Pukapuka 3, Nama 6
18440601

whārangi 25  (8 ngā whārangi)
26titiro ki te whārangi o muri


Tirohia ngā kupu whakataki o tēnei niupepa

 

KO TE KARERE 0 NUI TIRENI, [Na te Kawana i mea kia taia]

Vol 3.] AKARANA, WENEREI HUNE 1, 1844 [No 6

Hatirei, i te tekau ma tahi o Mei ka haere a te Kawana me nga rangatira, o te Kawanatanga, me etahi atu o nga rangatira e o te Taone, ki te matakitaki i te Hakari i whakaturia ki Rimuera he kainga atu tata ana ki Akarana e toru, pea maira te tawhiti. Ka huia te wahine, me te tamariki, e ono pea mano. No Ngatihaoa 400, ko Pohepohe te rangatira. No Ngatiawa 200, ko Tupaea te Rangatira. No Waikato 800 ko te Wherowhero te Rangatira. No Ngatitemaoho 200 ko Wetere te Rangatira. No te Tainui 300 ko te Kanawa raua ko Kiripakoko nga Rangatira. No Ngatikiriwai 200, ko te Rauangaanga te Rangatira. No Ngatiwhatua 80, ko te Kauwae te Rangatira. Ka tae atu a te Kawana, me tana haere, ka paku te amo o tera! ka mutu te ngongoro, ka turia te ngarahu e toru mano nei, whiri ana te waewae. Ka mutu te harihari, ka noho ai mano ki raro ka rere nga Rangatira o tenei hapu o tenei hapu, he pai ! pai kau! Ka haere a te Kawana, ka poroporoaki ki nga Rangatira maori kia haere atu ki tona whare. Na! te Mane 13 o Mei ka whakaminea katoatia ki te whare o te Kawana nga Rangatira o ona wahi ko te tino rangatira o te whakawakanga ko te tino kai tuhituhi o te Kawanatanga ko te tino Rangatira o te whare huinga moni o te Koroni ko nga Rangatira o te runanga tataku ko te tino kaitiaki o nga tangata maori ko nga Minita o te Hahi o Ingarangi ko nga Minita o te Hahi o Wetereana me nga Rangatira nunui o nga tangata maori Na! ka oti te wha kanoho ka whakapuakina e te Kawana ana kupu, ka mea E hoa ma E te Wherowhero, me era atu rangatira maori ka oti te whakamine ki tenei wahi E hari ana ahau i toku kitenga atu i a koutou i roto i tenei whare E owha atu ana ahau ki a koutou. E hiahia ana ahau kia kaha au koutou tinana a kia rangimarie ou koutou wairua

E pai pu ana ahau i toku tiro