Pukapuka 0, Nama 5
18820712

whārangi 1  (8 ngā whārangi)
2titiro ki te whārangi o muri


Tirohia ngā kupu whakataki o tēnei niupepa

 

Ko nga pukapuka katoa mo tenei nupepa me tuhi mai ki a "TE KORIMAKO, kei Akarana, Pouaka Poutapeta 270

Ko nga pukapuka katoa mo tenei nupepa me tuhi mai ki a "TE KORIMAKO, kei Akarana, Pouaka Poutapeta 270. "
KA taia a TE KORIMAKO ia marama, ia marama, a ka tukua atu ki nga tangata e tuku moni mai ana, e rue hereni mo te tau. Me toku mai te moni mo te tau i te timatanga.
THE KORIMAKO is to be issued once each month, the price to be two (2) shillings per year postage paid. Europeans wishing to subscribe can do so by addressing " TE KORIMAKO, P.O. Box 270," or by leaving their subscriptions with Messrs. Champtaloup & Cooper, Stationers, No. 76 Queen-street.
PANUI. - Ki te mea ka tukua mai kia taia ki tenei nupepa he kupu whakaatu mo te marenatanga, mo te whanautanga, mo te hemonga, o te tangata me takai marire mai te hereni kotahi. He pane-kuini te moni tika.
"Kei te Atua to tatou piringa."
Te Peke Moni o Ingarangi.
Ko te Peke nui tenei i te ao katoa. Kei waengarahi o te Hiti o Ranana. E tu ana nga whare o taua Peke, i runga i nga ake whenua e toru. Ko te au i tu ai taua Peke, 1694, ka whano ka tae ki nga tau e 200 tu ai taua hanga. Te moni hawhao ki taua Peke i te aranga ai e £1,200,000. No tau 1696 ka nekehia nga oni whakaora. i taua Peke ki £2,201,271. I te tau 1816 nuku eke nga moni tautoko £14,553,000; a, e mau tonu tenei moni. Ko te Kawananga o Ingarangi e tuku ana a tenei Peke e kohikohi ana moni taki katoa, haunga hoki nga mahi ake o taua Peke. Ma taua Peke hoki e utu nga moni whakaranea i runga i te nama nui o te iwi o Ingarangi; te utu o te Kawanatanga mo tera mahi a taua Peke, mo ia tau, mo ia tau £247,000. Ko taua Peke hei tiaki i nga moni ake o te Kawanatanga, a he tuku moni tana ki etahi atu Peke ina hiahiatia, ta te mea ko nga Peke o Ingarangi e tae ana ki te 270 a ko nga koura o aua Peke e takoto ana ka kawea atu ki te Peke-matapuna, tiaki ai. Kua tu hei ture, me hoko e te Peke o Ingarangi nga koura katoa e kawea atu ana; a ko. te utu kua whakatuturutia £3 17s. 9d. mo te aunihi kotahi. Ma taua Peke e tuku ki te whare-tahu moni a te Kuini nga mea katoa e tahuna nei i runga i te ingoa o te Kuinitanga Engari kei waho a Poihakene i tenei tahunga moni, mana ano tana moni e tahu. Ka oti te tahu, nga moni hou ka kawea atu ki te Peke o Ingarangi mana e whakaputa. Ko nga koura moni i tetahi takiwa i naia ake nei, i taua Peke, i tae ki te £22,000,000. Kawe atu ai ki nga ruma i raro, i turea hei takotoranga. Ko nga hiriwa kohi ai ki nga Peke £100 ki roto; ko nga Peke o te koura, £1,000 ki roto; wkakatutu ai me he pari whakapapa, hei kai ma te kanohi o nunui ma ina haere ki aua wahi matakitaki ai. Haunga hoki nga koura me nga hiriwa e takoto papa ana, ki ano i tahuna hei moni. Ko nga noti o taua Peke, e tae ana ki te £25,000,000 kaore e hoki iho ana noti i te £5. Ko nga moni tuku mai ki taua Peke a te Kawanatanga, me nga iwi katoa, roto i te tau kotahi £45,000,000. Ko nga karaka o taua Peke e 800; ko nga rangatira whakahaere e 24. Runanga ai nga wiki katoa. I te po, e tiaki ana te hoia; a ko nga kai tiaki ake o tana Peke he raiwhara, e 200. I te ra kotahi £1,000,000 o nga noti e kawea atu ana; ko ana noti e puritia ana, a taeanoatia nga tau kotahi te kau; a, ka tahuna ki te ahi. I te marama, i te marama ka tahuna nga noti nui noa atu nga takai noti hei kai ma te kapura, i te marama, i te marana, i roto i nga takiwa o Ingarangi, kotahi te kau mangangatanga o taua Peke.
Huihui Mihinare i Akarana.
No te 20 o nga ra o Hune ka tu te hui. Ko nga kai-whakapuaki kupu, ko te Pihopa o Akarana, ko Pihopa Hahena no Inia, ko te Pihopa o Waiapu, ko Te Manihera, Ahirikona, ko Te Tepe, minita. Tomo tonu te whare ko te Pihopa o Akarana te Tiamana o te hui, i a ia te inoi. Na Te Manihera te karaipiture i korero, te Waiata 19. Ka mutu nga whai korero a te Tiamana, ka tu a Pihopa Hahena, ka-mea ia: - "He hira nga tau i mahi ai ahau i Inia, te taha ki te mihinare. Ka kite au i nga iwi o tera whenua, - te takiwa o aku mahi, a Tineweri. Ka kite au i tera wahi, nga kararehe mata-kana, e mokowhiti ana ki te hopu kuri hei kai, tangata hoki. I tetahi pamu ewha te kau ma