Pukapuka 2, Nama 10
18610101

whārangi 1  (4 ngā whārangi)
2titiro ki te whārangi o muri


Tirohia ngā kupu whakataki o tēnei niupepa

 

TE HAEATA TE UTU MO TE TAU } KOTAHI 2s 6d} " Tatou ka haere i to Ihowa Maramatanga." { TE MO TE PUKAPUKA KOTAHI 3d VOL. 11.] AKARANA, HANUARE 1, 1861. [No. 10. MARAMATAKA MO HANUARE.

Hei te 11 o nga ra Hua ai te Marama. Hei te 27 o nga ra Kowiti ai te Marama.

1 Turei 2 Wenerei 3 Tarei 4 Parairei 5 Hatarei

6 Ra Tapu Waiata 30, 31. 7 Manei 8 Turei 9 Wenerei 10 Tarei 11 Parairei 12 Hatarei

13 Ra Tapu Waiata 68. 14 Manei 15 Turei 16 Wenerei 17 Tarei 18 Parairei 19 Hatarei

20 Ra Tapu Waiata 102, 103. 21 Manei 22 Turei 23 Wenerei 24 Tarei 25 Parairei 26 Hatarei

27 Ra Tapu i Waiata 120, 123. 28 Manei 29 Turei 30 Wenerei 31 Tarei

E taia ana Te Haeata i te tahi o nga ra o nga marama katoa. Te utu mo tenei niupepa hia rua hereni mo te Tau te kau ma rua nga niupepa e taia i te tau kotahi. Ko nga tangata e mea ana kia taia o ratou whakaaro ki tenei niupepa, me tuhituhi a ratou pukapuka ki te Kai-Tuhi o Te Haeata, ara ki a Te Patara, kei Onehunga. Ko te tangata e hiahia ana kia taia tona panuitanga ki te Haeata nei, me kawe i tana pukapuka kia Te Wirihana ki te Whare Perehi o "The New Zealander," ma Te Wirihana e whaka- rite utu mo te panuitanga ka taia.

i TE HAEATA.

AKARANA, HANUARE 1, 1861. ! - _ TE TAU HOU. KUA mate te tau I860, kua poto ona mamma, kua rupeke ona wiki, kua pahemo ona ra, kua huri, kua puta he i tau hou, ara, te tau 1861. Tena ra kou- tou, e nga kai korero o Te Haeata. Tena | ra koumu, e nga tangata i roto i nga Hahi i o Ihu Karaiti. Tonu ra koutou e noho i ana i roto i te atawhai o te Atua : kia ora koutou i roto i tenei tau hou ka puta nei. Kia marama koutou, kia hari i roto i nga ra, kia tau tonu te atawhai o te Atua ki : runga ki a koutou. " Kia whakanuia ki • a koutou te aroha noa me le rangimarie" i Ta matou inihi tenei ki a koutou. i Ka rile tatou ki te tira haere, kua eke i ki runga ki te taumata e titiro ana ki ' muri, e titiro ana ki mua. Me pera he tikanga ma tatou i tenei ra. Me titiro • tatou whakamuri, me te tangata haere e ! mahara ana ki nga whenua kua mahue ki muri, ki nga maunga kua pikitia, ki i nga repo kua kauria, ki nga awa kua! whitingia, ki nga wahi kino kua mahue atu, waihoki me titiro tatou ki nga wahi o te tau ka mate nei. Maharatia nga atawhainga o te Kai-tiaki— ka nui! Na te aha hoki i tae ai tatou ki tenei wahi?' i Nana huki. He tokomaha i matika mai i a tatou i te ra tuatahi o te tau 1860, | otiia kua hinga i te huarahi, kua moe i te takiwa, kahore i tae ki nga wahi mutunga I o te tau. Erangi talon kua tiakina tatou i e le Atua, kua atawhaitia, kua homai he kai, he kakahu, he aha, mo te tinana, kua i tukua tonutia mai hoki ana kupu, me tona Wairua hei whakaora i o tatou nei wai- rua. Maharatia enei mahi ana, kia puta ai ta tatou whakamoemiti mona, kia hau hoki a tatou whakapai. "Ko te kiri kahurangi hoki, 1 wera i te ahi : Ko au, ko te kiri tutua, ' K waiho mo te ora ; Ko au, ko te kiri matotoru, E whakaora mo le ao ; Ko (e kiri kopipi i E tuku ki te mate." i Maharatia hoki nga raruraru me nga he o te tau ka mate nei —ka nui! Nui ake i nga kino o nga tau katoa o mua iho. Kua huri era tau me ona kino ano, otiia kati ano te tau i tino he rawa ai te motu nei ko te tau 1860. Rokohanga mai e noho ana tatou i te kainga marama, hoe ana i te aio, marino ana te moana, kahore ana he hau, tohu noa ka pera tonu, ka pai tonu. Otiia kihai i taro kua kakahu pouaru mai te rangi, kua weriko mai te | uira, kua tangi te whatitiri, kua ru te whenua, kua pa te hau-hau kino, kua tu te ngaru, kua tukoki te waka, kua oho nga iwi, kua pawera katoa, kei te tangi, e tangi nei ano. '• Kokirikiri ai Te ao kapua, e rere mai ra Kei te moana, e—i. Ki konei au Mihi atu ai, (angi atu ai, Ki aku nei tamariki, e—i. Ehara i te tangata, Ko te whatu toto, o te ngakau. Motuhia putunga mahara, I a au, e—i." Tirohia nga he o te tau, kohikohia nga he o te tau, hapainga nga he o te tau kia tarewa ki runga hei matapakinga ma nga iwi, hei whakamamae i te ngakau o tera o tera, kia ripeneta nga tangata ki te Atua, kia murua e ia te kino, kia whaka- mutua nga raruraru. 'Tahi te mahi mau- mau noa a te tangata i nga taima! Tana mahi whakaputa ke i nga (ikanga pai a te Atua ! I tukua mai to tatou hoa kua mate nei hei kai-whakaako mo tatou ki nga ritenga pai, hei kawe taima mai ki a tatou kia whai wahi ai tatou hei mahi i nga mahi pai a te Atua, hei mahi oranga mo tatou, hei ngaki i te whenua, hei rapu i te kupu, hei inoi ki a ia. Kihai i homai e ia te tau kua mate kia whai taima mo le pakanga, kia haere ki te whawhai, kia whakapaungia ona rangi i roto i nga runangatanga, i nga haerenga ki te wha- kahau riri, kia mau tonu te pu i te ringa hei tokotoko mo te tangata, kia " Haere atu ki te amiomio I te nuku o te whenua, Ki te rapurapu pu, Ki te rapurapu paura. Ki (e tahi moana, Kia tu ki runga, Kia kite i te ao rere mai o tona kainga."