Nama 76
190406

whārangi 1  (12 ngā whārangi)
2titiro ki te whārangi o muri


 
Te Pipiwharauroa,

he Kupu Whakamarama.

NAMA 76.

GISBORNE.

HUNE, 1904.

KOMIHANA RAHUI WAHI.

KOTAHI tekau nga ra i noho ai te Ko- mihana Rahui Wahi ki Turanga nei ki te uiui ki te tirotiro i nga wahi o tenei takutai e tika ana kia panuitia. Tokowha te Komihana, tokotoru nga pakeha, tokotahi te Maori ko Tunuiarangi o Wairarapa, ko to ratou tumuaki ko Te Peehi Mete, tumuaki tawhito o nga kai-ruuri whenua, he pukore- ro mo nga korero a te Maori. E mahi ana tenei Komihana i raro i te ture i whakaotia e te Paremete i tera tau ara kia rahuitia nga wa- hi ataahua hei matakitaki ma te kanohi—nga ngahere, nga pari, nga maunga, nga roto, nga rere wai, nga toka, nga ana, nga urupa, nga pa whawhai me era atu wahi e ingoa-nuitia ana. He nui nga tangata o nga wahi katoa o te ao e haere mai ana ki Niu Tireni i ia tau i ia tau ki te matakitaki i nga hanga ataahua, i nga wahi whakamiharo, o o tatou moutere. E kiia ana e te pakeha ko Niu Tireni te whe- nua whakamiharo atu i te ao. Kua whaka- turia e te Kawanatanga he tari hei whakaha- ere i nga take katoa e pa ana ki nga wahi matakitaki o Niu Tireni. Nga wahi e whaia ana e te pakeha kia kite ko Rotorua, ko Tau- po, ko te Awa o Whanganui, ko Aorangi Maunga, ko nga roto o Otakou, ko Rangiura, ko nga awaawa moana o te tai"hauauru o te Waipounamu, ko Otira ko Kawatiri, ko Waikaremoana me te huhua o te wahi. Hei tohu i enei tu wahi i hanga ai tenei ture, hei tohu kei takakinotia e te tangata kei tahuta-;

huna ki te ahi. Kua kite au i etahi wahi ataahua i tahuna e te tangata ki te ahi i runga i te kore tikanga noa iho, i pakapaka ai i te ahi te ngahere i roto i nga haora torutoru i tata nei ki te 260 tau pea ta te Atua whakatu- puranga. I whakatupuria e te Atua te rakau hei tatai hei whakapaipai mo te whenua otira e tahuna noatanga ana e te tangata.

Ko te mahi a tenei Komihana he titiro i nga wahi e tika ana hei rahuitanga, e utua e te Kawanatanga te moni e rite ana mo te wahi e ahei hoki te Komihana ki te rahui i ana wahi i hiahia ai, otira ko to ratou hiahia ma te iwi kainga ano e tuku kia panuitia. Ko nga whenua e rahuitia ka tau ki raro i te mana o te Kawanatanga engari ehara i te mea e whakamahia engari heoi ano ko te whakatapu. Ki te kitea he koura he aha ra- nei i aua whenua ka riro i te iwi kainga. Ko te whiu mo nga tangata e takakino ana i nga whenua rahui ^100 iti iho ranei. E rahuitia ana nga whenua Kawanatanga, pakeha, Ma- ori; ka 151000 eka o nga whenua pakeha, kua rahuitia. Ko tetahi hiahia ano o te Komi- hana ko te tuhituhi i nga korero o nga wahi e rahuitia aua, o nga parekura, o nga rua taniwha o nga aha ranei.

E tono ana matou ki te Iwi Maori katoa, kia tautokona tenei Komihana me tenei ture; tukua atu o tatou urupa a tatou pua manu ranei ma te Ka wa- natanga e tiaki e whakatapu, nga tatai o o whenua mana e rahui. He mea pai kia hui- hui i ia iwi i ia iwi, ka whakarite ai nga tatou whenua hei tukunga kia rahuitia, ka ataiwha- kotokoto ai hoki i nga korero o aua whenua kia mate rawa ake ai nga kaumatua kua hia

to nga korero ki roto i nga pukapuka hei titiro ma o tatou uri i muri i a tatou. E te iwi kei ruarua te ngakau ki tenei ture, e tino mohio ana matou he ture pai, heoi ano te he i kitea e matou he porori rawa no tona o, ti- nga. E tae te Komihana ki nga takiwa katoa o Niu Tireni.