Pukapuka 3, Nama 21
18760706

whārangi 249  (8 ngā whārangi)
250titiro ki te whārangi o muri


Tirohia ngā kupu whakataki o tēnei niupepa

 
TE WANANGA.

HE PANUITANGA TENA KIA KITE KOUTOU. " TIHE MAURI-ORA,"

NAMA 21. NEPIA TAITE, 6 HURAE, 1876. PUKAPUKA 8. Te Wananga.

Kotahi Putanga i te Wiki. TAITE, 6 HURAE, 1876.

NGA MAHI A TE PAREMATA. NO TE 15 o nga ra o tera marama i ta ai te korero a te Paremata hou, a ko apopo te torn ai nga wiki i mahi Runanga ai taua Paremata. I te wiki tuatahi ano i ta ai taua Paremata i ora iti te hinga ai to Kawana- tanga ; te mea i ora ai ratou, te tino pera ai, he mea na te Pooti kotahi a te Tumuaki o tana Paremata. Te take o taua oranganoatanga o taua Kawanatanga, he tautohe na taua Paremata mo te whenua i Piako, i hokona hetia e te Kawanatanga. E rua wiki i mua atu o te ra i ta ai te Paremata hou, i panuitia ai taua whenua i Piako e te Kawanatanga kia tino riro taua whenua i te Hoko. A i kiia e etahi Mema o te Paremata, he mahi he taua mahi panui i taua whenua, no te mea, i tera Paremata, i kiia e te Kawanatanga e kore taua whenua e hokona e ratou, a me whakaae mareri ano e te Paremata, ka hoko ai ratou i tana whenua. Ano ka oti nga mahi Pooti a te Paremata mo tana whenua, ka noho Runanga, nga hoa o te Kawanatanga, ka noho Runanga ano hoki nga hoa o to hunga e whakahe ana ki nga mahi o te Kawana- tanga. A ko nga Mema o te Paremata, kahore nei e piri ki te Kawanatanga ranei, ki nga kai whakahe ranei o te Kawanatanga, i mea, e kore ratou e pai, kia waiho te tautohe mo te whenua i Piako, hei tino take e hinga ai te Kawanatanga, engari me waiho rawa ano te tino pakanga ki Te Kawanata- nga, i te take nui e horapa katoa ana te he ki te nui o nga mahi mo* nga motu nei, a ua reira i whakaaetia ai km tukua tana whenua i Piako, ki- te hiahia a Te Kawanatanga. A he nui noa atu nga korero tu a kino a nga Mema kia ratou ano i roto i Te Paremata, a he iti te. mahi kua oti. A kei te tatari nga Mema o Te Paremata kia korerotia e Te Kawanatanga ta ratou whakaaro wehewehe mo nga moni o nga mota nei, a kia puaki- na ana korero e Te Kawanatanga, ko reira te mohiotia ai te tino whakaaro o nga Mema katoa, ara o te kupu whakaaro ranei o te kupu whakahe ranei a Te Parema- ta ki te Kawanatanga a Makarini ma. A no nanahi i tu ai te Runanga a nga hoa o Kawana Kerei, a i mea tana Runanga, e kore ratou e whakapuaki i ta ratou whakahe mo te Kawanatanga kia tino rangona nga take mahi katoa e kiia aua kia mahia e Te Kawana- tanga. Kotahi tino kupu kei whaaki atu ki te iwi Maori, ko te kupu mo te Pooti mo Karaitiana Taka- moana. I mea a Te Makarini, kia kaua e mana te Pooti i tu nei mo Karaitiana, a kia kaua e whakawa. kia nga take i he ai taua Pooti e Te Paremata. A. oti ana ki te kupu nei, me rapurapu te tikanga o taua Pooti e Te Komiti. He nui noa atu nga Pitihana kua tae ki te Paremata, kia tu a Karaitiana, a e mea ana matou, kapai ano kia tu a Karaitiana hei Mema mo te Tai Rawhiti. I uia ano a Te Makarini, he aha te take i kore ai e whakaturia he Komihana titiro i nga hoko whenua a i Te Maori, mo te turanga o Te Tatana, Komihana i Heretaunga, i te mea hoki kua tonoa a Te Tatana e te Kawanatanga ki Tanitana. A ko te utu mai a Te Makarini mo taua ui. I mea a ia. E maharaharatia aua ano taua mea e Te Kawana- tanga, a ka tu ano he tangata ia ratou hei Apiha mo taua mahi, i te wa e kitea ai he tangata tika mo taua mahi. E kiia pea e te tini o te iwi, he kupu ha kaa aua kupu no te mangai o Te Kawanatanga. Ko matou ia e mea ana, e hara i te kupu noa. Ko te tangata maua rawa e mahi tika taua mahi i Ahuriri, hei tino tangata aia, hei te tangata e mohio ana ki te mano mahi nukarau, a te ngakau e hoake ai, a, a tana Ariki e ako ai i a ia. A he pai koe kia ki matou, koia ano, e hara te iwi, i te hunga tino kino, i te mea hoki e kore e rokohanga wawetia te tangata mauria kino e hoi ai tana taranga a Tatatia kia kapi. £ mea ana matou, ka mahia e matou nga mahi katoa o te Paremata, kia rongo ai a matou hoa Maori i nga tikanga o te Paremata, a kia taia ia wiki, ia wiki nga mahi e pai ai te Maori, hei rongo korero, kia whaakina kia ratou,