Pukapuka 4, Nama 2
18770113

whārangi 13  (12 ngā whārangi)
14titiro ki te whārangi o muri


Tirohia ngā kupu whakataki o tēnei niupepa

 
TE WANANGA. HE PANUITANGA TENA KIA KITE KOUTOU. _________"TIHE MAURI-ORA." NAMA—2._____________NEPIA, HATAREI, HANUERE 13. 1877. PUKAPUKA 4. PANUI MO TE WATI. Ki te mea ka rokohanga te tangata i te whenua mamao noa atu, a ka taapu tana Wati. He mea ako atu tenei kia mohio ai taua tangata ki te whakahaere ano i tana Wati kia tika ai. ! Me titiro te tangata ki te wa e puta mai ai te ra, a e too ai te ra. kei reira te wa tika mo te taima mo te Wati :— KA PUTA TE RA. KA TOO TE RA..

HE PANUI KI NGA TANGATA KATOA, £ TUKUA ATU ANA TE WANANGA KIA RATOU. I Ma te tini e hoe te waka ka tere ai, ma te ahu whenua ki te ngaki kai, ka ranea ai he o ma te kai tahu kai, a e ora ai a tamaroto, whai hoki, ma te utu mai a nga kai tango i TE WANANGA nei, ka hua ai he moni hei utu mo te mahinga i tenei Nupepa mo te Maori. He mea atu tenei ki nga tangata e tukua atu ana TE WANANGA nei kia ratou, ara, ki te hunga ki ano i utu i a ratou utu tau mo TE WANANGA, kia tukua mai a ratou utu. kia kaha ai TE WANANGA ki te ami rongo korero mo te iwi. He toetoe ano te toetoe, he raupo ano te raupo, he kakaho ano te kakaho, otiia ma te ringa tangata e raweke aua mea ka kiia ai he whare. He korero ano te korero, he minamina ano to te ngakau kia rongo i nga korero o nga mahi katoa a te iwi, otiia ina te moni ka noho ai aua rongo korero ki TE WANANGA. Koia matou i mea atu ai, kana e whaka- | tikia TE WANANGA ki nga kai, ara, ki te utu tau mo taua Nupepa nei, kia kaha tonu ai ki tana mahi mo te iwi.

TENEI TE TINO KUPU KIA KOUTOU. KI NGA IWI MAORI KATOA O AOTEAROA. A TE marama o Tihema nei ka haere atu nga tangata toko-rua o te Komiti o TE WANANGA ki nga kaainga katoa o Aotearoa nei. He rapu atu ta raua i te kupa kia wha- kaaetia e nga iwi Maori, kia hirihiria nga karakia, kia whakairoa te papa, a kia puhipuhia TE WANANGA o te iwi Maori, kia aranga ai nga tapu o taua atua nei. A kia taraia ano hoki nga hoe. kia aukahatia ano hoki te waka i noho ai taua WANANGA, e te iti, e te rahi, e te pio o te iwi, kia kaha ai, kia huhu ai reo o taua WANANGA ki te iwi katoa, i te roa o te tau. HE TANGATA MATE. No TE 29 o Tihema, i mate ai a Tamati Marino, te tino rangatira kaumatua o Ngatiturangiheke. E kii» e 80 on» tau. He kupu whakamaharatanga enei na matou mo Tamati Marino. He tangata aia e tino mohiotia ana • te iwi o Aotearoa, no te mea hoki, i haere aia ki te wha- kamariri i nga iwi i nga ra o te pouri i Waitara. Whai- hoki i tae ano aia ki te haumi i te Pakeha i nga ra o te Pakeha i noho mataati ai i Taranaki. He nui noa atu nga Maori me nga Pakeha i tae ki te nehunga, o taua kaumatua, a ki te tangi ki to ratou tipuna kua mate.

Te Wananga.

Kotahi Putanga i te Wiki.

HATAREI, 13 HANUERE, 1877.______ Ko NGA KORERO ROANGA O TE KORERO UPOKO O NGA. KII A TE WAKANGA I TE PUTANGA o TE WANANGA I TERA WIKI, E KORE E TAEA TE TA I TENEI, TAIHOA ANO KA TAIA B MATOU.

TE WAKA MAORI KUA HAHUA ANO.

No te meera tae hou mai i Poneke, i tae mai ai te Waka Maori, ona e puta hou ana mai i te mate. He tini noa atu nga ra ona i kiia ai, ka puta, ka puta. A no nga marama kua pahure nei, nga Apiha o Te Tari Maori, i haereere ai ki nga tini wahi o te Koroni | nei korero pati pati haere ai kia tahuri te iwi Maori kia utu i te Waka Maori kia mahia ano taua Nupepa. A i tono ano hoki aua Apiha kia tuhi tuhi pukapuka nga Maori, a kia tuku Pitihana aua Maori ki te Pare- mata, he tono aua pukapuka me aua Pitihana kia kaua e mutu te mahia te Waka Maori. A ko te Etita tawhito o taua Nupepa, i eke i te Taima o Te Kawa- natanga i era wiki, a i haere aia ki nga iwi o Hereta- unga me Ngaiporou. He mea nana kia tini he tangata Maori ki te utu i te Nupepa i Te " Waka Maori," ki» mahia ano taua Nupepa. A e ki ana te Etita O Te " Waka Maori," " ko te utanga mo taua " Waka," " ko te tika, ko te aroha, ko te pono," ka hoatu ki nga tangata utu i taua " Waka," e kore a hoata ki te tangata utu kore i taua " Waka." He tini tika- nga