Pukapuka 4, Nama 1
18770105

whārangi 1  (12 ngā whārangi)
2titiro ki te whārangi o muri


Tirohia ngā kupu whakataki o tēnei niupepa

 
TE WANANGA. HE PANUITANGA TENA KIA KITE KOUTOU. "TIHE MAURI-ORA." NAMA—1. NEPIA, HATAREI, HANUERE 5. 1877. PUKAPUKA 4. PANUI MO TE WATI. Ki te mea ka rokohanga te tangata i te whenua mamao noa ! atu. a ka taapu taua Wati. He mea ako atu tenei kia mohio ai taua tangata ki te whakahaere ano i tana Wati kia tika ai. Me titiro te tangata ki te wa e puta mai ai te ra, a e too ai te ra. kei reira te wa tika mo te taima mo te Wati :—

HE PANUI KI NGA TANGATA KATOA, E TUKUA ATU ANA TE WANANGA KIA RATOU.

Ma te tini e hoe te waka ka tere ai, ma te ahu whenua ki te ngaki kai, ka ranea ai he o ma te kai tahu kai. a e ora ai a tamaroto, whai hoki, ma te utu mai a nga kai tango i TE WANANGA nei, ka hua ai he moni hei utu mo te mahinga i tenei Nupepa mo te Maori. He mea atu tenei ki nga tangata e tukua atu ana TE WANANGA nei kia ratou, ara, ki te hunga ki ano i utu i a ratou utu tau mo TE WANANGA-, kia tukua mai a ratou utu. kia kaha ai TE WANANGA ki te ami rongo korero nao te iwi. He toetoe ano te toetoe, he raupo ano te raupo, he kakaho ano te kakaho, otiia ma te ringa tangata e raweke aua mea ka kiia ai he whare. He korero ano te korero, he minamina ano to te ngakau kia rongo i nga korero o nga mahi katoa a te iwi, otiia ma te moni ka noho ai aua rongo korero ki TE WANANGA. Koia matou i mea atu ai, kaua e whaka- tikia TE WANANGA ki nga kai, ara, ki te utu tau mo taua Nupepa nei, kia kaha tona ai ki tana mahi mo te iwi.

TENEI TE TINO KUPU KIA KOUTOU. KI NGA IWI MAORI KATOA O AOTEAROA.

A TE marama o Tihema nei ka haere atu nga tangata toko-rua o te Komiti o TE WANANGA ki nga kaainga katoa o Aotearoa nei. He rapu atu ta raua i te kupu kia wha- kaaetia e nga iwi Maori, kia hirihiria nga karakia, kia whakairoa te papa, a kia puhipuhia TE WANANGA o te iwi Maori, kia aranga ai nga tapu o taua atua nei. A kia taraia ano hoki nga hoe, kia aukahatia ano hoki te waka i noho ai taua WANANGA, a te iti, e te rahi, e te pio o te iwi, kia kaha ai, kia huhu ai reo o taua WANANGA ki te iwi katoa, i te roa o to Uu. NGA UTU MAKETE.

AKARANA. Mo te paraoa o Hopetaone £17 mo te tana. Mo te paraoa o Atareta £18 10, he mea ano £19 mo te tana. Mo te paraoa o Nui Tireni £15, he mea ano £16 mo te tana. Mo to oti, e rua hereni nae te rima kapa, he mea ano e toru hereni mo te puhera. Mo te papapa paraoa, kotahi hereni mo te puhera. Mo te kaainga e wha hereni mo te puhera. Mo te riwai e £6, ne mea ano e £7 mo te tana. TARANAKI. Mo te paraoa tekau-ma-iwa hereni mo te 100 pauna taimaha. Mo te kaanga e wha hereni me te ono kapa mo te puhera. Mo to kau e £6, he mea ano e £7 mo te mea kotahi, mo te okiha e torn tau e £5, he mea ano e £6 mo te mea kotahi. Mo te kau kuao kotahi tau e £3, he mea ano e £3 17 6, mo te mea kotahi. Mo te kaa hapu e £9 mo te kau kotahi. Mo te aniana e wha kapa i mo te pauna taimaha. Mo te riwai hou e TO» kapa I mo te pauna taimaha.

TE WANANGA.

KOTAHI PUTANGA I TE WIKI. HATAREI, 5 HANUERE, 1877.

NGA MAHI WHAKAHAERE TIKA A TE KAWANATANGA, ME TE UTU TIKA I NGA MONI, KIA RITE MARIRE AI, KI TE NUI O TE MAHI E UTUA AI AUA MONI.

I NGA tau e rima kua pahure nei, i timata ai te korero whakahe a nga maori o Te Porowini o Ahu- riri nei, mo nga Pakeha mahi nukarau mo ta ratou hoko tahae i nga whenua a nga Maari, kihai i aro mai te taringa o Te Kawanatanga, kia Toingo ai ratou i ana kupu aue a nga iwi Maori ma te he e pehi kino ana ia ratou. A i whaakina aua mate a nga iwi Maori, ki nga Apiha o Te Tari Maori i Nepia nei, ki te Hupiritene ano hoki o Nepia nei, ki te