Pukapuka 1, Nama 8
18980607

whārangi 2  (6 ngā whārangi)
titiro ki te whārangi o mua1
3titiro ki te whārangi o muri


Tirohia ngā kupu whakataki o tēnei niupepa

 
TE PUKE KI HIKURANGI Vancouver. Aperira 15/98. Kia Pine. E hika tena koe, me a taua Tamariki, he nui taku aroha atu ki a koutou i nga wa katoa, i mahue atu na koutou i au, ki a ora tonu koutou, kai te pai au, ara matau, i tae pai mai matau ki konei, he Taone nui tenei, he nui te Huka o runga i nga Hiwi, kotahi Wiki i mua atu o to matau taenga mai kii konei, ka tae mai te rongo ote Tikini, kua Horongia etahi tangata ki te huarahi e haere nei mataa, e 200, kua kitea, 100, kaore ano i taea te kari, nui noa atu nga Hoiho i mate ki taua waahi, he nui nga Pakeha kua hoki mai i te mataku, he nui ano nga Pakeha i haere tahi mai nei matau, kua kore e haere, kua hiahia ki te hoki atu, kua noho tonu etahi i konei, ke matau ka haere tonu, kua riro mai a matau mea mo te haere, ko etahi o nga mea, kaore i tangohia e matau, me hoko mai i nga Pakeha e hoki mai ana i te mataku, kua ma- kamakaia a ratau mea, ko tetahi, kaore ano i rewa te Huka o nga Awa, i runga i te mahi a te Oti ki te whakawhaiti i nga Pakeha, ki a hoko mea i te Toa kotahi, ka riro mai ia te Oti, £14—O—O, i te tangata ote Toa, no reira i riro noa mai ai etahi o a matau mea, i ru- nga i te utu kore, ko to matau rake tuatahi tenei, ko te huanui ka haere nei matau, ko (Skagway) kai ko iti mai o te waahi i Horo- ngia nei nga Pakeha, he parau anake nga mate i rongo ai matau, kaati, ki to matau rongo, he kino katoa nga huanui, i toona wa ano, e kino ai, i toona wa ano e pai ai, pai noa atu, ka mutu ano te kino, he to taere i nga, Koneke, te taenga ki nga Awa, kua mutu te ,'. pera, kua tahuri ki te mahi Poti, ko te otinga, kua kore he mahi i ko atu, otira, kai te tae- nga ki reira te tikanga, ka tuhi atu ai au i nga korero tika, kaati tena.