Pukapuka 0, Nama 50
18860316

whārangi 1  (12 ngā whārangi)
2titiro ki te whārangi o muri


Tirohia ngā kupu whakataki o tēnei niupepa

 

 

TE KORIMAKO

 

He Nupepa whakaatu i nga tikanga o te Whakapono, nga Rongo o te Ao katoa, me era atu mea.

 

NAMA 50.]

 

AKARANA, MAEHE 16, 1886.

 

[TE UTU, 6D.

 

PANUI KI NGA KAI-TAUTOKO.

 

Ko te utu mo TE KORIMAKO inaianei, e wha hereni (4s.) mo te tau. He mea tuku noa atu te tukunga atu ki te Poutapeta. Ko n ,a moni me tuku tuatahi mai.

 

NOTICE TO ,SUBSCRIBERS.

 

THE price of TE KORIMAKO is four shillings (4s.) per annum, post free. Subscriptions are payable in advance.

 

PANUI KI NGA KAI-TUHI MAI.

 

Ko nga pukapuka katoa mo tenei nupepa me penei te tuhi mai ki "TE KORIMAKO, Poutapeta 270, Poutapeta, kei Akarana.''

 

NOTICE TO CORRESPONDENTS.

 

ALL communications to this paper are to be addressed to " TE KORIMAKO, Box 270, Post Office, Auckland."

 

PANUITANGA.

 

HE whakamahara tenei ki nga hoa-tuhi-mai kaua e tukua mai he hiriwa, he koura ranei ki roto i a koutou reta anga mai ki TE KORIMAKO, notemea ka weeteria e te Poutapeta a ka riro atu i a ia tetahi wahi o te moni.` Erangi me tuku mai i te panekuini, i te nooti, i te tieki, i te moni-oata-waea ranei.

 

PANUITANGA.

 

Ko nga rua hereni (2s.) katoa e takua mai ana timata mai i muri i te 15 o Hanuere, 1885, ka tutua atu te nupepa mo nga marama e ono. E koutou e nga tangata kahore e tae atu ana a koutou nupepa me whakaatu mai kia tutua atu ano tetahi.

 

PANUITANGA.

 

Ko te mea tika rawa me whakarite e nga kaitautoko, he Pakeha e mohio an. koutou i o koutou takiwa, hei taunga atu mo a koutou nupepa. A me tuhi mai te ingoa o te Pakeha kia mohio ai matou hei tukunga atu mo te nupepa. Me korero ranei e koutou ki nga Poutapeta i o koutou takiwa, kaua a koutou nupepa e hoatu ki tetahi tangata. Ko nga reta me nga panui katoa e tukua ana mai kia taia ki TE KORIMAKO, kia marama te tuhituhi, kia pai te wehewehe o nga kupu. Me tohituhi nga korero ki te taha kotahi o te pukapuka.

 

Te Korimako,

 

"Kei te Atua to tatou piringa"

 

AKARANA, MAEHE 16, 1886.

 

Ko nga rongo whawhai o Oropi e iti haere ana, kua ahua mau-te-te rongo. Otira ko etahi waahi

o te kiingitanga o Taakei, ka hore ano kia rite noa nga tautohe.

 

Ko tera whenua ko Puama, i mau herehere nei te kingi o tana whenua, kei te whakatu-ngarahu ano. E iwa mano o taua iwi kei te rauna i te pa e karangatia ana ko Ometene, a e toru rau anake nga Ingirihi kei te tiaki i taua taone. E ai te kii, tera pea e horo te pa i aua nanakia, otira kua tukua atu nga hoia hei awhina i taua hunga.

 

Kua tae mai nga rongo i ahu mai i Ranana. He nui te mate kai o taua kaainga i te kore-mahi, tutu ana te puehu; he aha nga whare-taonga i paahuatia, he nui noa atu nga kai maumauria; nga kai hoki he mea ruke ki nga tiriti. I tae pea ki te rima tekau mano pauna nga moni o nga taonga i ruihi. Ehara i nga tangata e mate ana i te kai, erangi ko ng. kaihautu o nga tangata kahore e whakapono ana ki te Atua. He mea awhina ratou e nga ope-tahae e noho ana i tana taone-nui Ko etahi o nga kaihautu kua mau ki te whareherehere.

 

Ka mutu atu era raruraru; a, ka huri mai ano o tatou kanohi ki to tatou whenua - ataahua.

 

Kua tutata nei, kua poto te mamao ki nga kaainga o tawahi, i nga tima tere e ahu mai ana ki to tatou whenua. Waihoki, e ahua ungutu ana tatou ki Ingarangi i te mahi o te waea. Kua rongo ano tatou, kua mana i te Kawanatanga o Te Karatitone nga whakahaerenga mo nga mahi e ungutu ai tatou ki Ingarangi i runga i nga waea e whakawhiti mai ana i raro o te hohonutanga o te moana. Waihoki tera nga tangata o te ao nei, kei te titiro tonu mai ki to tatou whenua, me te hiahia ki te haere mai ki konei noho ai. Ko nga taonga o tenei whenua e karanga nui atu ana kia haere mai ki te keri i nga koura, ki te mahi i nga rakau. Ko te whenua e karanga atu ana, kahore he tangata hei ngaki i te oneone. Ko nga kohatu e kii ana, kahore he tangata hei wawahi i a matou