Pukapuka 3, Nama 39
18761104

whārangi 397  (8 ngā whārangi)
398titiro ki te whārangi o muri


Tirohia ngā kupu whakataki o tēnei niupepa

 
TE WANANGA. HE PANUITANGA TENA KIA KITE KOUTOU. "TIHE MAURI-ORA." NAMA 39. NEPIA, HATAREI, 4 NOEMA, 1876. PUKAPUKA 3. PANUI MO TE WATI. Ki te mea ka rokohanga te tangata i te whenua mamao noa atu, a ka taapu tana Wati. He mea ako atu tenei kia mohio ai taua tangata ki te whakahaere ano i tana Wati kia tika ai. Me titiro te tangata ki te wa e puta mai ai te ra, a e too ai te ra, kei reira te wa tika mo te taima mo te Wati :— KA PUTA TE RA. KA TOO TE RA. Noema, 7, 4 48 meneti, 6 40 meneti. 8, 4 48 meneti, 6 40 meneti. 9, 4 47 meneti, 6 41 meneti. 10. 4 46 meneti. 6 42 meneti. 11, 4 45 meneti, 6 43 meneti. 12, 4 44 meneti, 6 44 meneti. 13, 4 43 meneti. 6 45 meneti. 14, 4 42 meneti, 6 47 meneti. 15, 4 42 meneti, 6 4S meneti.

HE PANUI KI NGA TANGATA KATOA, E TUKUA ATU ANA TE WANANGA KIA RATOU.

Ma te tini e hoe te waka ka tere ai, ma te ahu whenua ki te ngaki kai, ka ranea ai he o ma te kai tahu kai, a e ora ai a tamaroto, whai hoki, ma te utu mai a nga kai tango i TE WANANGA nei, ka hua ai he moni hei utu mo te mahinga i tenei Nupepa mo te Maori. He mea atu tenei ki nga tangata e tukua atu ana TE WANANGA nei kia ratou, ara, ki te hunga ki ano i utu i a ratou utu tau mo TE WANANGA, kia tukua mai a ratou utu. kia kaha ai TE WANANGA ki te ami rongo korero mo te iwi. He toetoe ano te toetoe, he raupo ano te raupo, he kakaho ano te kakaho, otiia ma te ringa tangata e raweke aua mea ka kiia ai he whare. He korero ano te korero, he minamina ano to te ngakau kia rongo i nga korero o nga mahi katoa a te iwi, otiia ma te moni ka noho ai aua rongo korero ki TE WANANGA. Koia matou i mea atu ai, kaua e whaka- tikia TE WANANGA ki nga kai, ara, ki te utu tau mo taua Nupepa nei, kia kaha tonu ai ki tana mahi mo te iwi.

TE WANANGA.

Kotahi Putanga i te Wiki.

HATAREI, 4 NOWEMA, 1876. NGA KORERO A MATUTAERA RAUA KO TA TANARA MAKARINI.

HE mea tuku mai nga reta i raro iho nei, kia taia ki TE WANANGA. Kua kite te iwi nga korero a Ta Tanara Makarini, i mea ai ki te Paremata, mo a raua korero ko Matutaera. Koia i taia ai enei, kia kitea ai ano hoki nga korero i korero ai raua, ki ta te Maori i whakarongo ai. Koia nei te reta i tukua mai kia Renata Kawepo :— Tututawa, Wharepuhunga. Hurae 19, 1876. Kia Renata Kawepo :—E hoa tena koe. me o taua iwi, te noho mai na i tena pito o to tatou Motu. Ma te Atua koutou e tiaki i roto i nga ra o to tatou kinotanga. E hoa. taku kupu atu ki a koe tukua e koe tenei panui kia TE WANANGA, kia kite o taua hoa aroha i te Motu nei. Engari, kapea e koe, kia waiho te mea i a koe hei kai whakatika mo tu, te Perehi, hei kai whakahe ranei. Heoti ano. na to hoa aroha. NA WHITI PATATO. Tenei kupu te Koromatua, ko Waikato. Akutio. ko nga Urupa i Waikato, ko koe kia mohio ki te whakamaoritanga. A koia nei te korero i korero ai raua, ki ta te tuhituhi mai a WHITI PATATO :— Kaipiha, Mei 24, 1876. I tae mai a Te Makarini kia kite i a Tawhiao. No te 25 o Mei i timata ai te korero. Nga hoa o Te Makarini, ko Te Morehu, ko Te Mea, ko Puihi, nga hoa o Tawhiao, ko Tawhia, ko Te Tuhi. Kei runga ko Te Makarini, ka mea : E Tawhiao, he patai pea tau ki a au mo ta taua korero i Waitomo .' Ko Tawhiao : — Kotahi tonu taku kupu, me haere atu nga. Pakeha ki te wahi i tongia, waiho a Waikato ki a au. Ko Te Makarini :—E Tawhiao, e kore tena e taea e au. kua mea atu hoki au ki a koe i Waitomo, G kore e taea e au. Ko nga mea ano e taea e au taku e hoatu o au ki n koe. ko etahi waahi whenua i roto i Waipa. Ko Tawhiao :—Kotahi tonu taku, ko Waikato kia hoki mai ki a au. Ko taku kupu ano tena ki a koe i Waitomo. T mea ano au ki a koe, kei au ano a Waikato. Ko Te Makarini :—I mea atu hoki au ki a koe i Waitomo, ko koe ano hei mana rao to iwi. mo to takiwa. Ma to Kawana- tanga koe e awhina. Ko Tawhiao —Kei au nga tangata, mo te whenua. Te Makarini :—Ae. ka whakaae au ki tu kupu. e tu aua koe i runga i tou mana, ka apiti:', hoki e te Kawanatanga, ko koe ano hei mana mo tou iwi, mo tou takiwa. Ka titiro tonu te Kawanatanga ki a koe, e koro e titiro ki tetehi taha, ki tetehi taha, maau te tikanga, ka whai whakaaro to Kawanatanga ki a koe. me nga rangatira o to iwi hei awhina i a koe. hei mahi i nga mahi o tou takiwa. Heoi, ka mutu nga korero o re ra tua-rua. Ko Te Makarini :—E Tawhiao, e pewhea ana koe ki ta taua korero, e mea ana au kia oti i a taua etahi ritenga, mo to haere rawa mai o te Kawana kua oti i a taua. Ko Tawhiao :—Ko te kupu mo te Kawana kei au ano te ritenga, kei au ano tera. Ko Te Makarini :—Ae, ko taku e mea nei, kia oti i a tana. Ko Tawhiao :—Kotahi tonu taku, ko Waikato kia hoki ma; ki a au.