Pukapuka 1, Nama 22
18931028

whārangi 1  (8 ngā whārangi)
2titiro ki te whārangi o muri


 
HUIA TANGATA KOTAHI NAMA 22.HATAREI, OKETOPA 28, 1893. NO HERETAUNGA. Kua mate a Hamihana Timi, He tamaiti maori, i mate ki roto ite wai ki warekaho whitianga. I tetahi Pikinika i Hauraki, he Puhau i etahi o nga tai tamariki, ka riro i tetahi wahine taua pu, ku mea utu ki tona hoa wahine, purei taua, ko koe hei Pahua ko ahau hei Rangatira, mau e haere mai ki au tono moni ai ka whakaae tana hoa, ka tahi te wahine e mea nei koia hei Rangatira ka mau ki tonu pu me te mahara ano kaore he hota kei roto ka haere mai tera wahine ka tono kia homai he moni, ka puhui utu e tetahi, tu tonu te hota ki muri o te taringa, heoi mauria ana tonu hoa kite Hohipera Engari kua ahua pai, I ki tetahi tangata Tane i reira nana ano i puru te pu, engari kaore ia e mohio ka mahi penei nga wahine nei. Kua tono nga tangata o Poneke kia korero ate Taute ki Poneke, kua tono ano hoki etahi kia tu aia hei mema mo reira heoi kaore a te Taute e whakaae kia tu aia hei mema, engari kua whakaae kia korero aia.