Pukapuka 1, Nama 14
18930708

whārangi 1  (8 ngā whārangi)
2titiro ki te whārangi o muri


 
HUIA TANGATA KOTAHI.

NAMA 14. * HATAREI, HURAE 8, 1893.

Kote utu mote pepa nei ite tau, kotuhi

pauna, kite tuku mai te tangata i tana pauna,

ite Pohi, me Rehita rawa, ka tuku mai; kote

tahi me penei.

Kia Ihaia Hutana, Etita o Huia,

Hehitingi Nepia.

PANUI.

Kia mahara nga hou ki tenei kia tohu tohu

ki nga Pohi Mahita, mo a koutou Pepa. Kei

tukua noatia ki te He maha nga reta whaka

atu mote ngaro o nga Pepa, kua tae mai. He

nui te raru raru i pamai kia ahau mo tenei

ahua. ' Heoi taku ne Pohi atu inga Pepa i

runga i te Rarangi ingoa. E takoto nei i toku

riunga. Nate Etita.

HUIA TANGATA KOTAHI

HATAREI, HURAE S, 1893.

E RUA PUTANGA ITE MARAMA

EHOA ma tena pea o koutou

whakaro e ohorere mehe

mea ka kite iho i nga kupu o te

whakatau o te keehi a te Kari-

mana minita mote taka maori,

raua ko te Riihi Roia M. H. R.,

mo runga i te Hamene a te kari-

mana, kia utua kinga moni

kotahi mano, mote whaka pae a te

Riihi, mo raua kote Mete M. H. R.,

mote hoko o te Umutaoroa

Poraka.

Ko tenei keehi, e pa ana ki nga

Maori, i runga i te whenua Maori,

He whenua i hokona i nga Maori

i te tuatahi mote kotahi Pauna

mote eka. Te rua, Kote tangata kua

whakapaea nei. e te Riihi, he

Minitia Maori. No reira, e tika

ana pea kia Penei te whakaro;

He tino keehi ahua hou rawa

tenei kia tatou kinga Iwi Maori i

roto i nga Hupirimi kooti i Nui

Tirene, i te wa i riro ai taua

whenua ia ka hokona atu e kinga

Pakeha mote £15 tae atu ki te

£25 Pauna mote Eka kotahi.

Otira kote tino mea nui, i roto

i tenei keehi, kote ingoa, Minita

maori i mau nei kia te Karimana,

e ai ki ta te Riihi E hara i te mea

tika kia mahi te Minita Maori

i nga tu mahi penei, Engari i nga

mahi mote karauna menga mahi

pai mote Iwi.

Heoi kote Hamene a te kari-

mana mote Riihi kia utu inga

moni kotahi mano Pauna, mote

whakapae mona, a kote mea nui

ote karo a te karimana mo tenei

whakapae, e penei ana, kaore ano

ai a i tu hei mema mote whare ka

whakahaere raua kote Mete ite

hoko o te Umutaoroa Poraka, No

muri, aia i tu ai hei mema hei

Minita ano hoki, E ngari, i oti

nga mahi o taua hoko i te tau

1892 kua hori akenei, He maha

nga korero mo tenei keehi ko

tahi wiki e whaka haerea ana.

Note 23 onga ra o Hune nei i

mutu ai. Kote whakatau ote kooti,

me utu ate Riihi i nga moni e 20

herengi ara kotahi Pauna, kia te

Karimana, Ko nga moni

whakawa, mate Karimana katoa e

utu me ona Roia, ano hoki.

E hoa ma he tika pea ka

ohorere tatou ite whakatau nei

I na hoki kite, whakapikaua he

kawenga ki nga tangata toko rua,

he Taimaha i tetahi he mama, i

tetahi, ka ketekete ranei te mea

o raua ia ia te kawenga mama, a,

ka hari kote mea ia ia te kawenga

Taimaha a, keite Hinapouri ranei

te mea o raua i whakataua nei

kia utu i te 20 herengi, a keite

hari te mea o raua i kia nei mana

e utu nga raruraru katoa ote

whakawa ?

No reira whai tonu te ahua i

runga i tenei ko te Karimana te

mea ia ia te whin taimaha.

No reira ki te whakaoro ake i

runga i te ahua nei, kua mutu

pea te whakapono o te iwi kia in.

i runga i tenei turanga whai-

mana, kua nohia nei e ia. Otira

kua kite ano matou i roto i te

Nupepa Terekarawhe o Nepia u

te 27 Hune nei 1 korero ate

Karimana ki te whare, i tona

Putanga ki waho o te Nohanga

Minita, a me to puta rawa atu

ranei ki waho ote whare. Engari e

whaka haerea aua, ko Timikara

pea hei minita maori mo tenei

nohoanga ote Paremata, Otira

kaore ano i tino tuturu.

He maha nga korero o nga

Pepa Pakeha, o Poneke, o Timaru,

me Otakou, mote taha kia te

Karimana, mo runga i ta raua

raru rara, kote Riihi, he whakatu

i te Pouri mote Karimana i runga

i tenei whakatau.

Tena tatou e kite i te whika whakaatu

i te tokomaha o te iwi maori, i roto i te

whaikorero a Hori Kerei, ki tona taha, i

Akarana, i te Marama o Hune nei 16

onga ra 1894.

E ki ana ia kote tokomaha onga maori

tuturu, e 38, 900, konga hawhekaihe

maori 2681, Hui katoa koia tenei 41, 581

E wha tekau mahi mano, e rima rau e

waru tekau matahi tangata.

Tena pea tatou e oho i te whika nei,

ara i te kaha rawa o te hekenga iho, Ina

hoki i te tau 1874 i te marama o Maehe,

ko te whika ote tokomaha onga maori i

whakatu ria i reira 43, 538, Konga mea

kua maunu atu i roto i tenei whika 1957,

ara kua kore, I roto inga tau tekau

mawaru, mehe mea e tino tika ana e nei

whika, Pehea te ahua, monga ra e, haere

inainei ?

Ko taku whakaro tenei, me whaka

matau hoki nga maori ki te whaka mutu

te kai i te Waipiro, nga wahine e hapu

ana, menga tamariki, Kaore ano tatou i