Pukapuka 1, Nama 7
18591001

whārangi 1  (4 ngā whārangi)
2titiro ki te whārangi o muri


Tirohia ngā kupu whakataki o tēnei niupepa

 

TE HAEATA TE UTU MO TE TAU } KOTAHI 2s 6d} " Tatou ka haere i to Ihowa Maramatanga." { TE MO TE PUKAPUKA KOTAHI 3d VOL. 1] AKARANA, OKETOPA 1, 1859. [No. 7. MARAMATAKA MO OKETOPA.

Hei te 12 o nga ra Hua ai te Marama. Hei le 26 o nga ra Kowiti ai te Marama.

1 Hatarei 2 Ra Tapu Waiata 9, 10, 11. 3 Manei 4 Turei 5 Wenerei 6 Tarei 7 Parairei 8 Hatarei

9 Ra Tapa Waiata 44, 43, 46. 10 Manei 11 Turei 12 Wenerei 13 Tarei 14 Parairei 15 Hatarei

16 Ra Tapu Waiata 70, 80, 81. 17 Manei 18 Turei 19 Wenerei 20 Tarei 21 Parairei 22 Hatarei

23 Ra Tapu Waiata 110—i io. 24 Manei 25 Turei 26 Wenerei 27 Tarei 28 Parairei 29 Hatarei

30 Ra Tapu Waiata-444—448. 31 Manei

E taia ana Te Haeata i te tahi o nga ra o nga marama katoa. Te utu mo tenei niupepa hia rua hereni mo te Tau te kau ma rua nga niupepa e taia i te tau kotahi. Ko nga tangata e mea ana kia taia o ratou whakaaro ki tenei niupepa, me tuhituhi a ratou pukapuka ki te Kai-Tuhi o Te Haeata, ara ki a Te Patara, kei Onehunga. Ko te tangata e hiahia ana kia taia tona panuitanga ki te Haeata nei, me kawe i tana pukapuka kia Te Wirihana ki te Whare Perehi o "The New Zealander," ma Te Wirihana e whaka- rite utu mo te panuitanga ka taia. T E HAEATA.

AKARANA, OKETOPA 1, 1859. TE PAKANGA O TE WIWI RATOU KO NGA ATAHI.

KUA mau te rongo, kotahi le parekura i muri iho o era i tuhituhia ki te Haeata mo Hepetema. Kei Horaperino (Solfer- ino) taua parekura. I rupeke nga ope ki taua whenua i te 25 o nga ra o Hune. Hupeke rawa ake 150,000 o nga Atari; 140,000 nga Wiwi ratou ko nga Hairini. A moe ana ratou katoa i reira, huaki ake te ata maranga ana ratou, kihai taro kua paia te huaki, kua tangi te repo, kua pupuhi. Te tino ngangaretanga i nga- ngare ai, a awatea noa, kake haere ana te ra ki runga me te kaha haere ano te riri o tetahi o tetahi, a torengi noa te ra ki tona rua—a po noa e pupuhi ana; ka- tahi ka whati nga Atari, waiho iho te papa ki nga Wiwi ratou konga Hairini, kanui te hinganga, haupu ana te tangata kei waenga ; e rua te kau mano o nga tupa- paku o tetahi, i pera ano to tetahi, hui katoa nga mea i hinga e wha tekau mano (40,000), mate rawa etahi, ko etahi i tu kau, kihai mate rawa. E ki ana katahi ano le parekura o naianei i pera ai te tokomaha o nga tupapaku. Ehara i te hanga! Heoti, kua ki te puku riri, kiana tetahi, ki ana ano tetahi, katahi ka mea a Rui Neporiana, Epara o Paranene, me hohou ki te rongo, whakaae tonu atu te Epara o Ataria. Na, ka kite raua i a raua, korero ana, whakatakotoria iho he turanga mo te rongo mau, heoi ano ka mau, whati ana nga opu hoki katoa aua ki o ratou kainga. | Ka nui te kino o tenei hanga o te pa- kanga ! ehia ranei enei nga wahine kua noho pouaru, me nga tamariki kua noho pani, me nga matua kua tamariki kore i 20 to i aua iwi? ka nui te tangihanga mo nga mea i ngaro. Ahea hoki nga tangata nu- nui o te ao te aroha ai kia ratou tangata, kia kaua hoki e aratakina ratou hei kai | ma te mata? Te komiti marire, te waiho ma te korero e whakatika nga he e tinei ngatahi, e whakamoka (e waha riri! Heoti, me whakapai tatou ki te Atua I mo tenei maunga rongo, me inoi hoki ta- tou ki a ia kia tiakina e ia nga iwi katoa kei ara ano he pakanga apopo ake nei.

TARANAKI.

HE maunga rongo tenei ki a Nikorima raua ko Ihaia ko Pukere,—ki o matou hoa whawhai kia whakamutua te whawhai, kaiahi nei ka mutu, i te 27 o Akuhata i te tau o totatou Ariki o Ihu Karaiti 1856. E mau raro iho nei nga korero o to matou oatitanga o te Runanga o Huite- rangiora raua ko te Pono. Kei runga ko Te Tahana Papawaka, kai-whakawa o te Kawanatanga, ka tohu patai ki nga tangata o Te Kaipakopako o te take o te whawhai. "Tena koe e Pene, korerotia mai tou whakaaro." Ka whakatika ko Pene ka whakaae. "Ae, kamutu i au te pakanga, ko te Atua ko te Ture hei tiaki i au: ki te patu tangata ahau, ko ahau ano hei utu mo taku he." "Ko rua ko wai?" "Ko ahau anake." "Ma wai koe e whakaae?" "Ma nga runanga katoa." "Tena koe e Tamihana, tau kupu ko- rerotia mai." Ka whakatika a Tamihana. "Ko taku kupu tenei, me whakarere e au aku hara i konei me aku kino, ara te whawhai. Ko te Ra hei oranga moku; ko te Atua ko te Ture hei tiaki i au; ki te kohuru au ko ahau ano hei utu mo aku he." "Ko rua ko wai?" "Ko ahau ana- ke." "Ma wai koe e Hika?" "Ma nga runanga katoa." •"Pohea hoki tau whakaaro e Ngara?" "Ae, tenei ano taku whakaaro, me pu- puru oku ringaringa ki nga hihi o te ra, i pahure ahau i te kino, he mea whaka- rihariha te kino ki au; ko te Ture hei patu i ahau me ka hoki au ki te kino." " Ko rua ko wai?" "Ko au anake." "Ma wai koe e whakaae?" " Ma nga runanga katoa i roto i oku rohe katoa."' ': Pehea hoki tou whakaaro e Te Hapi- mana Toheroa ?" "Tenei ano taku kupu. Ka mutu i a au te whawhai, ki te he ahau ko ahau ano hei utu mo taku kohuru.'