Pukapuka 0, Nama 32
18840915

whārangi 2  (15 ngā whārangi)
3titiro ki te whārangi o muri


Tirohia ngā kupu whakataki o tēnei niupepa

 

land) mo nga mea e mamaetia ana e nga iwi Maori. Ko te he o te haere o Tawhiao e kiia ana ko te hokinga o Patara Te Tuhi ki te inu waipiro no reira ka whakatangata-ke etahi o nga rangatira o Ingarangi i a Patara ma, ta te mea, na te ware tera mahi te whakaroa i te oati. Tetahi Pakeha e aroha mai nei ki a Tawhiao ma, e whakahoa ana-ki runga ki nga mahi Pitihana ko Kere Nikora nana ra a Tongariro i piki, nana ra a Pehi Turoa, i whakamanuwhiri ki runga o Whanganui. Kua puta mai nga waea i naianei, kua tata te ra e huri mai ai te aroaro o te haere a Tawhiao. Nga mea ka huri mai nei ki Aotearoa, ko Topia Turoa, ko Te Ropiha, ko Te Wheoro, ko Te Tuhi, ko Tawhiao, ka noho atu, e puritia, ana hoki ia, e nga runanga Whakatuatea o Ingarangi kia ata tae ai ki te opitotanga ana mahi nunui i haere atu ai i runga i te waimarie, - i runga i tana pepeha tika e ki nei, " Ka whakapapa pounamu te moana, ka tere te karohirohi."

 

He Reta Whakanui i "Te "Korimato."

 

NA "J. M. Jury," o Mahunui, Wairarapa, he tautoko i te panui a Henare Parata kia whakanuia ake te moni ma TE KORIMAKO kia rua kia toru ranei nga puta nga i te marama. - Na "-Kerei Rorerika," o Alexandra," he tau toko ano i te panui a Henare Parata me te reta a Henare Topi kia whakanuia ake te moni ki te rima hereni kia rua putanga i te marama. - Na "Pita," o Tamahere, Waikato. he tautoko ano kia whakanuia ake te moni ma te manu nei kia rua putanga i te marama. He patai mai hoki kia whakaatutia atu e TE KORIMAKO tona utu e hiahia ana kia rua putanga i te marama. Ko te whakahoki tenei, kei nga kai tautoko te ritenga." Kua tae mai te kupu a Ngatirongo, o Waiwera nuku atu pea ratou-i te wha tekau he mea mai kia whakanuia ake te moni ma TE KORIMAKO kia toru ai ranei putanga i te marama. - Na " Te Hira Tuteata,'' o Tikokino, Nepia, e tautoko ana i te panui a Henare Parata me te reta a Henare Topi e mea nei kia whakanekehia ake te moni ma TE KORIMAKO kia tekau hereni kia toru kia wha nga putanga i te marama.

 

Nga Reta me nga Nupepa.

 

I NGA marama kua taha nei i taia atu ki roto ki TE KORIMAKO etahi kupu whakaatu ki nga tangata Maori te hari pokanoa i nga nupepa me nga reta i nga poutapeta e hara nei kia ratou. Ko te take he tini no nga reta e tae mai ana he mea mai ki te take i hapa ai nga kaitautoko i TE KORIMAKO ia ratou nupepa. Ehara i TE KORIMAKO te he, engari kei nga Maori ehara nei i nga tangata tango KORIMAKO te he, he tango noatu i nga nupepa , me nga reta ehara nei kia ratou, i runga i tenei mahi e rua nga mate e puta mai kotahi ki nga tangata kia ratou nga nupepa he hapa ia ratou nupepa mo a ratou hereni, tuarua ko TE KORIMAKO he hakua mai e nga tangata na , ratou nga rua hereni. Inaianei i kua tae te pitihana a Ngatiporou ki te Paramete kia whakaarohia mai tetahi tikanga mo tenei mahi he te tango pokanoa i nga taonga i ki etahi tangata.

 

Te Mahinga Kai.

 

KUA tae mai te kupu i Kawhia, i Aotea, e ki ana, kei te hanga taiepa nga tangata Maori kia tika ai ta ratou mahi-whenua i te tau nei. Ka rahi noa atu nga mara riwai, kaanga, aha, aha, kia ora ai a tama roto, kia riro atu ai ehinu hei hoko ki te taha Pakeha. Tena ra ekoro ma e te iwi; ka pai tenei hanga a te ahuwhenua. " Mahi a te tangata, he mahi titangi kaki; mahia e tona ringa, tino kai, tino makona."

 

Hone Mohi Tawhai.

 

KUA tae mai nga rongo o Hokianga e mea ana ka nui te uekaha o Hone Mohi Tawhai ki nga mahi Puru-ripene me te tini atu o nga mahi tika e rangatira te tinana o te tangata, tae noa ki te wairua. Ka pai enei rongo; ka pai kia tahuri nga rangatira Maori ki te ako i te iwi, ka pai hoki kia tahuri ki te whakahau i nga mahi e nui ai, e piki ai. e mana ai, e ora ai nga hapu Maori e noho mai nei i rau kainga i Aotearoa. Tena e Hone Mohi Tawhai, kia kaha.

 

Taheretikitiki.

 

KUA oti te to mai te waka a Paora Tuhaere i te roa-whenua i nga wao o Waipapa, takiwa o Kaipara. A, toia te waka, ki te moenga te waka, ki te takotoranga e takoto ai te waka e, e, e ! Te makeretanga mai i nga manga awa o Waitemata, ka whakatatae nga poti kia nuku ake te tere o nga poti, i te kokihitanga o " Taheretikitiki " nohea era hanga puhoi e puta, haere i ta Paora waka, ngoki ana nga poti pakeha i muri nei. Ko te waka nei kei Okahu; a tenei ake ka whakanohoia te tauihu, me te taurapa. He tararo te waka a Paora, pai atu te tarai; ka pai hoki a Paora ki te whakahoki mai i nga hanga whaimana a nga tupuna. Tenei te tau a Paora ki tana iwi i te kumenga mai o te waka. E titi ra e te atarau e koke koe i i unga ra, he huinga karu no nga whenua toia mai e Paraone te tatau o taku whare kia puta atu a au ki waho ra kia marama taku titiro ki te ao raki e rere mai ra.

 

(Tera atu te roanga.)

 

E ki ana te nupepa i rawa a Tawhiao i Ranana (London) i te patene i maka e ia ki te waha, a, paheke atu ana ki te korokoro. No te kainga i te paraoa ka heke atu taua patene ki te poho.