Pukapuka 0, Nama 46
18851116

whārangi 1  (14 ngā whārangi)
2titiro ki te whārangi o muri


Tirohia ngā kupu whakataki o tēnei niupepa

 

TE KORIMAKO

 

He Nupepa whakaatu i nga tikanga o te Whakapono, nga Rongo o te Ao katoa, me era atu mea.

 

NAMA 46.]

 

AKARANA, NOWEMA 16, 1885.

 

[TE UTU, 6D.

 

MATENGA TANGATA.

 

No te 7 o nga ra o Oketopa, ka mate a MARAEA HUHU ki Moawhanga, Patea, Nepia. Ko taua wahine he poropiti no Ngapuhi, a e haere ana ki Taranaki kia kite i a Te Whiti, neoi kua rokohanga e te aitua ki te huarahi, te tae, ki te mutunga mai o tona haere.- Na Rota Te Whakaoho me Te Aruhe Akatarewa i tuku mai.

 

No te 11 o Oketopa ka mate a RORA HAWEA, he wahine rangatira no Ngatiapa, o Turakina, Whanganui.

 

No te koata, ki te 1 o nga haora ka hemo a H. H. TE HUIA, ki te Honhanga, Dargaville. "E te Matua i te rangi, tenei toku wairua, tangohia atu ki a koe." - Na W. Te Huia i tuku mai.

 

PANUI KI NGA KAI-TAUTOKO.

 

Ko te utu mo TE KORIMAKO inaianei, e wha hereni (4s.) mo te tau. He mea toku noa atu te tukunga atu ki te Poutapeta. Ko nga moni me tuku tuatahi mai.

 

NOTICE TO SUBSCRIBERS.

 

THE price of TE KORIMAKO is four shillings (4s.) per annum, post free.

Subscriptions are payable in advance.

 

PANUI KI NGA KAI-TUHI MAI.

 

Ko nga pukapuka katoa mo tenei nupepa me penei te tuhi mai ki "TE KORIMAKO, Pouaka 270, Poutapeta, kei Akarana."

 

NOTICE TO CORRESPONDENTS.

 

ALL communications to this paper are to be addressed to " TE KORIMAKO Box 270, Post Office, Auckland."

 

PANUITANGA.

 

Ko nga rua hereni (2s) katoa e tukua mai ana timata mai i muri i te 15 o Hanuere, 1885, ka tukua atu te nupepa mo nga marama e ono. E koutou e nga tangata kahore e tae atu ana a koutou nupepa me whakaatu mai kia tukua atu ano tetahi.

 

PANUITANGA.

 

HE whakamahara tenei ki nga hoa-tuhi-mai kaua e tukua mai he hiriwa, he koura ranei ki roto i a koutou reta anga mai ki TE KORIMAKO notemea ka weeteria e te Poutapeta a ka riro atu i a ia tetahi wahi o te moni. Erangi me tuku mai i te panekuini, i te nooti, i te tieki, i te moni-oata-waea ranei.

 

TE KORIMAKO.

 

" Kei te Atua to tatou piringa"

 

AKARANA, NOWEMA 16, 1885.

 

TERA nga korero tuarangi e penei ana, " Ka koa te hunga e hiakai ana, e hiainu ana, ki te tika: e makona hoki ratou." Ma te tika ka kake ai te iwi; ma te hara ia ka ingoa kino ai nga iwi. Kei enei whaikii e waiho iho ki taua pukapuka (i pakari nei ana whakaaro, he whakamahara ia tatou ki nga mea e tau ai te tika me te rangimarire ki a tatou. Mehemea ka huri o tatou kanohi kei nga wahi katoa o te ao. He aha te mea e tupeno ai kia tatou ko te hiakai me te hiainu o te tika ? Kahore ! ko nga iwi o ia wahi o ia wahi e tahuri ana ki te takahi tetahi i tetahi. Tirohia a Ruhia e tawari nei i nga iwi e tata ana ki a ia, he aha te tukunga iho ? Kua ara te pakanga i Heawia me Purukeria, kei te tu pehea nga pani me nga pouaru? ma konei ka kake ai te iwi! Kahore ! Tena ka huri ano o tatou kanohi ki Tiamani-, ahakoa he iwi whakaaro nui ratou kua huri atu o ratou whakaaro ki nga motu a nga Paniora e karangatia ana ko nga Karoraina, wahi iti kua ara te pakanga mo reira, tena pea taua take whawhai e mutu I runga i te whiriwhiri tika o te Popi o Roma. I nga marama kua pahure, i rongo ano tatou i taua iwi kei te whakanui i tona mana ki tenei moana, tangohia ana e ia te taha whakararo o era whenua nui i te motu o Niu Kini, waihoki e anga mai ana ona ringa ki nga motu e tutata ana ki a tatou, ara ki Tonga me Hamoa, otira tera pea e araia ena whakaaro e nga moni o Ingarangi. Na mehemea ka titiro ano tatou ki taua whenua e tata ana ki Inia ko Puma. Ka kite ano tatou ko te Kingi o taua whenua e anga ana ki te takahi i nga whaimananga o Ingarangi i runga i te tukino me te kuaretanga, ahakoa kua pai rawa nga whakaaro o Ingarangi ki taua Kingi, tenei ia ka haere ki runga i te huarahi whawhai, aianei tau ai te aue me te taumaha mamaetanga o te whawhai ki runga i taua whenua, ko te tika tenei e nui ai te iwi ? E mohio ana tatou katoa. Kahore ! Tena ka huri i ano o tatou kanohi ki to tatou nei whenua ka kite ano tatou i o tatou teina i Rotorua, kei runga i te huarahi he. Oho whakarere ana tatou ki nga rongo kua tae. mai mo te mahi o Tuhourangi kia Mihi Kereama. He iwi tangata taua iwi he aha i tuku ai ratou i te riri hei rangatira mo ratou ? No runga i ta wai whakaaro i pahuatia e ratou te pouaru a ta , ratou Pakeha a Te Kereama? He i kore ture ranei i taua whenua Hore rawa ! na te ngakau kaika ki te kino. He mamaetanga tenei i mo nga tangata na ratou tenei he, waihoki he hinaki-pouri kia i katoa (notemea ka mihi