairua ; ka nui te whaka- I pono a tetahi iwi, ka nui ano he taonga mo ratou; ka tika te mahi a te; tangata ki te Atua, ka tika ano ana whakaaro ki nga mea o tenei ao, ekore e noho noa iho i i te roa o te ra. ekore e waiho noa iho ana oneone hei kari koromiko, engari ka parautia, ka whakaungia, Kia hua ai; ekore hoki e waiho i tenei taranata kia takoto noa, engari ka mahia. Na konei i nui haere ai he taonga mo te hunga whakapono, na te uaua ki te mahi ; ekore hoki e pai kia maumau ratou i nga taima. Nga tohu enei i mohio ai tatou ki taua mahi na te Atua.