Pukapuka 3, Nama 34
18760930

whārangi 354  (12 ngā whārangi)
titiro ki te whārangi o mua353
355titiro ki te whārangi o muri


Tirohia ngā kupu whakataki o tēnei niupepa

 
TE WANANGA. NA nga Pakeha upoko tahaa te hono mahi tonu i te kupu taunu tonu kia Kawana Kerei, i aia e mahi ana i te era mo te iwi i te Paremata. E ki ana hoki aua tu Pakeha, ho kupu tino tikanga a ratou kupu e tawai nei kiu Kawana Kerei. Heoi ko matou e mea ana, na te rongo iti na te wairua kore o aua tu tangata i kore ai ratou e tae ki te mohiotanga, e kitea ai e o ratou kanohi pura nga nui, me nga pai e mahia ana e Kawana Kerei. E mea ana hoki a Kawana Kerei, e kore rawa e puta he pai, a e kore e mohiotia e te Kawanatanga a Ta Tanara Makarini, nga ara e wha- kahaerea ai te mahi, e tupu ai te iwi. a e mutu ai ano hoki nga he e taami nei i te ora mo nga Motu nei. E mea ana ano hoki a Kawana Kerei, ki te mea ka ki tetahi tangata kia tu aia hoi puapua mo te iwi. a hei tute arani i te pokai, penei kia whai mohio- tanga nui taua tu tangata, a kaua taua tu tangata e kawea e tana mauahara, kia whiua te iwi eia ki ana whakaaro kino, i pupu ake i tana hine- ngaro riri ki etahi o te iwi i mahi ahua he ki aia. Ki i te mea ka noho te tangata hei Apiha mo te iwi. Kaua aia e mea kia mahia te iwi ki ana mea e ki ai hei whakainati i te Tokomaha, mo nga he a etahi anake o te iwi. A ki te mea ka ki te tangata mana e whaka- haere nga mahi mo te iwi o te Motu nei. Penei me ringa mohio, me ringa kaha, me ringa kaiaka ki te hapai i te tino mohiotanga nui o to ao, e ora ai enei Motu i nga tini raruraru e whakamamae nei i a tatou. He tika to kupu a Kawana Kerei mo taua Kawanatanga o Ta Tanara Makarini, i te mea hoki kua he i a ratou a ratou Ture i mahi ai, a e mea ana ratou ma te Paremata e mahi he Ture hou, e kore ai e tau te he kia ratou mo taua mahi takahi ano a ratou i nga Ture o nga motu nei. E ki ana ano a Kawana Kerei. ko te hunga e mea ana rua ratou o whakahaere Te mahi Kawanatanga o nga motu nei. hei te tangata manawa nui. hei te tangata mahi tika i Te Ture, hei te tangata marama nui ki nga mate, ! a e kore ai aua mate e mau roa ki te iwi. kaua i to tangata tutara i ana hoa me te iwi, kaua i te tangata pai atu ki a te Pakeha korero whakapatipati mona, kei he tona whakaaro, a kei haere whakatarapi aia. kei ki aia. koia rawa ano te Ama, a ko te iwi nga kuri o tana marae. Kahore a TE WANANGA " mea atu he iwi pohe te Kawanatanga o enei ra. he iwi kanohi kite mamao, otiia, he titiro tawhiti ta ratou, ko te pai mo ratou ake, ko te moni kia ratou ki a ranea. Mei mutu pea te mahi Kawanatanga a ratou i era ra. penei e haere atu pea ratou i te kupu poroporoaki a etahi o nga Pakeha kua kai nui i nga mau a taua Kawanatanga i rukeruke nui ai ki ana mokai i pai atu ai. Tena ko tenei, kua hura nei e Kawana Kerei nga tini he, nga hoko he, nga mau mau moni, ka haere taua iwi nei a ona ra e peia ai i tana mahi Kawana-