Pukapuka 0, Nama 36
18850115

whārangi 1  (13 ngā whārangi)
2titiro ki te whārangi o muri


Tirohia ngā kupu whakataki o tēnei niupepa

 

TE KORIMAKO

 

He Nupepa whakaatu i nga tikanga o te Whakapono, nga Rongo o te Ao katoa, me era atu mea.

 

NAMA 36.]

 

AKARANA, HANUERE 15, 1885.

 

[TE UTU, 3D.

 

PANUI KI NGA KAI-TAUTOKO.

 

Ko te utu mo TE KORIMAKO a muri ake nei e wha hereni (4s.) mo te tau timata i te Nama 37 i te marama o Pepuere, 1885. Ko nga moni me tuku tuatahi mai.

 

NOTICE TO SUBSCRIBERS.

 

THE price of TE KORIMAKO will be four shillings (4s.) per annum, commencing with No. 37: that is, the paper published in February, 1885. Subscriptions are payable in advance.

 

PANUI KI NGA KAI-TUHI MAI.

 

Ko nga pukapuka katoa mo tenei nupepa me penei te tuhi mai ki "TE KORIMAKO, Pouaka 270 Poutapeta, kei Akarana."

 

ALL communications to this paper are to be addressed to "TE KORIMAKO, Post Office Box 270, Auckland."

 

TE KORIMAKO

 

" Kei te Atua to tatou piringa."

 

HANUERE 15, 1885.

 

Ko te wha tenei o nga tau i rere-haere ai te manu iti nei ki nga marae tangata o Aotearoa, o Aropaoa. Ko nga konae karamuramu i karangatia ra e Te No, i ata tukua mai e nga iwi o te motu tawhio noa. Ahakoa e rua nga kakano, he iti whiwhia rapea, metewhakaae ake o te ngakau, ae, ka tika. Heoti te hamumu atu i naianei, he tauhou tenei ko te tau o to tatou Ariki 1885; a, he karanga atu ta TE KORIMAKO, he aumihi atu i tua o nga paenga maunga, i te toe takiwa huamo: - Tena koutou e te iwi, tena koutou nga wahine, nga tane, nga tamariki. Kia ora koutou i tenei tauhou kia piki, kia kake, kia maiangi ki te kaweka o tenei taonga, o te tika. A, ki te mau i a koutou nga hua o te tika, ka takahoa mai te Atua ki a koutou tae noa ki nga Pakeha whakaaro o te ao. Tena ra koutou, e te iwi, i tenei tauhou, kia ora, kia ora, kia ora.

 

Nga Matua o "Te Korimako."

 

TENEI te pu-aroha ka tae mai ki roto ki te ngakau, tenei te ringiringi-a-wai nga hua o te kamo i a Mihi No te pouaru, rana ko Mihi No te whaea o Te No, ka tae mai i to raua whenuatupu i Amerika. Haere ai te rongo o tenei rangatira Pakeha, kotahitahi te Pakeha e mohiotia ana i Aotearoa i taketakea mai tana whakaaro ki nga iwi Maori i runga i tenei taonga nui, i te aroha, ko W. P. Te No (W. P. Snow). Kati, ko te tangata kua riro ki te rangi, ko te aroha ia, e mau ana i roto i nga koki o te ngakau. No Te No te aroha i te oranga ai, waihotia iho ki te whaea, ki te pouaru. Koia tenei, kua whiti mai i te roa moana-raua ki te tirotiro, ki te whakarongo i nga korero o te taha Maori. Kahore rawa e taea te tinei te aroha e tukua iho ana i te rangi. He hira nga ngutu mohio i roto i te Pakeha, erangi kotahi a Te No i haere tonu i runga i te kaweka o te aroha, mate noa; a, ko te whaea raua ko te pouaru, e whanatu ano i taua huarahi, i te aroha.

 

"Te Korimako."

 

HE whaki atu tenei ki nga hoa e tautoko nei i TE KORIMAKO. ko te pouaru tenei a Te No, ko te whaea tenei a Te No, kua tae mai ki Akarana a, kua tu he komiti i a raua, hei whakahaere mo te wahi nupepa nei kia tu tonu ai hei reo mo nga Maori. No te mutunga o te runanga, ka puta te kupu. Ehara tenei nupepa i te kimi moni, engari kei te kupu tuatahi, he aroha te take, he whakapurero ake i te taha Maori mei kore ra nei e maiangi ki runga. Ma te komiti tonu e utu nga kai perehi, ahakoa iti ta te taha Maori, ma te komiti e whakakapi kia rite ai ta nga kai-perehi utu e karanga nei. Na ! ki te whai kowha ta nga kai-tautoko - ki te nuku ake ta ratou utu i ta te komiti utu mo nga kai-mahi o TE KORIMAKO, ekore taua moni whai kowha e ahatia e te komiti, engari, ka whakatapua tera moni e peta ana, - ko tana moni ka utaina ki runga ki TE KORIMAKO. hei whakanui, hei whakamana i a TE KORIMAKO, ano. I runga i enei tikanga mataatika, ka hurihuri te komiti; a, karangatia ana ko te utu-a-tau mo TE KORIMAKO amuriake nei kia Wha Hereni (4s). Ko toku ngakau kei te whakapai ki tenei korero, whakapai mai hoki koutou e te iwi.

 

Na HARE REWETI

 

Ko Ta Huria Pokuru te Minita Tiaki moni o teuei Kawanatanga i Niu Tireni, ka riro ki te Waiwera, i Mahurangi, ki te mirimiri i tana mate.