Pukapuka 0, Nama 65
18870718

whārangi 2  (12 ngā whārangi)
titiro ki te whārangi o mua1
3titiro ki te whārangi o muri


Tirohia ngā kupu whakataki o tēnei niupepa

 

kapumauria te tari mo nga Maori, i whakaturia a Te Rewiti he tino kai whakamaori mo te Kawanatanga. I taua wa kei nga Maori te tino mana o te whenua paimarire ana te mahi a Te Rewiti tae noa ki te whakatuunga o te perihi i homai i te wa o Taakuta Hotete i taia ai taua nupepa i karangatia ko Te Hokioi ko nga kupu i runga i taua nupepa i penei i ia whakaputanga i ia whakaputanga: - "I taia hei homaitanga aroha na te Emepara o Ataria ki te iwi Maori."

 

No te tau 1865 i tahuri hangai atu te Kawanatanga ki te whakotoi i a Te Rewiti ra runga i te Kooti Whakawa mo tetahi pukapuka i ahua tawai ki te Arawa, mo enei kupu, " me whakahoki paimarire ki Hauwaiki." Otira kihai enei kupu i tupono hei take whakamamae i a Te Rewiti muri mai i tena i mahi ano Te Rewiti ki ana mahi ake i runga i te mahi whakamaori me era atu ona mahi, he maha ana pukapuka i tuhi ai ia, ko tena mo Eruera Patuone (he tuakana kia Tamati Waka Nene). Ko taua pukapuka hoki mo Kawiti me era atu o nga rangatira Maori. I whangai ano e ia ki ana tuhituhinga taua nupepa i karangatia ko Te Karere Maori. E kite ana tatou i tona mahi uaua mo te taha ki te Pururipine ina TE KORIMAKO i rere haere i raro i tona mahi whakahaere me te awhinatanga o aua tangata aroha nui ki nga Maori. Ara a Te No (Mr. W. P. Snow) me Mihi No (Mrs. Snow).

 

I mahia hoki e ia he himene ki te reo-maori waihoki ko taua pukapuka i karangatia ko te Honae he pukapuka i runga i te huarahi o te Puru-ripine hei peehi i te waipiro me era atu kai nanakia ko ona mahi e whakaari ana i nga kupu o te whakapono e kore e warewaretia.

 

Ahakoa kua mate ia tena ia te korero mai nei ki a tatou.

 

Ko te nehunga karakiatanga mo Te Rewiti i whakaturia ki te whare-karakia o te Ope Whakaora nana ano te hiahia ma te Ope Whakaora taua mahi, tu ana taua karakia i taua whare i te aroaro o nga mema e 200 o te Ope me nga hoa o te tangata kua mate. Ko te kawhena i ataahua rawa he mea whakapaipai ki nga tini puawai takoto ana te kawhena i roto rawa i te whare i raro tata mai i te nohoanga pikitanga, he tokomaha nga Apiha i inoi, muri mai i tena ka waiata ano e ratou i tetahi himene i rite ki taua karakia. Muri mai i tena ka inoi. Ka mutu tena ka korerorero a Apiha Parata (Adjutant Spratt) i a raua korero ko Te Rewiti i korero ai raua, i te korero whakamutunga i te Rahoroi. Korerotia ana e taua Apiha te 14 o nga upoko o Hoani i te Rongopai) ano ka mutu ana whaikorero katahi a Te Parata ka korero i runga i te reo hopohopo taua upoko kua whakahuatia i mua ake nei me tetahi wahi i te 5 o nga upoko o Korinihi 2. I roa ano tona korero mo te matenga hari o to ratou teina kii ana hore he pouri horerawa he wehi ona ki te mate, mutu mai tena ka waiatatia he himene, inoi ana a Te Hira, minita, (Rev. J. S. Hill,) mutu ana tena ka inoi taua Apiha ano ka mutu tena, ka hapaingia te kawhena e nga Apiha o te Ope tokowha, mauria ana ki te kareti mo te tupapaku. Tiri haere ana nga tangata ki te whare o Te Makei (Mr. A. Mackie), te kainga i nga ai Te Rewiti i tona matenga haere e whakamua ana Te Pana (ara nga taramu me nga mea whakatangitangi) i te kareti, he maha nga kareti me o ratou tangata me nga tini tangata i haere ra raro, i reira hoki etahi tangata Maori. I te kareti tuatahi ko Wiremu Ianga (Mr. William Young), a Wiremu Tatahara (Mr. William Tattersall), a Te Puihi (Mr. J. W. Bush), Te Rewiti (Mr. C. Davis), Hemi Hare (Mr. James Hally), ko enei nga tino Tauaa.

 

I te kareti tuarua ko Te Heima, minita (Rev. T. Hamer ), Te Kitohi (Rev. W. Gittos), me te Makei (Mr. A. Mackie), Te Pere (Mr. W. Berry), ko era atu o nga kareti i ki puru i nga tini hoa i mohio i aroha ai kia Te Rewiti i a ia e ora ana kitea ano hoki a Te Meira, minita Rev. G. Smales), Te Moha (F. J. Moss, Esq. ), a Te Eikena (Mr. W. Aitken), a Te Pai karowhi (Mr. Bycroft), Te Rakene (Mr. F. Larkins), Te Hataa (Mr. R. B. Shalders) Te Hamawira (Mr. M. Somerville), a Te Pereama (Mr. J. Brame), a Te Irimana (Mr. S. J. Edmonds), Te Hira (Mr. T. B. Hill), Te Hanetara (Mr. Champtaloup), me te maha noa atu. Ano ka timata te haere a te tira, ka whakatangihia e te pana taua himene e mohiotia nuitia ana ("Tatu ora ana ki nga ringa o Ihu." Ano ka tae ki te takotoranga wai o te taone ka motu atu te pana me nga tangata haere whenua tuku atu ana nga kareti kia haere ki Waikomiti. I tu ano tetahi karakia poto i te taha o te marua na Te Heima, minita (Rev. T. Hamer), me Te Kitohi, minita (Rev. W. Gittos), me te Apiha Parata (Adjutant Spratt). Kia mahara tatou ki enei kupu a Hemi te Apotoro: -

 

"No runga nga homaitanga papai katoa, nga mea katoa e tika ana, he mea heke iho no te Matua o nga whakamarama, kahore nei ona putanga ketanga, kahore hoki he atarangi o te tehuri.''

 

Whakaatu i nga Reta Tuku Mai.

 

Ki a "Hori Ngapeete," Pakipaki: Kua tae mai to pukapuka whakaatu, e tika ana, no muri i te pukapuka ki a koe i tae mai a korua moni ko Hori Kiokio.

 

Ki te Hamama popoia te tangata e kore e mau te ika.