|
| |||||||||||||
197
| TE WANANGA. Maori i korero i te tino korero mo te karakia pono ki Te Atua, a kotahi o aua rangatira Maori i korero i ana kupu, a ko aua kupu a Paora Kaiwhata, me ta ki te Perehi, kia tino kitea ai te pai o aua kupu e te ao katoa. I rapurapu hoki nga whakaaro o Paora Kai- whata ki nga pai o nga ra o mua, i nga ra i karakia ai te iwi Maori ki te Atua pono. I mohio ano aia, na te whakapono o te iwi Maori i aua ra, i mutu ai te whawhai o te Maori. A i mutu te kino, i ako te Maori ki te pai o te iwi noho pai. I mohio a Paora , ki te rangi e whiti aua te ra, a ki te rangi e poruru ana i te kapua o te kino o te mate. A i mahara ano a Paora, ki nga ra, i kotiti ke ai te iwi Maori ki te karakia ki nga atua ke, a na te kore whakapono kia Te Karaiti, i tau ai te pouri ki nga iwi Maori. A na reira i pa ai te mate, me te kai kore ki te Maori. Otiia ko te tino he, i mahia nukarautia te Maori e nga Pakeha mahi maminga, a na nga pai a te Maori ki nga mea he a te Pakeha, i raru ai te Maori i ana Pakeha mahi he, a na ana mahi he i riro ai nga whenua a te Maori i aua Pakaha. Otiia nei ake ano te wa e ora ai, a e hokimai ai nga mea riro he ki te iwi nona nga mea i riro i te mahi nukarau. E kore hoki e kiia kia kore ano te tangata kino e hoki ki te pai. He mea hoki, rae titiro matatu te Maori, a ka kite aia, he pai kei mua o tatou e haere mai ana. Ma te iwi Maori e mahi i te mahi pai, a ka tautokona taua mahi pai e te Pakeha. He tini nga Pakeha e titiro atawhai mai, ana ki nga iwi Maori, a e aroha ana te Pakeha ki te Maori. He tini ano ia nga Pakeha e pai ara kia nui he taonga ma ratou i nga mea riro he ia ratou o a te Maori mea. Na te Maori ano ia te whakaaro kore i raru ai te Maori i nga tangata mahi he. Me hoki te iwi Maori ki nga mahi pai o te karakia pono ki Te Atua, me mutu te kai waipiro, me tiaki ratou i a ratou whenua, a ki te mea e kore ratou e tino mohio ki te whakahaere i nga tini tikinga o aua whenua a ratou, a me rapu i te Pakeha pai, Pakeha mahi tika, mahi pono, a me utu aua tu Pakeha e nga Maori, mo ta ratou whakahaere i ana whenua ma nga Maori. Me tuku nga tamariki Maori katoa ki nga kura, kia tino akona nga tamariki Maori ki te reo Pakeha, ma reira e kite ai te Maori i nga mohio nui, i roto i te mano mano pukapuka reo Pakeha a te Pakeha, a e mohiotia ai nga mohio nui o te ao katoa. A ma te mohio o te Maori ki te- reo Pakaha, e kore ai te Maori e raru i nga mahi nukarau o nga Pakeha mahi mami- nga. A me pera he mahi ma te Maori, me te mahi o nga iwi o Iharaira o mua, me hoki pono ki te Atua, a me inoi ki te Atua, kia homai tana kupu whakaora mo ratou. Mate Atua ano hoki e homai he mohiota- nga ki te Maori, a ma ana e whakakaha, e tautoko te Maori kia tika ai a ratou mahi, a kia whiwhi ai ratou te Maori ki te tino mahiotanga marama. __ |